“Registro Federal de Contribuyentes” oswa RFC a se “Servicio de Administración Tributaria” (SAT) ki bay li, e li ekzijib pou w genyen l pou ke yon antrepriz kapab ba w travay e pou w ka genyen yon travay fòmèl pa ekzanp.  

Si w pral travay de fason fòmèl e w ap touche yon salè anyèl ki pi piti pase 400.000 pesos, ou dwe genyen “RFC simple” la.

Sonje ke tout pwosesis la gratis. Ou pap peye yon pyas ni pou w pran randevou a, ni pou w fè pwosesis la.  

Premye pa. Pran randevou

Pou w pran randevou a, ou ka ale dirèkteman nan biwo SAT ki nan eta kote w ap viv la ou byen ou ka fè l sou entènèt sou sit https://citas.sat.gob.mx/

💡Si w pran randevou a sou entènèt, ou dwe anrejistre l  avèk opsyon “Inscripción al padrón de contribuyentes Personas Físicas”. 

Dezyèm pa. Ale nan biwo SAT

Ale a lè nan biwo SAT avèk konfimasyon randevou w la avèk original e kopi dokiman sa yo:

• CURP ki a jou (konsilte si CURP la a jou sou lyen sa a https://www.gob.mx/curp/ ).
• Comprobante de domicilio (ki ka yon resi kouran ki pwouve nan ki adrès w ap viv)
• Dokiman ke imigrasyon ba ou, tankou:
  • Si w fè demann kondisyon refijye: prezante ak pwotokòl la oswa dokiman ki montre ke yo rekonèt ou kòm refijye ke COMAR ba ou ak dkiman imigrasyon kote yo otorize kondisyon sejou vizitè pou rezon imanitè avèk pèmi ki pèmèt ou fè aktivite pou w antre kòb. 
  • Si w se yon refijye oswa yon moun ki genyen pwoteksyon konplemantè ki rekonèt pa COMAR : ou dwe prezante avèk kat rezidans pèmanan w oswa dokiman imigrasyon ki montre ke yo rekonèt ou kòm rezidan pèmanan e ou dwe genyen pèmi ki pèmèt ou fè aktivite pou w antre kòb. 

👀 Pou w ka fè pwosesis  w ap bezwen genyen yon imel pèsonèl. Si w pa ta genyen yonn, rantre sou lyen sa a pou n ka montre w kòman pou w kreye l ¿cómo puedes crear una cuenta de correo electrónico?

Si w bezwen plis enfòmasyon, nan ACNUR nou ka oryante w gratis. Kontakte nou!

📞 Rele nou gratis nan: 800 226 8769 oswa nan 800 283 2718

📱 WhatsApp: +52 55 7005 5950

“Registro Federal de Contribuyentes” oswa RFC a se “Servicio de Administración Tributaria” (SAT) ki bay li, e li pèmèt ou regle aktivite ekonomik fòmèl nan peyi Meksik. 

Si w se yon moun ki refijye oswa yon moun ki genyen pwoteksyon konplemantè ki rekonèt pa COMAR ki vle travay de fason endepandan e ki vle bay fakti oswa nan travay fòmèl ou ou genyen oswa w ap genyen yon antre anyèl, ki egal ou byen siperyè a 400.000 pesos, ou dwe fè RFC a avèk “firma electrónica (e-firma).”

Sonje ke tout pwosesis la gratis. Ou pap peye yon pyas ni pou w pran randevou a, ni pou w fè pwosesis la.  

Premye pa. Pran randevou

Pou w pran randevou a, ou ka ale dirèkteman nan biwo SAT ki nan eta kote w ap viv la ou byen ou ka fè l sou entènèt sou sit https://citas.sat.gob.mx/

💡Si w pran randevou a sou entènèt, ou dwe anrejistre l  avèk opsyon “Inscripción al padrón de contribuyentes Personas Físicas”.  

 Dezyèm pa. Ale nan biwo SAT

Ale a lè nan biwo SAT avèk konfimasyon randevou w la avèk original e kopi dokiman sa yo:

• CURP ki a jou (konsilte si CURP la a jou sou lyen sa a https://www.gob.mx/curp/ )
• Comprobante de domicilio (ki ka yon resi kouran ki pwouve nan ki adrès w ap viv)
• Dokiman ke imigrasyon ba ou, tankou:
  • Rezidans pèmanan (TRP); oswa
  • Dokiman imigrasyon ki montre ke li rekonèt moun nan kòm rezidan pèmanan e ki montre ke moun nan genyen pèmi pou l kapab travay.

👀Pandan tout pwosesis la se yon obligasyon pou w genyen yon imel, epi jou randevou pa bliye ale avèk yon djomp  (kle usb, jump drive)

Si w bezwen plis enfòmasyon, nan ACNUR nou ka oryante w gratis. Kontakte nou!

📞 Rele nou gratis nan: 800 226 8769 oswa nan 800 283 2718

📱 WhatsApp: +52 55 7005 5950

Centro Multiservicios Li se yon espas atansyon konplè kiankouraje pwoteksyon, entegrasyon ak viv ansanm pou moun ki refijye, moun ki an mobilite ak kominote lokal la.

📍 Ki adrès li? 

Li nan Av. Venustiano Carranza #6250, Col. Castillo, Tijuana, B.C. anndan espas “Proyecto Salesiano” a.

⌚ De kilè a kilè yo ouvri?

Orè atansyon Lendi a Vandredi soti 9:00 a.m. a 1:00 p.m.

🔎 Kisa w ka jwenn?

Nan CMS la gen 27 enstitisyon (gouvènman, òganizasyon entènasyonal ak asosyasyon sivil) k ap kolabore pou fè Baja California tounen yon kote pou ka rekòmanse. 

Anplis de sa, sètifye kòm yon Punto Naranja, li se yon espas san danje pou fanm, asire dwa yo nan yon lavi san vyolans. 

ℹ️ Sèvis yo bay

Sant Miltisèvis la genyen yon kalandriye sèvis chak semèn pou ou kapab vini selon bezwen ou.

• Enfòmasyon ki veridik 
• Jesyon dokiman (batistè,NSS,TVRH,CURP) 
• Èd legal 
• Travay 
• Edikasyon (Sipò pou rantre lekòl ak èd pou revalidasyon etid yo) 
• Swen medikal ak dantè 
• Swen Sikolojik 
• Lyen ak rezo de 42 refij 
• Pwoteksyon ti fi, ti gason ak adolesan 
• Pwoteksyon moun ki sove de vyolans 
• Aktivite ak atelye kiltirèl yo 

🎭 Èske w te konnen yon fwa pa mwa nou gen jou enklizyon ak viv ansanm? 

Nan dènye vandredi chak mwa, aktivite atistik, kiltirèl, sante ak travay ap fèt nan enstalasyon CMS yo epi yo vize a refijye, aplikan, moun ki an mobilite ak kominote lokal la. 

Tout aktivite yo gratis epi tout moun ka patisipe. 

🏛️ Konnen enstitisyon ak òganizasyon ki fè pati “Centro Multiservicios” la

1. COMAR
2. Subsecretaría Estatal de Atención a Grupos Prioritarios
3. Instituto Federal de la Defensoría Pública (IFDP)
4. Servicio Nacional del Empleo (SNE)
5. Secretaría General de Gobierno y Dirección Estatal del Registro Civil
6. Secretaria de Educación/ Programa Binacional de Educación Migrante (PROBEM
7. Jurisdicción Sanitaria
8. Secretaría de Cultura
9. Dirección Municipal de Atención al Migrante (DMAM)
10. Secretaría Estatal de Bienestar
11. Alto Comisionado de las Naciones Unidas para los Refugiados (ACNUR)
12. Proyecto Salesiano
13. Centro de Recursos para Trabajadores Migrantes (CRTM)
14. Centro 32
15. Asylum Access (AAMX)
16. Universidad Iberoamericana (Ibero)
17. Save the Children (STC)
18. U.S. Committee for Refugees and Immigrants (USCRI)
19. Colegio de la Frontera Norte (COLEF) – Iniciativa de Salud Humanitaria en la Frontera (ISHF)
20. INMUJER Baja California
21. Visión Mundial
22. UABC
23. INEA
24. Pro Salud Atención
25. Secretaria de las Mujeres
26. Comisión Estatal de los Derechos Humanos
27. Centro de Justicia para las Mujeres

📞 Rele ACNUR gratis nan800 226 8769 oswa 800 283 2718 pou w mande oryantasyon.

📱 WhatsApp: +52 55 7005 5950 ak +52 55 2535 2950

📧 Oswa sou imel sa a:[email protected]e Facebook.

Nan mwa fyète sa a nou envite kòlèg HCR nou yo nan peyi Meksik pou yo voye yon mesaj ki revandike dwa ak lit pou egalite ak respè pou moun 🏳️‍🌈LGBTIQ+🏳️‍🌈 yo, espasyalman pou moun ke n ap travay pou yo epi avèk yo. Ou menm tou, nenpòt kote ou ye nou envite w lite chak jou pou respè ke nou tout merite.

Mwa fyète sa a dwe fè nou sonje ke tout moun merite viv lib, nenpòt moun yo ye e nenpòt moun yo chwazi renmen. Se yon mwa pou nou selebre men tou se yon mwa pou nou revandike epi sonje ke, malerezman toujou genyen anpil espas ak peyi kote lavi moun LGBTIQ+ yo pa an sekirite, sa ki ka oblije yo kouri pati.

Pou mwen menm ki travay nan HCR, li vrèman enpòtan pou m kreye espas ki sekirize pou moun LGBTIQ+ ke yo fòse kouri pati, e se pa sèlman mwa sa a, men tout tan e tout kote.

Sofia, Asociada Senior de Protección

Genyen yon travay din e si, ale lekòl, resevwa swen sante lè w santi w pa byen oswa denonse se kèk nan dwa ke moun yo chache pi souvan lè yo rive nan yon nouvo vil.

Vini nan sou direksyon Migran nan SIBISO pou plis enfòmasyon de lendi a vandredi de 9:00 nan maten a 6:00 nan aprè midi:

📍 Calle Fernando de Alva Ixtlilxóchitl #185 Colonia Tránsito, Código postal 06820, Alcaldía Cuauhtémoc, Ciudad de México.

📞 55 8957 3416

📧 [email protected]

Assylum Acces Mexico (AAMX), avèk èd ONU Mujeres México mete a dispozisyon w, an kreyòl, Gid dwa pou fanm ayisyèn ki refijye Meksik.

Ou konn poze tèt ou kesyon kiyès yon moun ki refijye ye? Atravè gid sa a w ap ka konnen kiyès yon moun ki refijye ye, kisa kondisyon refijye nan peyi Meksik ye e pwosedi ke moun yo dwe swiv pou yo ka fè demann kondisyon refijye a nan peyi nou an nan COMAR.

Gid sa a montre w tou sa ou dwe konnen pou w ka travay Meksik, prestasyon sekirite sosyal, sante epi dwa aksè a edikasyon pou pitit fi w, pitit gason w elatriye.

Ou vle konnen plis sou dwa w? konnen kijan ou ka evite vyolans seksyèl ak vyolans yo fè sou moun paske yo se fanm oubyen gason, metòd planin epi kontwòl prenatal.

Pa kite sa pase, gen aksè a gid vityèl la nan Lang ou pou w kaf è respekte dwa w.

Move enfòmasyon se yon zam envizib ki mete lavi ak sekirite moun an danje, pafwa piblikasyon yo fè sou rezo sosyal yo nou kouri pataje ak lòt moun otomatikman yo, san nou pa verifye yo, oubyen san nou pa chèche konnen si nou ka fè yo konfyans, se yon seri manti k ap fè fo pwomès pou twonpe moun, epi menm kidnape yo, pou fè yo tonbe nan rezo bandi k ap fè trafik moun. Daprè yon rapò, nan ane 2021 an, moun k ap fè trafik moun yo te itilize rezo sosyal yo kòm mwayen prensipal pou pran plis viktim, e se imigran yo plis ap chèche.

Se poutèt sa, semèn sa a, n ap prezante w yon seri etap k ap ede w pou w pa ni kwè ni pataje tout nouvèl oswa piblikasyon yo voye pou ou, konsa w ap aprann rekonèt fo enfòmasyon yo e w ap sispann pataje yo.

1. Pa pataje mesaj ou pa konn sous yo.

Mesaj, odyo, videyo oswa imaj ou pa konn sous yo.

Lè nou wè yon piblikasyon nou renmen, ki fè sans pou nou, oubyen nou panse ki enpòtan, premye bagay nou anvi fè se pataje l. Pran anpil prekosyon ak enfòmasyon ou pa konn sous yo, an jeneral, nou pa pran tan pou n chèche konnen si nou ka fè yo konfyans, nou pa menm konnen ki moun ki dèyè piblikasyon sa yo e n pa konn entansyon yo. Lè w sispann pataje yo, ou pa jis pwoteje tèt ou kont fwod, ou pwoteje moun ou renmen tou.

2. Pran enfòmasyon nan sous ou ka fè konfyans.

Si pandan jounen an, ou pa gen tan pou w chèche plis enfòmasyon sou sous la (moun oswa paj wèb ki pibliye atik la), jis pataje nouvèl ak piblikasyon ki soti nan sous ou konnen, sous ki fyab tankou jounal, sit Entènèt, jounalis ak moun ki gen eksperyans sou sijè a. Ou ka fè rechèch sou non otè a oswa non sit Entènèt la nan nenpòt motè rechèch, epi verifye enfòmasyon ou jwenn nan.

3. Verifye ki moun ki pibliye enfòmasyon ou jwenn nan.

Si enfòmasyon an pa gen okenn sous, gen gwo chans pou se yon fo enfòmasyon. Gen anpil videyo k ap sikile nan rezo sosyal yo ki montre moun k ap bay enfòmasyon, men yo pa janm bay sous enfòmasyon yo.

4. Li tout nòt la, pa sèlman tit la.

Anpil fwa, tit la se jis pou atire lektè a, men se pa pou ba l enfòmasyon. Verifye tout enfòmasyon an.

5. Verifye dat piblikasyon an.

Gen kèk paj ki pibliye enfòmasyon ki te parèt nan ane ki pase yo, men yo veye pou enfòmasyon sa yo byen mache ak sitiyasyon n ap viv kounye a, sèlman pou plis moun ka vizite paj yo oswa suiv yo; se sa k fè w dwe verifye ke sous la fyab e dat la resan.

6. Konpare enfòmasyon an ak lòt sous enfòmasyon

Si nouvèl ou te wè a pa sot nan yon sous ki fyab, li pa gen dat, e se yon sèl medya ki pataje l, gen anpil chans pou enfòmasyon sa a fo. Anvan ou kontinye epi w pataje l, chèche nan lòt sous. Pa ni kwè ni pataje rimè.

Sonje se pa tout sa ou jwenn sou Entènèt ki verite. Evite pataje piblikasyon ou pa verifye, oubyen ou pa konn rezon ki fè yo pibliye l.

Ann met ansanm pou n konbat fo enfòmasyon.

Tout enfòmasyon ou jwenn nan nòt sa a soti nan dokiman ak rapò Ajans Nasyonzini yo, UNODC ak UNESCO pibliye. Pou w ka jwenn plis enfòmasyon, nou pataje lyen sa yo avè w kòm referans.

• UNESCO, ¿Cómo frenar la desinformación?: https://youtu.be/1G7ZP_oevuc
• UNODC, Tráfico ilícito de personas en redes sociales:
  • https://www.unodc.org/documents/human-trafficking/2021/The_effects_of_the_COVID-19_pandemic_on_trafficking_in_persons.pdf
  • https://news.un.org/es/story/2021/07/1494092

Èd ak sèvis nou bay nan Ajans Nasyonzini pou Refijye yo (ACNUR) gratis, pèsonn pa ka mande w yon bagay an retou pou sèvis yo oswa pou w patisipe nan pwogram sa yo.

Nan ACNUR, nou travay pou n pwoteje moun ki te kouri kite peyi yo paske lavi yo, sekirite yo, oswa libète yo te an danje. Nan okenn ka, nou pap mande w lajan oswa anyen pou sèvis nou.

Si w deja kòmanse demach ou yo nan COMAR, oubyen ou deja gen estati refijye nan peyi a, oubyen ou deja ap resevwa yon èd kèlkonk, nou ka:

• Ede w nan demach w ap fè nan COMAR ak demach w ap fè nan INM.
• Ba w sipò legal gratis si ka pa w la mande sa.
• Ba w èd pandan yon ti tan pou bezwen debaz yo.
• Ba w oryantasyon k ap pèmèt ou etidye oubyen kontinye etid ou, jwenn aksè ak sèvis sante, fòme tèt ou oubyen gen dokiman k ap pèmèt ou jwenn travay.
• Enfòme w sou demach ak sèvis yo bay nan peyi a.
• Mete w an kontak ak òganizasyon ansanm ak otorite yo pou w pwoteje lavi w, sekirite w ak entegrite w pandan ti tan w ap fè nan Meksik la.

Anplis de sa, nan ACNUR nou gen pwogram entegrasyon pou refijye yo kòmanse yon nouvèl vi nan Meksik.

Sonje, tout sèvis yo GRATIS.

N ap bay chak moun sèvis youn apre lòt. Bezwen chak moun diferan, e se poutèt sa èd ACNUR bay chak moun nan diferan tou.

W ap jwenn fason pou w kontakte nou la a.

Youn nan kesyon pifò moun ki patisipe nan Pwogram Entegrasyon ACNUR yo poze pi souvan se: poukisa yo ta dwe jwenn yon travay fòmèl pou yo kapab byen entegre yo nan sosyete meksikèn nan?

Lè w gen yon travay fòmèl se yon pwoteksyon pou ou menm ak fanmi w, paske yo pral jwi avantaj lwa travay la bay, tankou:

Yon salè ki estab

W ap santi w gen lapè paske w ap gen yon kòb fiks k ap rantre chak mwa k ap pèmèt ou pran swen fanmi w. Se patwon an ki ka deside anplwaye ou, selon konpetans ou ak konesans ou. Eksperyans nou genyen nan Pwogram Entegrasyon an montre n nan sant ak nan nò peyi a gen pi bon opòtinite pou moun jwenn travay ki peye yon salè minimòm chak mwa.

Sekirite ak estabilite finansye w ap genyen lè w gen yon salè fiks pral pèmèt ou gen yon pi bon kontwòl sou depans ou yo, e lè w gen bon abitid nan fason w jere kòb ou, w ap plis konn priyorite w ak priyorite fanmi w.

Sante, IMSS

Youn nan avantaj travay fòmèl la bay, li pèmèt ou menm ak fanmi w gen dwa pou w jwenn sèvis nan Enstiti Sekirite Sosyal Meksiken an (Instituto Mexicano del Seguro Social) (IMSS), tankou swen medikal, asirans matènite ak èd materyèl, pwoteksyon kont aksidan ak maladi nan kad travay ou, asirans pou moun ki andikape ak ka lanmò, pansyon ak gadri, elatriye.

Pou w jwenn avantaj sa yo, ou dwe ale nan klinik ki pi pre a pou w fè demach pou w enskri fanmi w. Si w bezwen plis enfòmasyon, ou ka konsilte lyen sa a: http://www.imss.gob.mx/conoce-al-imss/seguros-prestaciones

Lojman, INFONAVIT

Enstiti Fon lojman nasyonal pou travayè yo (Fondo Nacional de la Vivienda para los Trabajadores) (Infonavit) genyen kòm objektif pou fè respekte dwa ak lojman pou moun gen yon meyè kalite vi. Patwon w ap fè yon kontribisyon chak de mwa nan kont lojman w, sa ki egal a 5% nan salè w, e sa ap vin tounen yon ekonomi pou ou.

Lè w rive nan limit laj ki nesesè a, w ap kapab itilize ekonomi sa yo pou w jwenn kredi epi achte yon kay nèf oswa ize, bati oswa repare kay ou a, peye yon prè ipotèk, oswa amelyore pansyon w nan moman w ap pran retrèt ou.

Pou n jwenn plis enfòmasyon sou Infonavit, ou ka ale sou lyen sa a: https://portalmx.infonavit.org.mx/

Epitou, gen kèk travay fòmèl ki ofri bon alimantè, ki bay bon pou èd oswa kantin, ou ta dwe wè sa ak patwon w pou w konn tout benefis nouvo travay ou genyen an ba ou.

Travay fòmèl la se jis youn nan kondisyon pou w ka byen entegre w nan sosyete meksiken nan, si w vle konnen plis sou pwogram entegrasyon an ak benefis li genyen pou ou ak fanmi w, ou ka li sou sa la a.

Si w enterese patisipe nan Pwogram Entegrasyon Lokal la oswa si w gen kesyon sou li, sonje ou ka kontakte nou gratis sou tout tèritwa Meksik la, lè w rele nan 800 226 8769  oswa si w prefere kontakte nou sou WhatsApp nan +52 55 7005 5950, Ou ka mande El Jaguar tou sou Facebook paske imel la disponib pou Pwogram Entegrasyon an: [email protected], se la n ap byen kontan ede w.

Fè premye pa a, sonje lakay ou se kote ou ye a.

Si w deja kòmanse demach ou yo nan nenpòt enstitisyon oswa òganizasyon, tankou COMAR, INM, ACNUR oswa CONECTA, li trèzenpòtan pou w gen yon imel pou w ka fè suivi ki nesesè yo. Sou Entènèt la, gen plizyè paj ki ofri sèvis imel gratis, tankou Gmail, Outlook oswa Yahoo!

Pou ouvri yon kont imel, ou dwe suiv etap tou senp sa yo:

• Premye sa ou gen pou w fè se konekte sou Entènèt sou yon òdinatè, tablèt oswa telefòn selilè. Ekri non youn nan sit Entènèt sa yo nan nenpòt sit Entènèt pou moun fè rechèch.
• Sou sit Entènèt yo a, w ap wè yon bouton ki make: “Crea una cuenta”. Klike.
• Suiv etap ki parèt sou ekran an pou w kreye kont imel ou a.
• Non itilizatè ou chwazi a pa dwe yon non ki anrejistre sou sit Entènèt sa a deja. Apre sa, antre yon modpas. W ap bezwen kenbe enfòmasyon sa yo nan tèt ou, oubyen ekri yo pou w pa bliye yo.
• Y ap mande w kèk enfòmasyon pèsonèl e y ap mande w pou w aksepte kondisyon sèvis y ap bay la, sa gen ladan l anrejistre oubyen itilize enfòmasyon pèsonèl ou.
• Si w aksepte kondisyon yo, w ap wè espas pou w resevwa epi voye imel la parèt sou ekran an.

Pou w kapab konekte sou bwat imel ou alavni, w ap bezwen note adrès imel ou a ak modpas ou.

Lè w bay lòt moun oswa yon òganizasyon imel ou, w ap kapab resevwa enfòmasyon epi voye enfòmasyon, tankou mesaj tèks, dokiman oswa foto.

W ap wè etap yo nan videyo sa a:

https://fb.watch/v/31klRIsS1/