⚠️ Trè enpòtan! ⚠️
Anvan ou kòmanse pwosesis natiralizasyon w la, asire w ke tout enfòmasyon ou yo ajou ak INM. Si enfòmasyon yo pa ajou, pwosesis ou a ka afekte.
Si ou ranpli tout kondisyon yo, ou dwe pran yon randevou sou Pòtal Pwosedi Sekretarya Relasyon Eksteryè Meksik la (SRE) lè ou fè pre-enskripsyon ou nan Sistèm Entegre Nasyonalite ak Natiralizasyon (SINNA).
Avan w kòmanse:
- 📧 Ou dwe genyen yon imel
- 🖥️ Se sèl sou yon òdinatè w ap ka fè preanrejistreman an (ou pap ka fè l ni sou telefòn ni sou tablèt).
- 💾 Depi w kòmanse preanrejistreman an ou dwe fini l. Si w pa fini l enfòmasyon ou te gentan mete yo pap rete sovgade sou sistèm nan.
Etap pou pre-enskripsyon ak randevou ou
- Ale sou Pòtal Pwosedi SRE a.
- Antre nan Sistèm Entegre Nasyonalite ak Natiralizasyon (SINNA).
- Anrejistre imèl ou: Ekri adrès imèl ou pou resevwa lyen an.
- Tcheke imèl ou: Louvri imèl ou resevwa a epi klike sou lyen an.
- Fè pre-enskripsyon ou: Ranpli enfòmasyon pèsonèl ou yo.
- Chwazi biwo a: Chwazi kote ou pral fè demach la. Pou kounye a e jiskaske gen yon lòt avi, randevou yo disponib sèlman nan Vil Meksiko.
- Chwazi randevou ou: Chwazi jou ak lè a.
- Konfime: Ou pral resevwa pa imèl nimewo dosye ou (folio) ansanm ak konfimasyon randevou ou a.
Nan ACNUR nou ka oryante w gratis nan tout pwosesis natiralizasyon ou a.
📞 Telefòn gratis: 800 226 8769 oswa 800 283 2718 (Si w pa anndan peyi Meksik, sonje tape +52 devan nimewo a)
📱 WhatsApp: +52 55 7005 5950 ak +52 55 2535 2950
📧 Oswa sou imel sa a: [email protected]