Xaquuqda ah in aad caafimaad hesho waxaa ay daruuri u tahay xaqiijinta xaquuqaha kale ee aadanimo. Waa xaquuq gaar ah oo ay tahay in aad daryeel caafimaad hesho isla marka aad u baahato iyo waliba in aad hesho daryeel caafimaad oo kugu haboon iyo in aad hesho waxyaabaha caafimaadkaaga sare u qaadaya sida biyo nadiif ah iyo faya-dhowr wanaagsan; cuno nadiif ah oo kugu filan, hooy aad ku noolaato, bay’ad wanaagsan iyo waliba in aad hesho macluumaad la xiriira arimaha caafimaadka. UNHCR waxaa ay la shaqaysaa hay’adaha dowladda Liibiya ee qaabilsan caafimaadka iyo waxaana ay isku xir u samaysaa hay’adaha gaarka ah ee arimaha caafimaadka ka shaqeeya si loo xaqiijiyo in la helo bixinta ama fidinta adeegyo caafimaad oo dadka ku filan, sare u qaadista adeegyada caafimaad ee deegaanka iyo in dadka qaxootiga ah iyo kuwa magan-gelyo doonka ahba ay qayb ka noqdaan nimaamka qaran ee caafimaadka.
Hay’adda IRC waxaa ay adeegyo kala duwan u fidisaa qaxootiga iyo dadka magan-gelyo-doonka ah sida adeegyo caafimaad oo laga bixiyo xarunta bulshada ee Tripoli iyo waliba goobo kale oo aad ka heli karo caafimaad aasaasi ah:
Almgarief Xarunta Caafimaadka guud ee Dadweynaha (Arbaco, Khamiis)
Zawyet Al-Dehmani Xarunta Caafimaadka guud ee Dadweynaha (Axad, Isniin, Talaado)
CESVI waxay bihisaa adeegyada caafimaadka maskaxda iyo caafimaadka dhimirka qaxootiga iyo magangelyo-doonka u baahan gargaar maskaxeed. IRC waxay bixiyaan adeegyada taageerada caafimaadka dhimirka iyo bulshada oo ay ku jiraan la-talinta dhimirka.
