UNHCR baqattootaa fi koolu galtoonni gar-malee mana hidhaa keessatti hidhaman akka gadhiifaman fi Liibiyaa keessatti hidhaa garmalee akka dhaabbatu sirna gamaaggama abbaa seerummaa Barliin waliin walsimu hundeessuun filannoowwan tursiisaa akka qopheessan gaafatee jira. Fedhii namoomaa hatattamaa ta’e ilaalcha keessa galchuun, UNHCR kaayyoo hordoffii eegumsaa, adda baasuu, mirkaneessuu, gadhiifamuuf leellisuu fi filannoowwan tursiisaa fayyadamuuf jecha namoota dhimmi ilaallatu akka argatan gochuuf wiirtuuwwan tursiisaa keessatti gargaarsa yaalaa fi namoomaa lubbuu baraaruu ni kenna. Sochiin UNHCR wiirtuuwwan tursiisaa keessatti raawwatu imaammata tursiisaa Liibiyaa raggaasisuu bakka hin bu’u.
Ani amma wiirtuu hidhaa keessatti qabamee jira. UNHCR akka na hiikamuuf falmuu danda’aa?
falma. UNHCR wiirtuu hidhaa mootummaa kan bulchiinsa Directorate for Combatting Illegal Migration (DCIM) jala jiran ni daawwata. Wiirtuu hidhaa keessatti, UNHCR fi dhaabbileen waliin hojjetan isaa deeggarsa lubbuu baraaru ni kennu; kunis meeshaalee qulqullinaa fi meeshaalee gargaarsa bu’uuraa biroo raabsuu dabalata, akkasumas yeroo baay’ee barbaachisaa ta’etti dhugaatii ni kennu.
Ani amma wiirtuu hidhaa keessatti qabamee jira, akkasumas UNHCR waliin galmaa’uu barbaada. Maal gochuu danda’a?
UNHCR wiirtuu hidhaa keessatti hojii galmee hin raawwatu. Haa ta’u malee, UNHCR akka hiikamtan ni falma; yoo hiikamtan immoo gara wiirtuu galmee UNHCR tti ni qajeelfamtu, akkasumas beellama galmee ni argattu.
Ani fira koo kan qabame waliin wal-qunnamtii dhabeera. Argachuuf na gargaaruu dandeessu?
Giddugala bilbilaa UNHCR Tawasul lakkoofsa 1504 irratti bilbiluun odeeffannoo waa’ee fira keessanii kennuu dandeessu.
UNHCR namoota tajaajila isaa argatan mirkaneessuuf wiirtuu hidhaa mootummaa kan bulchiinsa Directorate for Combatting Illegal Migration (DCIM) jala jiran ni daawwata. Yoo/yeroma UNHCR fira keessan argate, akkasumas firi keessan hayyama yoo kenne, isin ni quunnama.
