دەربارەی یارمەتی لە یۆنان

UNHCR Greece -


                                 ئاگادارکردنەوە  لە  ساختە 

                             (1)ی  گوڵان “نیسان”  2021

وریایی!  پەناخوازان  و  پەنابەران  ئاماژەدەکەن  کە  لە  ڕێگەی  واتچاپ  WhatsApp  ئەمەی  خوارەوەیان  پێگەیشتووە ”  پسولەی  پارەدانانی  براوەکان ”  بە تۆمارکردنی  ناوەکانیانەوە  لە ” ناوی  پارەدانەر”.  دوای پەیامەکە، پەیوەندیەکیان  بۆ  هاتوە وە  پێیانی  ڕاگەیاندوە   کە  ئەگەر  بڕی   250  ئیرۆ   لە   Western Union  دابنێن    ئەوکاتە  2500  ئیرۆ  دەبەنەوە.  ئەو  ژمارەیەی  کە  پەیوەندی  پێوە  کردون  هەر  هەمان  ژمارە  تەلەفۆنی  خۆیان بووە.

ئەمە  تەڵەکەبازیە (فێڵە)  وە  هەندێك  لە  پەناخوازان  و  پەنابەران   بەرلەوە   بوونەتە  قوربانی  ئەم  تەڵەکەبازیە. دوورکەونەوە   لە  وەڵامدانەوە  و  بەشداریکردنی   ئەم  جۆرە  پەیامانە وە بەڵگەی  تایبەتی  کەسێتی   و  زانیاریە  هەستیارەکان مەدرکێنن.  زۆر  وریابن  لەو جۆرە   پەیوەندیانەی کە لەلایەن کەسانی  نەناسراوەوە لەگەڵتاندا دەکرێت و داوای  پارەدانتان   لێدەکەن   بە  بەڵێنی  ئەوەی  کە  گوایە  بە  قازانج  و  سود  پێتان دەدەنەوە.  

لە بیرتان بێت:  دەتوانن   پەیوەندی  بکەن  بە  پۆلیس  بە  ژمارەی  تەلەفۆنی    100  یان   بەرێوەبەرایەتی   تاوانی  ئەلیکترۆنی  بەم  ژمارانە  11188    وە   21 4402 7860.


ناونووسکردن لە باخچەی ساوایان و قوتابخانە بنەرەتییەکان

دایکان/ باوکان و سەرپەرشتیاران دەتوانن زانیاریان دەست بکەوێت بە زمانی جۆراوجۆر بە مەبەستی ناونووسکردنی منداڵەکانیان لە باخچەی ساوایان لە [ ماڵپەر و ئامرازی پەیوەندی بۆ زمانی سۆرانی… ]

https://fb.watch/4kc7sxmfpX/  ]

وە بۆ قوتابخانە بنەرەتیەکان لە [ مەڵپەر و ئامرازی پەیوەندی بە زمانی سۆرانی… ]

https://www.facebook.com/refugee.info/posts/3829441860449266]*

بۆ خوێندنی ساڵی نوێی ٢٠٢١/٢٠٢٢  لە ماڵپەری فەیسبووکی نوسینگەی زانیاریەکان بۆ پەنابەران، هەروەها زانیاری زیاتر تایبەت بە پرۆگرامی قوتابخانە بۆ منداڵان لە تەمەنی ٦ مانگییەوە هەتا تەمەنی ٥ ساڵی بەردەەستەیە لە ماڵپەری نوسینگەی زانیاریەکان بۆ پەنابەران، لینکی پەیوەندی.

https://www.refugee.info/greece]*.

ماوەی ناونووسینکردن درێژەی دەبێت هەتا ٢٠ی ئازاری ٢٠٢١

لە حاڵەتێکدا ئەگەر ئەو ماوە دیاریکراوەتان لەدەست دا، دەتوانن دواتر لە ماوەی بەردەوامی ساڵی خوێندندا منداڵەکانتان لە قوتابخانەکاندا ناونووس بکەن، بە پێی وەزارەتی پەروەردە، ناونووسینی منداڵان لەو ماوە دیاریکراوەدا، ئاسانکاری تۆمارکردن و کۆی کاروبارەکانی خوێندنی منداڵان دەکات.


ئاگادارکردنەوە  لە  ساختە

22 ی  شوباتی  2021

ئاگاداری!  ئەم  پەیامەی  خوارەوە  کە  لە  ڕێگەی  واچاپ  بڵاوبۆتەوە  بۆ  پەناخوازان  و  پەنابەران،  ووریابن  ئەوە  پەیامێکی  ساختەیە  (سکام  SCAM ) :    کۆمسیاری  باڵای  نەتەوە  یەکگرتووەکان  بۆ  کاروباری  پەنابەران  ئەم  پەیامەی  نەناردووە،  وە  ئەو   زانیاریانەی  کە  ئەو  پەیامە  ئاماژەی  پێدەکات  دروست  نییە!

دوورکەونەوە   لە  وەڵامدانەوە  و  بەشداریکردنی   ئەم  پەیامە   بە   بەڵگەی  تایبەتی  کەسێتی   و  زانیاریە  هەستیارەکان.

 کۆمسیاری  باڵای  نەتەوە  یەکگرتووەکان  بۆ  کاروباری  پەنابەران   ڕاسپاردن  ناکات   بۆ  بەرنامەی  ”  نیشتەجێبوونەوە  یاخود   سەر لە نوێ  نیشتەجێبوون”  بۆ  ئەو  پەنابەرانەی  لە  یۆنانن   یان  لە   ووڵاتانی  تر  لە  یەکێتی  ئەوڕوپی. 

تکایە  ئاگادار بن   کەوا   بەرنامەی   “سەرلەنوێ  نیشتەجێبوون”    بۆ  ئەو  پەناخوازانە   و  پەنابەرانەی  کە  لە  یۆنانن   وە   بۆ  ووڵاتانی  تری  ئەوڕۆپایی دەگوازرێنەوە   لەلایەن  وەزارەتی  کۆچ  و  پەنابەری  جێبەجێ دەکرێت  کە  لەسەر  گەنجینەی  دارایی  کۆمسیۆنی  ئەوڕۆپاییە.  وە  بە  پاڵپشتی  کۆمسیاری  باڵای  نەتەوە  یەکگرتووەکان  بۆ  کاروباری  پەنابەران   و  “ئێاسۆ EASO”،  وە  “ئونیسێف UNICEF”،  لەگەڵ  ڕێکخراوی  جیهانی  بۆ  کۆچبەری  “ئای ئۆ ئێم IOM”   ئەم  بەرنامەیە  جێبەجێ دەکرێت.   کەوا   دەزگای   پەنابەری   لایەنی  بەرەپرسیارە    بۆ  پەسندکردنی   “سەرلەنوێ  نیشتەجێبوون”  ی  پەناخوازان  و  پەنابەران ( بۆ  پەناخوازان  و  سوودمەندەکان  لە  پاراستنی  نێودەوڵەتی )   لەگەڵ   ئەمینداری  تایبەتی  بۆ پاراستنی  مێرمنداڵە  بێهاوەڵەکان  “قاسرەکان”  ( بۆ  منداڵە  بێهاوەڵەکان  کە   پەنابەرن   یان   پەناخوازن ).  وە  گشت   پڕۆسە کارەکانی   پەیوەست   بە  خۆڕاییە.

دەتوانن  زانیاری  زیاتر بەدەستبهێنن  سەبارەت   بە   چۆنێتی  پەیوەندیکردن  لەگەڵ  دەزگای   پەنابەری  و ئەمینداری  تایبەتی  بۆ پاراستنی  مێرمنداڵە بێهاوەڵەکان  لە  ماڵپەڕی  تایبەتی  وەزارەتی  کۆچ  و  پەنابەری  لەو  ناونیشانە https://migration.gov.gr


بۆ زانیاری دەربارەی ڤایرۆسی کۆرۆنا کرتە لێرە  بکە