Si w pè retounen nan peyi w, ou kapab mande azil antanke refijye nan peyi Meksik. Demach yo GRATIS e sa ap rete konfidansyèl.
Etap 1. Fason pou w prezante demann ou an
Ale nan yon biwo COMAR (Komisyon Meksiken pou Èd Refijye) nan 30 jou travay apre ou rive.
Si ou pa t kapab ale, pale ak otorite yo epi eksplike poukisa.
Ou ka ale nan biwo COMAR nan vil sa yo:
- Meksiko
- Tapachula ak Palenque (Chiapas)
- Tenosique (Tabasco)
- Oluta (Veracruz)
- Cancún (Quintana Roo)
- Guadalajara (Jalisco)
- Tijuana (Baja California)
- Saltillo (Coahuila)
- Monterrey (Nuevo León)
Ou ka mande èd tou nan yon estasyon migrasyon.
Si pa gen biwo COMAR kote ou ye a, ale nan yon biwo INM (Enstiti Nasyonal Migrasyon).
Etap 2. Fòmilè
- W ap ranpli yon fòm.
W ap eksplike poukisa ou kite peyi ou epi poukisa ou pa ka retounen.
Si ou avèk fanmi ou, mete yo nan demann ou.
Si fanmi ou toujou nan peyi ou, di sa tou. - Yo pral ba ou yon KONSTANS (Constancia).
Se yon papye ki montre ou deja kòmanse pwosesis la.
Kenbe CONSTANCIA orijinal ou byen! - Kòm moun k ap mande azil, ou gen dwa pou w jwenn yon CURP tanporè.
Dokiman sa a ede w fè demach epi itilize sèvis piblik. - Avèk CONSTANCIA ou, ou ka mande nan INM pou yon Kat Vizitè pou Rezon Imanitè (TVRH).
Kat sa a pèmèt ou travay pandan w ap tann repons lan. - Ou gen dwa pou w gen yon avoka piblik pandan tout pwosesis la.
⚠️ Ou gen dwa pou yo pa voye ou tounen nan peyi ou pandan y ap revize demann ou.
Etap 3. Entèvyou pou n wè si w kalifye
COMAR fè entèvyou avè w pou yo konnen rezon ki fè w kite peyi w. Epitou, ou dwe bay rezon ki fè w pa vle retounen nan peyi w, oubyen ou pa kapab retounen. Li enpòtan pou w bay tout detay posib.
Si w gen yon dokiman oswa enfòmasyon ki gen rapò ak ka pa w la, ou dwe vini avè l, men li enpòtan pou w konnen ou pa bezwen prèv ki montre sa k te pase nan peyi w.
Ou dwe al nan entèvyou a poukont ou. Epitou, ou ka mande pou se yon fi oubyen yon gason ki entèvyouwe w.
🗣️ Mete sou sa, si w pa pale espayòl, ou gen dwa pran yon entèprèt oswa yon tradiktè pou ede w nan demach yo.
Etap 4. Repons demann lan
✅ Si li pozitif: nan kolaborasyon ak COMAR, w ap gen pou w al nan Instituto Nacional de Migración (INM) pou w ka fè demach rezidans pèmanan w nan peyi Meksik antanke refijye. Y ap konsidere tout moun nan fanmi w ou te mete non yo nan demann ou te fè a kòm refijye, e kounye a, w ap vin gen yon kòd idantite CURP ki pèmanan. Lè w fin fè rezidans pèmanan w, w ap ka viv nenpòt kote nan peyi Meksik.
❌ Si repons lan negatif: ou ka fè apèl nan espas 15 jou ki gen travay (soti lendi pou rive vandredi, san konte jou ferye nan peyi Meksik) apre yo fin di w sa. Apre sa, COMAR ap egzamine ka w la yon dezyèm fwa. Sa ka pran jiska 90 jou (soti lendi pou rive dimanch). Si w pa gen yon avoka gratis, ou ka al nan nenpòt biwo Instituto Federal de la Defensoría Pública.
🛑 Si COMAR rejte demann ou fè a yon dezyèm fwa, legalman, ou gen dwa pou w resevwa èd yon avoka pou w ka fè apèl devan yon jij.
W ap bezwen sonje pandan w ap fè demach pou yo rekonèt ou kòm refijye, ou dwe:
- Ou dwe ale siyen nan biwo COMAR oswa nan biwo imigrasyon kote ou te kòmanse pwosedi ou a pou w ka anrejistre vizit ou yo nan dat ke yo di w yo.
- Rete nan zòn ou te fè demann ou an. Si w ta renmen deplase pou w al nan yon lòt zòn, ou dwe fè demann otorizasyon nan COMAR. Se pou w sonje si w deplase san otorizasyon COMAR, y ap sispann konsidere ka w la.
- Se pou w al nan tout entèvyou COMAR mande w fè yo.
💡 W ap jwenn tout enfòmasyon sa yo nan bwochi sa a.
📞 Rele ACNUR gratis nan 800 226 8769 oswa 800 283 2718 pou w mande oryantasyon.
📱 WhatsApp: +52 55 7005 5950 ak +52 55 2535 2950
📧 Oswa sou imel sa a: [email protected]
Ou ka antre sou paj Facebook El Jaguar pou w kapab jwenn enfòmasyon epi pou yo ka reponn kesyon ou yo.