Help Egypt / Hayyama Jireenyaa Gibxii

Hayyama Jireenyaa Gibxii

Baqattootaa fi koolu galtoota dabalatee namni biyya alaa Rippabiliika Arabaa Masrii keessa jiraatu hundi hayyama jireenyaa seera qabeessa ta’e qabaachuun dirqama. Osoo hayyama jireenyaa seera qabeessa ta’e hin qabaatin seera jireenyaa biyyattii keessatti ba’e kan seera Masriitiin adabamu cabsaa jira. Kanaafuu, UNHCR biratti erga galmooftanii booda hayyama jireenyaa keessan argachuu qofa osoo hin taane yeroo yeroon isaa dhumu akka haaromsitan gorfamtaniittu.

  1. Namoota kaardii UNHCR isaanii haaraa godhachuu yookaan baruumsaa haaraa fudhachuuf yeroo qopheeffataman, kanneen Waajjiraalee UNHCR irratti qophii qaban, yeroo wawwaammii isaanii keessatti lakkoofsa MFA (lakkoofsa Ministira Dhimma Alaa) kan hojiirra oolu fi guyyaa qophii gara Waajjira Itti-gaafatamaa Geejjibaa fi Imimgrashinii (Abbasiyaatti argamu) deemuuf barbaachisu ni argatu.
  2. Namoota kaardii UNHCR hojiirra oolu qaban, lakkoofsi MFA fi guyyaan qophii Infoline UNHCR (0231330000) irraa argamuu danda’a. Hojjetaan Infoline qophii kana bilbila irratti isinitti himee ni beeksisa. Guyyaa qophii keessan maxxanfamee argachuuf, https://eg.myunhcr.id/ daaw’adhaa.
  3. Guyyaa qophii keessanii, gara Waajjira Itti-gaafatamaa Geejjibaa (Abbasiyaatti argamu) deemaa. Achitti, foormii gaaffii hayyama jireenyaa dabalatee, sanadoota barbaachisoo hunda dhiyeessuu isin gaafatu. Hubachiisa: Maatii keessan keessaa namoonni biroo qophii irratti hirmaachuu hin dirqaman. Namni qofa dhimmichaaf itti gaafatamaa ta’e yookaan Abbaa Ganda/Abbaa Warraa ta’e, kaardii galmee UNHCR fi suura maatii hunda wajjin argamuu qaba. Booda, guyyaa kaardii hayyama jireenyaa fudhattanii deebitan isinitti kenname ni argattu. Mirkanessaa, galmee UNHCR keessan guyyaa qophii irra turuuf ji’a sadi (3) yookaan caalaatti hojiirra jiraachuu qaba.
  4. Guyyaa deebitanii kaardii hayyama jireenyaa fudhattu, gara Waajjira Geejjibaa fi Imimgrashinii (kutaa Hayyama Jireenyaa) deebi’aa, achitti kaardii hayyama jireenyaa fi steekkaroowwan mootummaa Misir irraa bahe ni argattu.
  5. Hayyamni jireenyaa Abbasiyatti Waajjira Geejjibaa fi Imimgrashinii keessatti qofa kennamee ni ba’a. Bakka Misir keessa jirtan kamuu taanaan, ofumaan achitti argamuu fi tajaajila guutuu fixuu qabdu.
  6. Guyyaa qophii isinitti kenname irratti, gara Waajjira Hayyama Jireenyaa (Abbasiyatti) akka isin dhiyaattan ni gaafatama.

  1. Kaardii galmee UNHCR maatii keessanii fi kanneen irratti isin waliin galmaa’an hunda, kan biyya Misir keessatti isin wajjin galmaa’anii jiran.
  2. Paaaspoortiiwwan aslii maatii keessanii fi kanneen isin waliin biyya Misir keessatti galmaa’an.
  3. Sanadoota galmee UNHCR keessanii fi paaspootiiwwan keessan koppii isaanii.
  4. Lakkoofsa madda (reference number) yookaan guyyaa qophii hayyama jireenyaa kan waajjira UNHCR yookaan MyUNHCR irraa argattan, yookaan SMS maxxanfame kan UNHCR irraa ergame—kan hayyama jireenyaa keessan ibsu.
  5. Suuraa gosa paaspoortii ta’e tokko, kan ofii keessanii fi kanneen dhimma keessan keessatti 12+ (12 waggaa fi ol) umuriidhaafi jiraatan hundaaf.

Eeyyee. Yeroo application keessan gara Kutaa Hayyama Jireenyaa geessitan, baankii manneen hojii keessatti argamu irratti:

  • 155 EGP kaffaltii bu’uuraawaa tajaajilaaf,
  • Akkasumas maatii keessan keessaa yoo jiraatan, nama umurii 12 fi ol ta’e hundaaf 85 EGP

akka kaffaltan ni barbaadamu.

Kaardii galmee UNHCR duraanii fi hayyama jireenyaa (asylum-based residence) keessan koppii isaanii deddeebisanii qabachuu hin dagatinaa.
Mootummaan Imimigireeshinii hayyama jireenyaa keessan haaromsuuf sanadoota kana gaafachuu danda’a.

Waajjirri muummee bulchiinsa kanaa bakka 417 Ramses Daandii in Abbasiya, kan qajeelfama kana hordofuun geejjiba uummataatiin salphaatti dhaqqabuu danda’u:

Baqattoota Kaayiroo Guddittii keessa jiraataniif:

Meetroo Kaayiroo: Buufatni waajjira muummee haaraatti dhihoo jiru Buufata Abbaasiyaa (Sarara Magariisaa; Imbaba – Buufata Xiyyaaraa) dha. Bulchiinsi kun buufata meetroo irraa erga bahee booda daqiiqaa shan miilaan deemuun ni danda’ama.

Baqattoota bulchiinsa biroo keessa jiraataniif:

Buufata Baaburaa Ramses: Baabura/geejjibaa uummataa bulchiinsa kamirraayyuu gara buufata Ramses deemuun ni danda’ama. Yeroo buufata sana geessan buufata meetroo Al Shohadaa dhaquun buufata meetroo Ataba irraa bu’aa gara sarara meetroo magariisaa (Imbaba – Airport) tti jijjiiramtanii buufata Abbassiya bu’aa. Bulchiinsi kun buufata meetroo irraa erga bahee booda daqiiqaa shan miilaan deemuun ni danda’ama.