Yon moun k ap fè demann pou estati refijye se yon moun ki eksprime devan otorite dominiken yo laperèz li genyen pou l retounen nan peyi orijin li, men leta dominiken poko deside sou demann li a.
Ki dwa moun k ap fè demann pou estati refijye yo genyen?
- Pwoteksyon kont retounen fòse (retounen) nan peyi orijin nan jiskaske yo pran yon desizyon final sou ka yo a.
- Resevwa enfòmasyon ki klè, gratis epi atan sou pwosedi pou mande estati refijye a.
- Libète pou deplasman ak dwa pou yo pa arete yo (Atik 134 Lwa Migrasyon 284-04).
- Remèt CONARE tout prèv ki valab pou sipòte demann nan.
- Revandike desizyon CONARE si yo rejte demann nan.
- Dwa ak yon entèprèt nan lang yo oswa yon lang yo kapab konprann.
Ki obligasyon moun k ap fè demann pou estati refijye genyen?
- Bay tout enfòmasyon ki idantifye yo, di laverite epi pa kache enfòmasyon ki enpòtan.
- Bay epi fasilite esplikasyon sou reyalite ak rezon pèsonèl demann yo a.
- Reponn tout kesyon yo poze yo epi bay tout dokiman ki ka sèvi kòm prèv pou sipòte agiman yo.
- Byen jistifye rezon ki fè yo antre ilegal, si sa a nesesè
- Fè konnen nenpòt chanjman nan moun ki fòme fanmi an (nesans, maryaj, divòs, elatriye)
- Pa fè aktivite ki entèdi pou etranje epi evite kite Repiblik Dominikèn.
- Bay enfòmasyon sou kote yo rete epi fè ONR konn nenpòt chanjman nan espas de (2) jou.