Ekip UNHCR/ACNUR la kowòdone aksyon pou pwoteje moun k ap fè demann azil, moun ki refijye ak moun k ap chèche yon solisyon nan zafè nasyonalite. Sa a gen ladan l kowòdinasyon ak aktè Leta ki konsène yo, antite non-gouvènmantal yo, sosyete sivil ak òganizasyon kominotè yo, ansanm ak plede pou garanti respè dwa moun nou sèvi yo.
Nan sa a ki konsène refij ak azil, UNHCR bay Komisyon Nasyonal pou Refijye a (CONARE, an espanyòl) sipò teknik ak konsèy nan pwosedi pou rekonesans estati refijye a epi li travay nan kominikasyon pwosedi demann pou estati refijye yo.
Domèn travay nou
- Pwoteksyon ak konsèy legal
- Kowòdinasyon Pwogram pou asistans ak Aksè ak mwayen pou viv
- Mobilizasyon kominotè ak kapasite pou kominote a responsab tèt li
- Fòmasyon pou aktè lokal yo
- Viv nan tèt ansanm ak antant sosyal
- Repons nan ka ijans
Ekip patnè egzekitif nou yo epi Pwogram Asistans
UNHCR, atravè sipò ak jesyon patnè egzekitif yo, bay moun nou sèvi yo kalite asistans sa yo:
- Asistans imanitè (nesesite bazik, manje)
- Sipò pou anfème kay ak lojman nan ka ijans
- Lajan kach (CBI, an anglè)
- Legal
- Sikolojik
- Sante
- Kontribisyon pou sèvis fineray
UNHCR ak patnè li yo bay tout asistans yo selon posiblite ak disponiblite yo genyen epi yo chanje depann ak sikonstans yo.