Caafimaadka

Dhammaan adeegyada ay bixiso UNHCR iyo la-hawlgalayaasheeda waa bilaash!

Waan xanuunsanahay waxaanan u baahanahay daryeel caafimaad. Xagee ka heli karaa?

Wasaaradda Caafimaadka iyo Dadweynaha Masar ayaa siinaysa qaxootiga iyo magangelyo-doonka dhammaan adeegyada caafimaadka ee lagu bixiyo xarumaheeda si la mid ah muwaadiniinta Masar. Waxay la macno tahay in xaaladaha intooda badan aad aadi karto rugta daryeelka caafimaadka aasaasiga ah oo aad halkaas ku heli karto daryeel bilaash ah ama qiimo jaban.

Waxaan u baahanahay adeegyo caafimaad oo ka hortag ah sida tallaalada carruurtayda ama hubinta uurkayga. xagee tagi karaa?

Adeegyada noocan oo kale ah waxaa lagu bixiyaa lacag la’aan ama qiimo jaban xarumaha daryeelka caafimaadka aasaasiga ah ee dadweynaha ee muwaadiniinta Masar iyo sidoo kale qaxootiga iyo magangalyo-doonka.

Haddii ay dhacdo xaalad degdeg ah oo caafimaad - maxaan sameeyaa?

Isbitaalada dadwaynuhu waxay bixiyaan adeegyada caafimaadka degdega ah ee naf-badbaadinta ee aasaasiga ah Masaarida iyo sidoo kale qaxootiga iyo magangalyo-doonka lacag la’aan ama qiimo jaban. Si kastaba ha ahaatee, waxqabadyada horumarsan ama cusbitaalka la seexinayo in ka badan 24 saacadood, cisbitaalku waxa uu u baahan doonaa lacag-bixin laga helo Masaarida iyo kuwa aan Masar ahaynba. Si aad u hesho gaadiidka ambalaaska ee cisbitaalka Wasaaradda Caafimaadka iyo Dadweynaha Masar kuugu dhow, wac lambarka taleefanka 123. Wasaaradda Caafimaadka iyo Dadweynaha Masar waxay siisaa talo iyo taageero dheeraad ah dadka baahiyaha caafimaad ee muhiimka ah iyada oo loo marayo lambarka taleefanka 16474.

Waxaan qabaa xaalad dabadheeraad ah, laakiin kama heli karo caawimo xarunta daryeelka caafimaadka aasaasiga ah ee dadweynaha ama ma awoodo inaan iska bixiyo daawada. Maxaa samayn karaa?

Qofka UNHCR ee daryeelka caafimaadka Mersal wuxuu ku leeyahay rugo caafimaad magaalada Qahira. Rugaha caafimaadka, waxaad ka heli kartaa la-talin bilaash ah, warqado daawooyin la dhimay, iyo diritaan baaritaanno la dhimay.

Wac Mersal ka hor intaadan u aadin xaruntooda lambarka: 0221206845 oo la heli karo toddobaadka oo dhan laga bilaabo 9:00 subaxnimo ilaa 9:00 galabnimo.

Waxaan ahay uur oo waxaan u baahanahay baaritaanno takhasus leh sababo la xiriira khataraha caafimaad ee aniga iyo/ama ilmahayga. Halkee ayaan aadaa?

Qofka UNHCR ee daryeelka caafimaadka Refuge Egypt wuxuu bixiya adeegyo caafimaad oo bilaash ah haweenka leh uurka adag ama khatarta sare leh. (Fiiri faahfaahinta xiriirka hoos ku xusan).

Waxaan u baahanahay daryeel isbitaal laakiin ma awoodo. Maxaan sameeyaa?

  • La-hawlgalayaasha UNHCR ee Save the Children ayaa bixiya kharashka daryeelka isbitaalka dadka qaba xaalado caafimaad oo daran.
  • Haddii ay jiraan xaalado degdeg ah fadlan wac khadka tooska ah ee Save the Children: 012 80770146, 012 8076 9456 ama 010 6483 3320.

Waxaan u baahanahay adeegyo caafimaad oo la xiriira HIV iyo/ama caabuqa TB-da. Xagee ka heli karaa?

  • Wasaaradda Caafimaadka iyo Dadku waxay si bilaash ah ku dawaysaa fayraska difaaca jidhka bini’aadamka (HIV) iyo Qaaxada (TB) ee qaxootiga iyo magangelyo-doonka ku jira isbitaallada gaarka ah. Wixii macluumaad dheeraad ah waxaad wici kartaa khadka tooska ah ee HIV: 01100666471
  • La-hawlgalayaasha UNHCR ee Refuge Egypt waxay bixiyaan adeegyo dheeraad ah oo la xiriira sida baarista iyo la-talinta iyo daaweynta caabuqyada fursadaha jira. (Hoos ka eeg faahfaahinta xiriirka).

Miyaan u baahanahay in aan iska diiwaan geliyo UNHCR si aan u helo adeegyo caafimaad?

  • Xarumaha caafimaadka dadweynaha sida Wasaaradda Caafimaadka iyo Dadweynaha Xarumaha caafimaadka aasaasiga ah ma eegaan kaararka UNHCR si ay u bixiyaan adeegyada daryeelka caafimaadka aasaasiga ah oo la mid ah waxay khuseeyaan adeegyada qolka xaaladaha degdegga ah ee Wasaaradda Caafimaadka iyo Dadweynaha.
  • Si kastaba ha ahaatee, si aad u hesho adeegyada caafimaad ee kor lagu sharaxay ee ay bixiyaan la-hawlgalayaasha UNHCR (Mersal iyo Save the Children) waxaad u baahan tahay inaad iska diiwaan geliso UNHCR.

Weli ma heli karaa adeegyada UNHCR haddii kaarkayga UNHCR uu dhacay ama uu iga lumay?

  • Waa inaad had iyo jeer la xiriirtaa UNHCR oo aad ballan qabsato haddii aad ogaato in magangelyo-doonkaagii ama kaarkaagii qaxootinimo ama shahaadadii magangelyo ay dhacday.
  • Waxaad weli awoodi doontaa inaad hesho adeegyada UNHCR oo fulinaysa la-hawlgalayaasha daryeelka caafimaadka (Mersal iyo Save the Children)
  • Haddii aanad haysan mid ka mid ah kaadhadhkan, ansax ama dhacay, ama kiiskaaga la xidhay, ma awoodid inaad hesho adeegyada kor ku xusan ee UNHCR la-hawlgalayaasha fulinta.

Xiriirada

Mersal

  • Lambarka degdegga ah: 0221206845.
  • Maalin kasta: 9:00 subaxnimo ilaa 9:00 galabnimo.

 

Refuge Egypt/Qaxooti Masar (Masar oo keliya)

  • Zamalek

Cinwaanka: All Saints’ Cathedral, 5 Micheal Lutfalla waddo, gadaashiisa Marriott Hotel

Nambarada telefoonka: 012 7204 0710

  • Nasr City 

Cinwaanka:  Degmada tobnaad, ee suuqa waddooyinka, “Maktab el-tamween” dhismaha xafiiska daryeelka qoyska

Nambarada telefoonka: 012 1197 0028

  • 6 Oktoobar

Cinwaanka: 48 El-markazy, Qaybta 10aad, 6 Oktoobar

Nambarada telefoonka: 012 1197 0037