Mirgi fayyaa mirga namoomaa biroo ittiin fayyadamuuf baay’ee barbaachisaa dha. Innis tajaajila fayyaa yeroo sirrii fi haala gaarii ta’een kennamu dabalatee, wantoota bu’uuraa fayyaa irratti dhiibbaa qaban kan akka bishaan qulqulluu fi sirna qulqullinaa (sanitation) argachuu, nyaata gahaa fi mana jireenyaa, haala naannoo fayya qabeessa, akkasumas odeeffannoo fayyaa argachuu of keessatti hammata.
UNHCR dhaabbilee waliin hojjetan isaa yookaan kilinika dhuunfaa fayyadamuun deeggarsa yaalaa fi fayyaa sammuu hin kennu. Baqattoonni fi namoonni gaaffii maganguddoo dhiyeessan tajaajila fayyaa sirna fayyaa mootummaa biyyattii keessatti argamuun, kanneen akka wiirtuu tajaajila fayyaa mootummaa sadarkaa jalqabaa fi hospitaala mootummaa, fayyadamuun barbaachisaa dha. Yeroo tajaajila fayyaa barbaadan, namoonni sanada eenyummaa sirrii — yeroo baay’ee paaspoortii — dhiyeessuu qabu. Tajaajilli wiirtuu tajaajila fayyaa mootummaa sadarkaa jalqabaa keessatti kennamu yeroo baay’ee kaffaltii malee ni kennama; garuu tajaajilli sadarkaa lammaffaa fi sadaffaa (hospitaala mootummaa) baay’inaan kaffaltii kan gaafatu dha, kanaaf dhukkubsattoonni baasii barbaachisu kaffaluuf qophaa’anii jiraachuu qabu.
UNHCR abbootii aangoo fayyaa Liibiyaa waliin ni hojjeta, akkasumas garee Health Working Group jalatti dhaabbilee fayyaa waliin qindoominaan hojjachuudhaan tajaajiloota barbaachisoo argachuuf deeggarsa gochuu, tajaajiloota naannoo cimsuu fi baqattootaa fi namoota gaaffii maganguddoo dhiyeessan sirna mootummaa keessatti hirmaachisuuf ni hojjetaa.
