Yon moun refijye se yon moun ki te oblije kite peyi li paske lavi li te an danje. Sa ka rive poutèt:
- Lagè
- Vyolans
- Pèsikisyon
⚠️ Si w pè retounen nan peyi w paske lavi w an danje, ou ka yon moun refijye.
✅ Dapre lwa Meksik la, ou se yon refijye si:
- Ou pè yo pèsikite w poutèt ras ou, relijyon ou, nasyonalite ou, sèks ou, opinyon politik ou oswa gwoup sosyal ou fè pati.
- Ou deyò peyi w epi ou pa ka jwenn pwoteksyon nan men gouvènman w.
- Lavi w, sekirite w oswa libète w an danje poutèt:
- Vyolans jeneralize
- Konfli ame
- Vyolasyon grav dwa moun
- Sitiyasyon ki kraze lòd piblik
⚠️ Egzanp risk:
- Ekstòsyon, menas, bat oswa vyolans seksyèl pa gang oswa gwoup ame:
- Paske ou refize kolabore
- Paske ou pa peye “dwa pou pase”
- Paske ou refize vin patnè yon moun nan gwoup la
- Paske ou temwen yon krim
- Diskriminasyon oswa agresyon poutèt relijyon ou, opinyon politik ou, nasyonalite ou oswa etni ou
- Vyolans fizik oswa seksyèl poutèt idantite seksyèl ou oswa oryantasyon seksyèl ou (moun LGBTIQ)
- Vyolans nan fanmi (konjwen, ansyen konjwen, manm fanmi)
- Pèdi kay, tè oswa byen
- Fòse w fè pwostitisyon oswa marye kont volonte w
- Konfli ame oswa vyolans grav nan kominote w
ℹ️ Kiyès ki ka ede w nan Meksik?
- COMAR: Komisyon Meksiken pou Ede Refijye (trete demann refijye yo)
- ACNUR: Si ou se yon refijye, panse ou ka refijye oswa bezwen enfòmasyon, kontakte ACNUR nenpòt kote nan Meksik:
📞 Telefòn gratis: 800 226 8769 oswa 800 283 2718
📱 WhatsApp: +52 55 7005 5950 ak +52 55 2535 2950
📧 Oswa sou imel sa a: [email protected]
Ou ka antre sou paj Facebook El Jaguar pou w kapab jwenn enfòmasyon epi pou yo ka reponn kesyon ou yo.