---

Kisa l ye?

Centro Multiservicios Li se yon espas atansyon konplè ki ankouraje pwoteksyon, entegrasyon ak viv ansanm pou moun ki refijye, moun ki an mobilite ak kominote lokal la. 

Ki adrès li?                                                                             

Li nan Aveni Venustiano Carranza, nimewo 6250, Col. Castillo, Tijuana, B.C. anndan espas “Proyecto Salesiano” a.

De kilè a kilè yo ouvri?

Orè atansyon Lendi a Vandredi soti 9:00 a.m. a 1:00 p.m. 

Klike sou lyen sa a pou w ka wè kalandriye sèvis “Centro Multiservicios” la.

Kisa w ka jwenn?

Nan CMS la gen 23 enstitisyon (gouvènman, òganizasyon entènasyonal ak asosyasyon sivil) k ap kolabore pou fè Baja California tounen yon kote pou ka rekòmanse. 

Anplis de sa, sètifye kòm yon Punto Naranja, li se yon espas san danje pou fanm, asire dwa yo nan yon lavi san vyolans. 

Sèvis yo bay

• Enfòmasyon ki veridik 
• Jesyon dokiman (batistè,NSS,TVRH,CURP) 
• Èd legal 
• Travay 
• Edikasyon (Sipò pou rantre lekòl ak èd pou revalidasyon etid yo) 
• Swen medikal ak dantè 
• Swen Sikolojik 
• Lyen ak rezo de 42 refij 
• Pwoteksyon ti fi, ti gason ak adolesan 
• Pwoteksyon moun ki sove de vyolans 
• Aktivite ak atelye kiltirèl yo 

Èske w te konnen yon fwa pa mwa nou gen jou enklizyon ak viv ansanm? 

Nan dènye vandredi chak mwa, aktivite atistik, kiltirèl, sante ak travay ap fèt nan enstalasyon CMS yo epi yo vize a refijye, aplikan, moun ki an mobilite ak kominote lokal la. 

Tout aktivite yo gratis epi tout moun ka patisipe. 

Konnen enstitisyon ak òganizasyon ki fè pati “Centro Multiservicios la

1. Subsecretaría de Atención a Grupos Prioritarios (SAGP).  
2. Comisión Mexicana de Ayuda a Refugiados (COMAR).  
3. Instituto Federal de la Defensoría Pública (IFDP).  
4. Servicio Nacional del Empleo (SNE).  
5. Registro Civil.  
6. Secretaría de Educación/ Programa Binacional de Educación Migrante (PROBEM).  
7. Jurisdicción Sanitaria.  
8. Instituto de Cultura de Baja California (ICBC).  
9. Dirección Municipal de Atención al Migrante (DMAM).  
10. Instituto Municipal de Arte y Cultura (IMAC).  
11. La Agencia de Naciones Unidas para los Refugiados (ACNUR).  
12. Proyecto Salesiano.  
13. Centro de Recursos para Trabajadores Migrantes (CRTM).  
14. Centro 32.  
15. HIAS.  
16. Asylum Access (AAMX).  
17. Universidad Iberoamericana (Ibero).  
18. Save the Children (STC).  
19. Instituto de la Mujer Baja California (INMUJER BC)  
20. Instituto Municipal de la Mujer (IMMUJER TIJUANA)  
21. Colegio de la Frontera Norte (COLEF)  
22. US Committee for Refugees (USCRI)  
23. Instituto Nacional para la Educación de los Adultos (INEA).  

Pou dè rezon teknik chat an dirèk paj nou an pa an sèvis pou yon ti tan. W ap ka retounen kominike avèk nou nan yon tan ki pa twò long sou chat sa a.  

Nou prezante w eskiz nou pou enkonvenyan yo. Si w genyen kesyon oswa ou bezwen oryantasyon nan men ACNUR ou ka fè sa atravè kanal sa yo:

• Rele gratis nan: 800 226 8769 oswa nan 800 283 2718
• Ekri nou sou WhatsApp nan +52 55 7005 5950
• Imel: [email protected]
• Ou ka itilize tou Rapò Bwat Mesaj
• Facebook: ConfíaEnElJaguar

Sonje ke tout sèvis ACNUR yo gratis e konfidansyèl.

Comisión Mexicana de Ayuda a Refugiados (COMAR) nan Tapachula, chanje adrès kote pou w al fè demann kondisyon refijye nan peyi Meksik la. A pati lendi 25 septanm nan, ou dwe ale  sou Parque Ecológico Tapachula a pou yo ka ba ou nimewo folyo ou.

📱Sa a se lyen Google maps la: https://maps.app.goo.gl/Bvio7Hubm4xUTctS6

Sonje enfòmasyon sa yo:

• Si w gentan genyen nimewo folyo oswa randevou, li pa nesesè pou w ale sou Parque Ecológico a. 
• Pwosedi nan COMAR la se sèlman pou moun ki vle rete viv nan peyi Meksik e ki vle resevwa pwoteksyon kòm refijye nan peyi a. 
• Yo pa bay ni dokiman, ni pèmi sou Parque Ecológico a ki pèmèt moun deplase nan peyi Meksik.

Pa bliye! 👀

Tout pwosedi a gratis, pesòn pa gen dwa mande w kòb oswa favè pou yo ede w.

Si w gen dout oubyen kesyon, ACNUR ka aryante w.                                                                 

Rele nou gratis nan 800 226 8769 oswa ekri nou sou WhatsApp nan +52   55 7005 5950

Nan mwa fyète sa a nou envite kòlèg HCR nou yo nan peyi Meksik pou yo voye yon mesaj ki revandike dwa ak lit pou egalite ak respè pou moun 🏳️‍🌈LGBTIQ+🏳️‍🌈 yo, espasyalman pou moun ke n ap travay pou yo epi avèk yo. Ou menm tou, nenpòt kote ou ye nou envite w lite chak jou pou respè ke nou tout merite.

Mwa fyète sa a dwe fè nou sonje ke tout moun merite viv lib, nenpòt moun yo ye e nenpòt moun yo chwazi renmen. Se yon mwa pou nou selebre men tou se yon mwa pou nou revandike epi sonje ke, malerezman toujou genyen anpil espas ak peyi kote lavi moun LGBTIQ+ yo pa an sekirite, sa ki ka oblije yo kouri pati.

Pou mwen menm ki travay nan HCR, li vrèman enpòtan pou m kreye espas ki sekirize pou moun LGBTIQ+ ke yo fòse kouri pati, e se pa sèlman mwa sa a, men tout tan e tout kote.

Sofia, Asociada Senior de Protección

Genyen yon travay din e si, ale lekòl, resevwa swen sante lè w santi w pa byen oswa denonse se kèk nan dwa ke moun yo chache pi souvan lè yo rive nan yon nouvo vil.

Vini nan sou direksyon Migran nan SIBISO pou plis enfòmasyon de lendi a vandredi de 9:00 nan maten a 6:00 nan aprè midi:

📍 Calle Fernando de Alva Ixtlilxóchitl #185 Colonia Tránsito, Código postal 06820, Alcaldía Cuauhtémoc, Ciudad de México.

📞 55 8957 3416

📧 [email protected]

Assylum Acces Mexico (AAMX), avèk èd ONU Mujeres México mete a dispozisyon w, an kreyòl, Gid dwa pou fanm ayisyèn ki refijye Meksik.

Ou konn poze tèt ou kesyon kiyès yon moun ki refijye ye? Atravè gid sa a w ap ka konnen kiyès yon moun ki refijye ye, kisa kondisyon refijye nan peyi Meksik ye e pwosedi ke moun yo dwe swiv pou yo ka fè demann kondisyon refijye a nan peyi nou an nan COMAR.

Gid sa a montre w tou sa ou dwe konnen pou w ka travay Meksik, prestasyon sekirite sosyal, sante epi dwa aksè a edikasyon pou pitit fi w, pitit gason w elatriye.

Ou vle konnen plis sou dwa w? konnen kijan ou ka evite vyolans seksyèl ak vyolans yo fè sou moun paske yo se fanm oubyen gason, metòd planin epi kontwòl prenatal.

Pa kite sa pase, gen aksè a gid vityèl la nan Lang ou pou w kaf è respekte dwa w.

A pati madi 1 mas la, ACNUR chanje orè sèvis li a piblik la an jeneral nan peyi Meksik nan biwo ak sou lòt kanal kominikasyon yo tankou telefòn ak WhatsApp.

Nouvo orè a se:

• Lendi a jedi de 9 vè nan maten a 4 trè 30 nan laprè midi
• Vandredi de 9 vè nan maten a 2 zè nan laprè midi

Konsidere!

Chanjman sa yo aplike nan orè lokal chak biwo e akoz de pandemi an gen de biwo ki ka chanje orè sèvis yo.

Pou plis enfòmasyon ou ka kontakte nou nan nimewo sa a gratis 800 226 8769, WhatsApp +52 55 7005 5950 ak imel nou [email protected]

Move enfòmasyon se yon zam envizib ki mete lavi ak sekirite moun an danje, pafwa piblikasyon yo fè sou rezo sosyal yo nou kouri pataje ak lòt moun otomatikman yo, san nou pa verifye yo, oubyen san nou pa chèche konnen si nou ka fè yo konfyans, se yon seri manti k ap fè fo pwomès pou twonpe moun, epi menm kidnape yo, pou fè yo tonbe nan rezo bandi k ap fè trafik moun. Daprè yon rapò, nan ane 2021 an, moun k ap fè trafik moun yo te itilize rezo sosyal yo kòm mwayen prensipal pou pran plis viktim, e se imigran yo plis ap chèche.

Se poutèt sa, semèn sa a, n ap prezante w yon seri etap k ap ede w pou w pa ni kwè ni pataje tout nouvèl oswa piblikasyon yo voye pou ou, konsa w ap aprann rekonèt fo enfòmasyon yo e w ap sispann pataje yo.

1. Pa pataje mesaj ou pa konn sous yo.

Mesaj, odyo, videyo oswa imaj ou pa konn sous yo.

Lè nou wè yon piblikasyon nou renmen, ki fè sans pou nou, oubyen nou panse ki enpòtan, premye bagay nou anvi fè se pataje l. Pran anpil prekosyon ak enfòmasyon ou pa konn sous yo, an jeneral, nou pa pran tan pou n chèche konnen si nou ka fè yo konfyans, nou pa menm konnen ki moun ki dèyè piblikasyon sa yo e n pa konn entansyon yo. Lè w sispann pataje yo, ou pa jis pwoteje tèt ou kont fwod, ou pwoteje moun ou renmen tou.

2. Pran enfòmasyon nan sous ou ka fè konfyans.

Si pandan jounen an, ou pa gen tan pou w chèche plis enfòmasyon sou sous la (moun oswa paj wèb ki pibliye atik la), jis pataje nouvèl ak piblikasyon ki soti nan sous ou konnen, sous ki fyab tankou jounal, sit Entènèt, jounalis ak moun ki gen eksperyans sou sijè a. Ou ka fè rechèch sou non otè a oswa non sit Entènèt la nan nenpòt motè rechèch, epi verifye enfòmasyon ou jwenn nan.

3. Verifye ki moun ki pibliye enfòmasyon ou jwenn nan.

Si enfòmasyon an pa gen okenn sous, gen gwo chans pou se yon fo enfòmasyon. Gen anpil videyo k ap sikile nan rezo sosyal yo ki montre moun k ap bay enfòmasyon, men yo pa janm bay sous enfòmasyon yo.

4. Li tout nòt la, pa sèlman tit la.

Anpil fwa, tit la se jis pou atire lektè a, men se pa pou ba l enfòmasyon. Verifye tout enfòmasyon an.

5. Verifye dat piblikasyon an.

Gen kèk paj ki pibliye enfòmasyon ki te parèt nan ane ki pase yo, men yo veye pou enfòmasyon sa yo byen mache ak sitiyasyon n ap viv kounye a, sèlman pou plis moun ka vizite paj yo oswa suiv yo; se sa k fè w dwe verifye ke sous la fyab e dat la resan.

6. Konpare enfòmasyon an ak lòt sous enfòmasyon

Si nouvèl ou te wè a pa sot nan yon sous ki fyab, li pa gen dat, e se yon sèl medya ki pataje l, gen anpil chans pou enfòmasyon sa a fo. Anvan ou kontinye epi w pataje l, chèche nan lòt sous. Pa ni kwè ni pataje rimè.

Sonje se pa tout sa ou jwenn sou Entènèt ki verite. Evite pataje piblikasyon ou pa verifye, oubyen ou pa konn rezon ki fè yo pibliye l.

Ann met ansanm pou n konbat fo enfòmasyon.

Tout enfòmasyon ou jwenn nan nòt sa a soti nan dokiman ak rapò Ajans Nasyonzini yo, UNODC ak UNESCO pibliye. Pou w ka jwenn plis enfòmasyon, nou pataje lyen sa yo avè w kòm referans.

• UNESCO, ¿Cómo frenar la desinformación?: https://youtu.be/1G7ZP_oevuc
• UNODC, Tráfico ilícito de personas en redes sociales:
  • https://www.unodc.org/documents/human-trafficking/2021/The_effects_of_the_COVID-19_pandemic_on_trafficking_in_persons.pdf
  • https://news.un.org/es/story/2021/07/1494092

Paj sa a gen enstriksyon sèlman pou moun ki nan pwosesis anrejistreman nan ACNUR Tapachula e ki te resevwa yon apèl telefonik.

Pi devan wap jwenn enstriksyon pouw kap voye dokiman ou yo nimerikman bay ACNUR nan Tapachula. Nap rekòmande w ke se ou menm menm ki fè pwosesis la.

1. Rantre sou lyen sa a.

https://help.unhcr.org/mexico/registro-tapachula/

2. Rantre modpas la.

ENPÒTAN: Modpas la se pou ou sèlman li ye, ou pa ka pataje l ak moun e ou ka itilize l sèlman yon fwa; an ka ou yon lòt moun ki pa gen anyen pou wè ak dosye w la ta eseye rantre e voye dokiman li yo, anrejistreman w lan pap ka fèt.

3. Verifye ke done ki parèt nan seksyon ki rele “Done oubyen enfòmasyon pouw rantre” yo kòrèk. Si yo OK, kontinye. Si w ta wè yon erè nan non w oswa siyati w, tanpri pa voye dokiman w yo, pa voye fòmilè a nonplis, rele nou pou fè nou konnen erè a nan 800 226 8769 (ou pap peye pou apèl la).    

4. Nan seksyon ki make “Dokiman yo” an, klike e aprè chache dokiman nimerik pwotokòl ou an epi seleksyone l. 

5. Nan lòt pati a ou dwe ajoute dokiman idantifikasyon w yo.  

• Premye bagay seleksyone kantite dokiman w ap voye.
• Dezyèm bagay seleksyone ki tip dokiman li ye
• Aprè klike pou seleksyone ak ajoute
• Fè menm bagay la avèk chak dokiman ke w ap voye
• Revize si kantite dokiman ke w ajoute yo se menm kantite a ki parèt sou ekran an. Si se menm nan seleksyone kaz OK a.

6. Pou fini, ekri non ak siyati konplè moun ki ranpli fòmilè a. 

7. Aprè, klike sou pati ki make “Submit” la.  

Aprè sa w ap wè ekran an gen yon mesaj konfimasyon ki di: “OK. Formulario correcto!” W ap resevwa tou yon imel konfimasyon.  

Premye pati enskripsyon w nan nan ACNUR Tapachula fini kounyè a. Gen kèk etap anplis ki rete nan anrejistreman an. Nan jou sa yo, yon moun nan ACNUR ap kontakte w yon fason pou finalize anrejistreman w lan epi fè w konnen sèvis ak pwogram ki disponib ke nou kapab ofri w selon bezwen w yo: Chak ka diferan. Tanpri rete veyatif ak imel ou epi telefòn ou.

Anrejistreman nan ACNUR fèt sou baz volontè e li gen pou objektif konnen sitiyasyon w pou yo kapab ba w oryantasyon espesifik sou sèvis ak pwogram ki disponib pou ou menm ak fanmi w. Sipò ekonomik yo limite e anrejistreman an pa bay garanti ke w ap jwenn asistans ekonomik.

Si w fè yon erè oswa ou gen dout sou fason pou w ajoute e voye dokiman w yo, kontakte nou nan 800 226 8769 / 800 283 2718

Pa kite yo bon sou ou! Sèvis ACNUR ofri yo gratis, pa gen moun ki kapab mande w pou w bay yon bagay an echanj pou sèvis ke ACNUR bay yo, oubyen pou yo pèmèt anrejistreman w lan fèt.