Dwa ak obligasyon moun k ap chèche azil yo

Sa yo se dwa ak obligasyon moun ki fè demann pou estati refijye yo nan Meksik.

Dwa

Yo pa gen dwa depòte okenn refijye oswa yon moun ki fè demann pou estati refijye nan peyi l pandan y ap travay sou aplikasyon l lan.

Yo pa dwe devwale anyen sou ou san pèmisyon w.

Pou okenn rezon: ras, sèks, relijyon oswa nasyonalite.

Jwenn enfòmasyon sou demach yo, epi gen aksè ak dosye w.

Yon fonksyonè nan COMAR ap pase w entèvyou pèsonèlman.

Si w pa pale espayòl, ou gen dwa pou w gen yon entèprèt k ap tradui pou ou.

Demach pou w fè demann estati refijye nan peyi Meksik la totalman GRATIS.
Pèsonn pa dwe egzije w peye anyen.

Ou gen dwa mande pou yo revize ka pa w la, si w te jwenn yon repons negatif (ou gen 15 jou ki gen travay pou w fè demann revizyon an).

Etranje yo gen dwa pou yo fè demann estati refijye a pèsonèlman, oubyen yo kapab itilize yon reprezantan legal.Si w te itilize yon reprezantan legal pou w kòmanse demach yo, ou dwe konfime demann ou an nan twa pwochen jou travay yo.

Ou ka kòmanse demach ou yo pou tèt ou sèlman, oubyen an gwoup, si w te vini ak fanmi w.

Enpòt lè w vle, ou gen dwa ekri pou w fè konnen ou pa vle kon tinye ak demach yo ankò.

Ou ka kontakte Ajans Refijye Nasyonzini (Agencia de la ONU para los Refugiados) (ACNUR) pou enfòmasyon ak konsèy.

Kontakte ACNUR nan peyi Meksik

Telefòn gratis: 800 226 8769 oswa 800 283 2718 (Si w pa anndan peyi Meksik, sonje tape +52 devan nimewo a)

Oswa sou imel sa a: [email protected]

Men orè travay yo:
Lendi a jedi: 9:00 nan maten a 4:30 nan laprèmidi
Vandredi: 9:00 nan maten a 2:00 nan laprèmidi

Ou ka antre sou paj Facebook El Jaguar pou w kapab jwenn enfòmasyon epi pou yo ka reponn kesyon ou yo. 

Obligasyon

Es importante que en tu solicitud hables con la verdad, y con el mayor detalle posible. Recuerda que COMAR no te conoce.

Ou dwe ale siyen nan biwo COMAR oswa nan biwo imigrasyon kote ou te kòmanse pwosedi ou a pou w ka anrejistre vizit ou yo nan dat ke yo di w yo.

Rete nan zòn ou te fè demann ou an. Si w ta renmen deplase pou w al nan yon lòt zòn, ou dwe fè demann otorizasyon nan COMAR. Se pou w sonje si w deplase san otorizasyon COMAR, y ap sispann konsidere ka w la.