Fayyaa

Tajaajilli UNHCR fi michoota isaatiin kennu hundi kaffaltii malee!

Dhukkubsataa waanan jiruuf kunuunsa fayyaa barbaada. Eessaa argachuu danda'a?

Ministeerri Fayyaa fi Uummata Masrii (MOHP) tajaajila fayyaa dhaabbilee isaa keessatti kennamu hunda lammiilee Masrii waliin walqixa baqattootaa fi koolu galtoota akka argatan taasisaa jira. Haalota baay’eedhaaf gara dhaabbata kunuunsa fayyaa sadarkaa duraa mootummaa deemtee achitti bilisaan ykn baasii madaalawaadhaan kunuunsa argachuu dandeessa jechuudha.

Tajaajila fayyaa ittisaa kan akka talaallii ijoollee kootiif ykn qorannoo ulfa koo na barbaachisa. Eessa dhaquu danda'a?

Tajaajilli akkasii dhaabbilee eegumsa fayyaa sadarkaa duraa mootummaa lammiilee Masrii akkasumas baqattootaa fi koolu galtootaaf bilisaan ykn baasii madaalawaadhaan kennama.

Yoo balaan yaalaa hatattamaa mudate – maal gochuu qaba?

Hospitaalonni mootummaa tajaajila fayyaa hatattamaa bu’uuraa lubbuu baraaru lammiilee Masrii akkasumas baqattootaa fi koolu galtoota bilisaan ykn baasii madaalawaadhaan ni kennu. Haa ta’u malee, gidduu seensaa sadarkaa olaanaa ykn hospitaala seenuu sa’aatii 24 ol ta’eef, hospitaalichi lammiilee Masrii fi warra Masrii hin taane irraa kaffaltii ni barbaada. Geejjibaa ambulaansii gara hospitaala MOHP dhiyoo jirutti geessuuf lakkoofsa bilbilaa 123 bilbili.MOHP namoota fedhii fayyaa murteessaa qabaniif gorsaa fi deeggarsa dabalataa karaa lakkoofsa bilbilaa 16474 ni kenna.

Dhukkuba yeroo dheeraa qaba, garuu dhaabbata eegumsa fayyaa sadarkaa duraa mootummaa irraa gargaarsa argachuu hin danda’u ykn qoricha sana bitachuu hin danda’u. Maal gochuu danda'a?

UNHCR fayyaa hirmaataa Mersal kilinikaalee Kaayiroo Guddaa keessatti qaba. Kilaasota kana keessatti, gorsa bilisaa, qoricha gatii hir’isaa fi qoratamuu gatii hir’isaa argachuu dandeessa. Mersal qunnamuuf, lakkoofsa bilbilaa: 0221206845, guyyoota hunda sa’aatii 9:00 irraa hanga 9:00 WBtti bilbilaa.

Ani ulfa waanan ta’eef sababa balaa fayyaa anaa fi/ykn daa’ima kootiif dhufuun qorannoo ogeessaa na barbaachisa. Eessa deemuu qaba?

UNHCR fayyaa hirmaataa Refuge Egypt tajaajila fayyaa bilisaa dubartoota ulfaa rakkoo ykn balaa guddaa qabanif kenna. (Maaloo qunnamtii armaan gadi ilaalaa).

Hospitalaatti tajaajila fayyaa na barbaachisa garuu kaffaluu hin danda’u. Maal gochuu qaba?

  • UNHCR hirmaataa Save the Children tajaajila fayyaa hospitalaaf namoota rakkoo fayyaa cimaa qabanif kaffala.
  • Yeroo balaa qunnamuuf lakkoofsa bilbilaa Save the Children: 01280770146, 01280769456 ykn 01064833320 bilbilaa.

Tajaajila fayyaa HIV fi/ykn TB-infection wajjin walqabatu na barbaachisa. Eessaa argachuu danda'a?

  • MOHP baqattootaa fi koolugaltoota hospitaalota addaa keessa jiraniif yaala HIV fi TB bilisaan ni kenna. Odeeffannoo dabalataaf sarara bilbilaa HIV: 01100666471 bilbiluu dandeessu
  • Michuu UNHCR Refuge-Egypt tajaajila dabalataa walqabatee kan akka qorannoo fi gorsaa fi wal’aansa infekshinii carraa argate ni kenna. (Ibsa quunnamtii armaan gadii ilaalaa)

Tajaajila fayyaa argachuuf UNHCR keessatti galmaa’uun na barbaachisa?

  • Dhaabbileen fayyaa hawaasaa kan akka MOHP Dhaabbileen eegumsa fayyaa sadarkaa tokkoffaa tajaajila eegumsa fayyaa sadarkaa duraa kennuudhaaf kaardii UNHCR hin sakatta’an akkasumas tajaajila kutaa balaa tasaa hospitaalota MOHP keessattis kanuma.
  • Garuu, tajaajila fayyaa armaan olitti ibsame UNHCR hirmaatoota (Mersal fi Save the Children) irraa argachuuf UNHCR keessatti galmaa’uun si barbaachisa

Ammas yoo kaardii UNHCR koo yeroon isaa darbe ykn yoo dhabe tajaajila UNHCR argachuu nan danda’aa?

  • Yeroo hunda UNHCR qunnamuudhaan kaardii koolu galtummaa ykn baqattootaa ykn ragaan koolugaltummaa kee akka dhume yoo hubatte beellama qabachuu qabda.
  • Tajaajila UNHCR hirmaatoota fayyaa (Mersal fi Save the Children) irraa argachuu ni dandeessa.
  • Yoo kaardii kana keessaa tokko hin qabdu, kan hojjataa ykn kan dhumate, ykn yoo haala kee cufame, tajaajila armaan olitti ibsame UNHCR hirmaatoota irraa argachuu hin dandeessu

Quunnamtii

Mersal

  • Lakkoofsa bilbilaa: 0221206845.
  • Guyyaa hunda: 9:00 AM hanga 9:00 PM

Refuge Egypt/Kooluu Gibxii (Kaayiroo qofa keessatti))

  •  Zamalek

Teessoo: Kaatediraala Qulqulloota Hundaa, daandii Michel Lutfallah 5, Hoteela Marriott duuba

Lakkoofsi bilbilaa: 012 7204 0710

  • Magaalaa Nasr:

Teessoo: Aanaa kurnaffaa, gabaa daandii irratti, “Maktab el-tamween” Gamoo waajjira walgargaarsa maatii

Lakkoofsi bilbilaa: 012 1197 0028

  • 6 Oktober:

Teessoo: 48 El-markazy, Kutaa 10ffaa, Waxabajjii 6

Lakkoofsi bilbilaa: 012 1197 0037