بیا میشتیدنه

د کډوالو په بیا میشتیدنه کې له یوه داسې دولت څخه د کډوالو ټاکل او لیږد شامل دي چې په هغه کې دوی یو دریم هیواد داسې ته د خوندیتوب غوښتنه کړي وي چې د استوګنې له اوږدمهاله موقف سره یې – د کډوال په توګه – د منلو موافقه شوي وي. بیا میشتیدنه د خوندیتوب اړوند اندیښنو لپاره یو اوږدمهاله حل دی چې یو کډوال ښايي په خپل پناه غوښتونکي هیواد کې ورسره مخ وي.

ګټوره به داوي چې د بیا میشتیدنې په اړه د UNHCR ادارې اړوند د معلوماتو له پورټال څخه لیدنه وکړئ. په دې کې د UNHCR د بیا میشتیدنې د فعالیتونو په اړه ډېر تازه معلومات شتون لري او د هرې میاشتې په لومړۍ نیټه تازه کیږي. دغې پورټال ته په آنلاین بڼه دلته لاسرسی موندلی شئ. د ځانګړو هیوادونو لپاره د بیا میشتیدنې اړوند د نورو معلوماتو د موندلو لپاره د دودیز لټون اختیار هم شتون لري، په آنلاین بڼه یې دلته موندلی شئ.

له بده مرغه، نه. په انګلستان کې UNHCR اداره د دې پریکړه نه کوي چې آیا کډوال دې په انګلستان هېواد کې میشت شي او که نه. د بیا میشتیدنې په فعالیتونو سره به د UNHCR کړنې د دې ارزونه وکړي چې آیا یو کډوال دریم هیواد ته د بیا میشتیدنې معیارونه پوره کوي او که نه. که ستاسو د کډوالۍ قضیه د بیا میشتیدنې لپاره په پام کې ونیول شي، نو د UNHCR اداره به په هغه ځای کې له تاسو سره اړیکه ونیسي چېرته چې اوسېږئ. په انګلستان کې د UNHCR اداره په دې پروسه کې کوم رول نه لري.

مهرباني وکړئ په یاد ولرئ چې د بیا میشتیدنې لپاره هیڅ غوښتنلیک شتون نه لري. د پناه غوښتنې په هیواد کې د UNHCR د ادارې فعالیتونه به په هغه هیواد کې د میشتو کډوالو د خوندیتوب اندیښنو ته د رسیدو په لټه کې وي، ډیری وختونه ورته په هغه ځای کې حل پیداکوي چېرته چې کډوال قرار لري. ځینې وختونه، په هغه ځای کې د کډوالو د خوندیتوب اندیښنې نه شي حل کیدلی په کوم ځای کې چې دوی قرار لري، نو په دې حالت کې ښايي د UNHCR اداره د کډوالو د بیا میشتیدنې هڅه وکړي. په دې توګه به د پناه غوښتنې په هغه هیواد کې چېرې چې د UNHCR ادارې دفتر موقعیت لري د کډوال په قضیه باندې کره کتنه کوي. که چیرې یو کډوال د بیا میشتیدنې لپاره په پام کې ونیول شي، نو دوی ته به د UNHCR د ادارې له لوري په هغه ځای کې خبر ورکړل شي چېرې چې قرار لري.

له خپل هېواده د باندې کډوال باید د UNHCR ادارې له دفتر سره نږدې اړیکه ونیسي که چیرې دوی د خوندیتوب د اندیښنو په اړه یادې ادارې ته راپور ورکوي یا هم د بیا میشتیدنې په اړه معلومات غواړي.

باید په یاد ولرئ چې د بیا میشتیدنې وړاندیز یواځې ډېر لږ شمیر کډوالو ته د دوی د خوندیتوب د اړتیاوو پراساس ورکول کیږي. د نړۍ د 1% څخه لږ کډوال هر کال د UNHCR د ادارې له لوري د بیا میشتیدنې لپاره منل کیږي .دا ځکه چې د نړۍ د بیا میشتیدنې د اړتیاوو په پرتله هر کال د بیا میشتیدنې ډیر لږ ځایونه شتون لري. له همدې امله د بیا میشتیدنې ځایونه د هغو کسانو لپاره لومړیتوب لري چې ډېره زیاته اړتیا ولري؛ هغه کډوال افراد چې د خپلې پناه غوښتنې په هیواد کې د خوندیتوب له خطرونو سره مخ وي او خپل اصلي هیواد ته د خوندي بیرته ستنیدو یې هیڅ امکان شتون و نه لري. د بیا میشتیدنې په هیواد کې د کورنۍ اړیکې، لکه د انګلستان له هېواد سره، ښايي په پام کې ونیول شي خو دا زیاتره دا نه په ګوته کوي چې آیا افراد به د بیا میشتیدنې لپاره راجع کیږي او که نه.

له بده مرغه، نه. څرنګه چې د بیا میشتیدنې د ارزونې پروسه په نورو هیوادونو کې د UNHCR د فعالیتونو په لړ کې ترسره کیږي، نو په انګلستان هېواد کې د UNHCR اداره نه شي کولی چې د اړونده پروسې په اړه تازه معلومات چاته ورکړي یا هم پروسه ګړندۍ کړي. په انګلستان هېواد کې زموږ دفتر په بیلابیلو دفترونو کې د ثبت شويو کډوالو د قضیو اسنادو ته لاسرسی نه لري او په هر حالت کې موږ نه شو کولی له هېواده د باندې کومې دریمې ډلې ته د کډوالو اړوند معلومات په واک کې ورکړو.

له خپل هېواده د باندې کډوال باید د UNHCR ادارې له دفتر سره نږدې اړیکه ونیسي که چیرې دوی د خوندیتوب د اندیښنو په اړه یادې ادارې ته راپور ورکوي یا هم د بیا میشتیدنې په اړه معلومات غواړي.

کله چې د UNHCR اداره کوم کډوال د بیا میشتیدنې لپاره ومني، نو وروستۍ پرېکړه د بیا میشتیدنې هیواد ترسره کوي چې ایا د دوی قضیه ومني او که نه.

د کډوالو بیا میشت کیدل په ډیرو فکتورونو پورې اړه لکه د بیا میشتیدنې ځایونو شتون، د بیا میشتیدنې هیواد د داخلیدو معیارونه او د لومړي پناه غوښتونکي هیواد په همکارۍ او نورو پورې اړه لري. د کډوالۍ وضعیت ته له پام پرته، بیا میشتیدنه حق نه دی، او دولتونه د بیا میشتیدنې لپاره د کډوالو د منلو لپاره هیڅ مکلفیت نه لري.

دا امکان نه لري چې یو څوک د UNHCR ادارې ته د دې لپاره غوښتنلیک ورسپاري ترڅو د کورنۍ غړي یې د بیا میشتیدنې له لارې انګلستان ته راوستل شي (د بېلګې په توګه، والدین، وروڼه، خویندې یا هغه نور ماشومان چې عمرونه یې له 18 کلونو پورته وي).

د UNHCR اداره هغو کډوالو ته لومړیتوب ورکوي او د بیا میشتیدنې لپاره یې مني چې د دوی لپاره هیڅ اوږدمهاله حل شتون نه لري، او د دوی ژوند د پناه اخیستنې په هیواد کې له خطر سره مخ وي. دا ډېره مهمه دې باید پرې پوه شئ، ځکه چې د دې احتمال چې له مخې دې ستاسو د کورنۍ ټولو غړو ته د UNHCR د ادارې له لوري د بیا میشتیدنې لپاره لومړیتوب ورکړل شي له بده مرغه خورا لږ دی او دا د دوی په انفرادي وضعیت پورې اړه لري. د بیا میشتیدنې لپاره چا ته لومړیتوب ورکول له دې اصل سره تړاو نه لري چې تاسو په انګلستان هېواد کې شتون لرئ. په دې اړه پریکړه چې د بیا میشتیدنې لپاره باید چاته لومړیتوب ورکړل شي، په انګلستان هېواد کې د UNHCR د ادارې یا هغه سازمان یا ډلې چې په انګلستان کې ستاسو ملاتړ کوي، د هغوۍ له کنترول څحه پورته خبره ده.

په دې اړه د نورو معلوماتو لپاره مهرباني وکړئ له دې پاڼې لیدنه وکړئ: https://www.unhcr.org/5f8f11e04.pdf او https://www.unhcr.org/5f8f122d4

که ستاسو کورنۍ له انګلستان څخه د باندې پناه غوښتونکي، کډوال یا بې وطنه کسان وي او دوی د خپل خوندیتوب یا هوساینې په اړه اندیښنه لري، دوی بایدد UNHCR ادارې اړوند له نږدې دفتر سره اړیکه ونیسي. د دوی د ستونزو پر اساس، دوی ښايي د UNHCR ادارې د برنامو، دولتي خدماتو یا نورو مرستندویه سازمانونو له لوري د پناه غوښتنې هیواد ته راجع شي.

له انګلستان هېواد څخه د باندې د UNHCR د دفترونو لپاره د اړیکو معلومات دلته موندلی شئ. د UNHCRد ادارې اړوند زیاتره دفترونه د کډوالو لپاره هغه آنلاین معلومات لري چې څرنګه کولی شي د دوی خدماتو ته لاسرسی پیداکړي او د دوی له نږدې دفتر سره د اړیکې لپاره د ځانګړي مشورې وختونه مهالوېش شي.

تاسو ته هم دې ته ښه راغلاست ویل کیږي چې که چیرې ستاسو خپلوان نه شي کولی د UNHCR ادارې له نږدې دفتر سره اړیکه ونیسي ترڅو په مستقیم ډول خپلې اندیښنې ورسره شریکې کړي، نو په انګلستان هېواد کې د UNHCR 0203 761 9500 له ادارې سره اړیکه ونیسئ. کولی شئ له موږ سره د تلیفون له لارې په  شمېره (داخلي شمېره 2) یا د بریښنالیک له لارې [email protected] د کاري ساعتونو په اوږدو کې اړیکه ونیسئ.

مهرباني وکړئ په یاد ولرئ چې په انګلستان کې UNHCR اداره زیاتره د بیا میشتیدنې په پروسه کې دخالت نه لري او موږ د هغو کډوالو د قضیو اسنادو ته مستقیم لاسرسی نه لرو چې په نورو هیوادونو کې ثبت شوي وي. همدارنګه، موږ نه شو کولی د کډوالۍ د قضیې محرم معلومات چاته په واک کې ورکړو. دا په دې معنا ده چې په انګلستان کې زموږ دفتر ښايي له دې هېواد څخه د باندې کډوالو د قضیو په اړه تازه معلومات و نه لري او موږ به په عمومي توګه ډول سارښتنه وکړو چې ستاسو د کورنۍ غړي دې په مستقیم ډول د UNHCR له دفتر سره اړیکه ونیسي.

هو. د بیا میشتیدنې د پروسې په هیڅ پړاو کې یا د په UNHCR اداره، یوې بهرنۍ نادولتي موسسې، یا کوم بل فرد یا سازمان له لوري باید له کډوال څخه د پیسو ورکولو یا هر ډول خدماتو چمتو کولو غوښتنه و نه شي. له هر چا څخه سره چې د بیا میشتیدنې په اړه د پیسو یا خدماتو لپاره اړیکه ونیول شي باید د محرم شکایتونو په بکسونو یا د تلیفون د شمیرو له لارې د UNHCR له سیمه ییز دفتر ته د پېښې په اړه راپور ورکړي.

که تاسو د درغلیو په اړه شکایت لرئ، ن کولی شئ د UNHCR اړوند د عمومي پلټنې له خپلواک دفتر سره هم اړیکه ونیسئ. په دې اړه نور معلومات دلته شتون لري: https://www.unhcr.org/uk/inspector-generalsoffice.html