Tanpri, li Deklarasyon Konfidansyalite ak Règ epi Kondisyon Jeneral Sèvis WhatsApp ACNUR Meksik. Yo tradui dokiman sa epi yo senplifye l pou li ka vini on vèsyon pi aksesib, men li pa gen pwa legal. Dokiman legal la disponib an anglè la. Tanpri w ap wè nan dokiman ki an anglè a, kèk mesaj w ap voye pou kèk aksyon, tankou “STOP” ou byen “EFASE” pou w ka sispann resevwa mesaj ou byen pou efase enfómasyon ou yo ap parèt an anglè. Silvouplè itilize mo ki nan dokiman sa yo ki deja tradui ou byen sa yo bay kòm opsyon nan sèvis WhatsApp peyi kote w ap kominike a. Lè se premye fwa w ap kontakte sèvis WhatsApp sa, y ap mande w pou ou aksepte kondisyon itilizasyon yo. Lè w konfime ou aksepte yo, ou pral antre nan yon akó legal ak ACNUR epi w ap konfime ke ou konprann e ou aksepte kondisyon yo.
Deklarasyon privasite
1. Enfòmasyon pèsonèl
Lè w ap itilize Sèvis WhatsApp ACNUR Meksik, ou aksepte pou pataje kèk enfòmasyon pèsonèl ke y ap bezwen pou sèvis la ka fonksyone e pou yo kapab reponn mesaj ou yo ak kesyon w yo. Sèvis sa li suiv Politik Pwoteksyon Enfòmasyon Pèsonèl Moun ki se Enterè ACNUR (ou ka konsilte yo isit la). Ou ka retire konsantman w pou ACNUR sispann itilize enfòmasyon w yo nenpòt lè ou vle san okenn penalite. Lè ou sispann itilize sèvis la anplis, ou ka mande tou pou yo efase tout enfòmasyon w yo lè w vle. ACNUR ap gade enfómasyon w’ yo ak anpil sekirite, men li ap pataje yo ak sosyo teknolojik li Praekelt ki sipòte sèvis la. Kòm sèvis sa itilize whatsApp, WhatsApp ap kenbe kèk enfómasyon selon règ li ak kondisyon jeneral li yo (ou ka konsilte yo la) pou tout itilizatè e yo pa relasyone a Sèvis WhatsApp ACNUR Meksik.
Enfómasyon yo reyini, estoke ak pataje yo se sa yo:
| Enfòmasyon | Kijan yo reyini yo | Ak ki moun yo pataje yo |
| Nimewo selilè | Yo ap prann otomatikman nan pwofil itilizatè a | WhatsApp, Praekelt, ACNUR |
| Non pwofil la | Yo ap prann otomatikman nan pwofil itilizatè a | WhatsApp, Praekelt, ACNUR |
| Metaenfo sou koneksyon w’ lan (IMEI, adrès MAC, adrès IP) | Enfòmasyon sa yo pral reyini otomatikman pa nimewo selilè a ak koneksyon telefòn ke w’ap itilize a. Se enfómasyon ki ap kapab idantifye telefòn ak koneksyon w’ap itilize a. | |
| kontni mesaj yo | Enfòmasyon espesifik itilizatè yo voye tankou foto, videyo ak mesaj vokal. | ACNUR, Praekelt |
Y’ap pran enfòmasyon sa yo otomatikman sou diferan konpozan sèvis la epi ou pa bezwen fè anyen ankò pou pataje yo. Tanpri gade kondisyon 7 la anba a pou plis enfòmasyon sou konbyen tan done ou yo pral konsève.
2. Pou kisa ACNUR ap reyini epi itilize enfòmasyon w yo?
Avèk konsantman ou, ACNUR pral itilize done pèsonèl ou sèlman pou aplike sèvis WhatsApp li a jan sa detaye anba a:
| Ki enfòmasyon? | Pou ki sa li bezwen genyen aksè ak enfòmasyon sa yo? |
| Nimewo selilè ak non pwofil la | Pou reponn kesyon w yo dirèkteman. yo pral pataje done ou yo ak diferan ekip nan ACNUR oswa patnè li yo ki bay sèvis ki enpòtan lè sa nesesè pou asire ke yo ba w repons ki pi bon an. |
| Kontni mesaj yo: | Pou ka reponn ak enfòmasyon ou byen sèvis ki pi enpòtan an epi ak demann ou fè atravè sèvis WhatsApp ACNUR Meksik. |
Sosyo teknolojik ACNUR a, Praekelt, pral gen aksè a menm done yo pou asire sèvis WhatsApp la fonksyone byen atravè platfòm li a. Yo ap voye mesaj itilizatè yo bay ACNUR ak visevèsa, epi yo pral pèmèt yo bay repons otomatik sa depan de kontni mesaj yo resevwa yo.
ACNUR ak Praekelt pral reyini tout done anonim (sa vle di done yo itilize yon fason ke pèsonn pa ka konekte li ak idantite w) sou itilizasyon sèvis la, ki pral itilize pou yo ka evalye ak amelyore aplikasyon an.
ACNUR ak sosyo li a pap vann ni yo pap itilize enfòmasyon w’ lan pou anyen ki pa mansyone la, ni yo pap pataje l’ bay lòt san konsantman w’
3. Sekirite enfòmasyon w yo
ACNUR ak sosyo teknolojik li Praekelt pral fè tout sa ki posib pou kenbe enfòmasyon pèsonèl ou an sekirite ak konfidansyèl. Y’ap kode yo epi y’ap estoke yo nan nwaj prive ACNUR. Antanke yon òganizasyon entènasyonal, UNHCR gen privilèj ak iminite ki ede pwoteje done ou yo pou gouvènman ak lòt moun ki pa otorize pa gen aksè a li.
4. Konfidansyalite enfòmasyon w yo
ACNUR en règ strik sou konfidansyalite ak sekirite enfòmasyon li pran nan men ou, pou asire ke moun ki pa otorize pa ka jwenn aksè ak yo selon akò ak règleman andedan ACNUR yo. Se anplwaye ACNUR ki ap travay espesyalman nan Sèvis WhatsApp ACNUR Meksik la ki ap kapab wè mesaj ou a pou reponn kesyon ou yo oswa asire ke repons otomatik yo fonksyone, ak kèk manm anplwaye sosyo teknolojik ACNUR a, Praekelt. Tout manm pèsonèl sa yo pral swiv règleman konfidansyalite ak sekirite enfòmasyon ou yo.
5. Pataje enfòmasyon ou yo.
ACNUR pap pataje enfòmasyon pèsonèl ou yo ak okenn lòt moun san konsantman w. Pou sèvis la fonksyone, Y’ap voye enfòmasyon w yo sou WhatsApp lè w’ap itilize sèvis la, men yo pap wè sa ki nan mesaj yo. Se anplwaye ACNUR ak patnè teknolojik li Praekelt ki opere sèvis la ki ap kapab wè kontni mesaj la. Si ou ta vle pataje enfòmasyon w yo ak sosyo ACNUR yo pou swivi kesyon w la oswa ka w la, yo pral mande w konsantman w anvan.
6. Pataje enfòmasyon pou anpeche move izaj, rapòte moun ki disparèt, oswa akonpli ak lwa entènasyonal yo.
ACNUR gendwa pataje enfòmasyon w yo ak lót moun deyò san konsantman w alavans si òganizasyon an jije bon ke fè sa nesesè pou anpeche lanmò imedyat oswa fè on lòt moun mal, ede jwenn refijye oswa lòt moun ki deplase yo ke yo te rapòte ke yo disparèt, oswa anpeche vyolasyon dwa entènasyonal yo.
7. Chwazi pa patisipe nan sèvis la ou byen efase enfòmasyon w yos
Ou ka chwazi pou sispann itilize sèvis la nenpòt ki lè w vle – san penalite – epi mande pou yo efase enfòmasyon ou yo nan sistèm ACNUR an. Pou sispann itilize la, w ap tou senpleman voye on mesaj ki di “STOP” nan sèvis la pou w pa resevwa mesaj ankò. Pou mande pou yo efase done ou yo, voye yon mesaj ak mo “EFASE” nan sèvis la. Yo pral mande w konfime ke ou pa vle sèvi ak sèvis la ankò epi enfòmasyon ou yo pral efase nan platfòm lan, ansanm ak tout mesaj nou echanje yo. Sa ka pran nou jiska 10 jou pou nou trete demann ou an epi pou efase enfòmasyon ou yo.
Y ap kenbe tout enfòmasyon ou yo pou 365 jou pou pi plis depi dènye fwa ou itilize sèvis la epi aprè yo ap efase; sof dosye anonim ke ACNUR ak Praekelt itilize pou yo ka evalye sèvis la. Si ou ta renmen retounen itilize sèvis la lè ou fin chwazi pou paf è li ou byen ou efase tout enfòmasyon w yo, ou kapab retounen kontakte sèvis la epi w’ap bay on nouvo konsantman tankou jan ou te fè li premye fwa a.
8. Mande enfòmasyon sou done yo.
Si ou ta renmen konnen ki enfòmasyon pèsonèl ou ACNUR rekopile kòm pati nan sèvis la, ou ka mande ACNUR pou li pataje yo ak ou nenpòt kilè atravè sèvis WhatsApp la voye on mesaj ki di “DONE”
9. Pataje kòmantè, plent ak preokipasyon w’
ACNUR pran anganjman pou li travay ak moun ki ap itilize sèvis la pou li bay solisyon a nenpòt ki enkyetid la nan adrese nenpòt enkyetid ki rive soti nan itilize nan sèvis la, tankou enkyetid sou enfòmasyon prive done yo. Si ou kwè ke UNHCR pa ka rezoud enkyetid ou yo atravè kominikasyon WhatsApp ki ka fèt atravè pwopozisyon 8 pi wo a, oswa si ou gen nenpòt lòt plent, kòmantè oswa enkyetid, ou gen dwa pataje l’ atravè mekanis retwoalimantasyon nou yo. Pou jwenn enfòmasyon sou mekanism sa yo ak kijan pou kontakte UNHCR, tanpri ale sou paj sa https://help.unhcr.org/mexico/.
10. Anonse chanjman
ACNUR ka chanje deklarasyon sou privasite sa nenpót nan nenpòt ki moman. Lè chanjman sa yo fèt, yo ap anonse w epi ou dwe aksepte nouvo kondisyon yo pou ou kapab kontinye itilize sèvis la.
Règ ak kondisyon jeneral
1. Itilize sèvis WhatsApp ACNUR
Cuando usa el Servicio de WhatsApp de ACNUR México, acepta los siguientes términos además de los términos de uso Lè w ap itilize sèvis WhatsApp ACNUR Meksik la, aksepte tout règ yo an plis de règ itilizasyon whatsApp aktyèl yo (règ ki aplike pou tout moun ki ap itilize WhatsApp):
- Pa bay fo idantite sou ou oswa relayon w genyen ak nenpòt itilizatè.
- Pa pataje okenn enfòmasyon pèsonèl konfidansyèl sou ou oswa sou on lòt, sof si yo mande w li espesifikman.
- Lè operate chat yo mande w enfòmasyon pou yo wè ki sèvis ki disponib pou ou e ou deside pataje enfòmasyon sa, asire w ke enfòmasyon sa egzat.
- Pa itilize gwo mo, yon langaj ki diskriminatwa o vye mo ki abizif ak operatè chat yo.
- Ou pa ka vann enfòmasyon nan sèvis la a on lòt moun oswa touche lajan nan men lòt moun pou yo ka itilize selilè w’ la.
- Pa itilize aplikasyon an pou ou vyole dwa pwopriyete entèlektyèl lòt moun oswa lòt antite.
- O upa ka itilize sèvis la si ou genyen pi piti ke 13 zan.
2. Refize w’ aksè a
ACNUR ka deside nan nenpòt ki lè: (a) pa reponn itilizatè sèvis la si yo ap abize oswa yo pa akonpli ak responsablite ki anwo yo, ak / oswa (b) pa pèmèt aksè sèvis la ak itilizatè yo si yo ta mete mete nenpòt ki lòt moun an danje.
3. Limit responsablite ACNUR
Objektif ACNUR se pou asire ke kontni nan Sèvis WhatsApp ACNUR Meksik la egzat ke posib; men enfòmasyon, tankou sou COVID, chanje regilyèman kidonk ka gen yon ti reta nan mete ajou enfòmasyon nan sèvis la. Anplis de sa, li pa posib pou bay enfòmasyon ki enpòtan nan yon peyi ki gen rapò ak peyi kote y ap bay sèvis la. ACNUR pa ka garanti ke pa pral gen okenn erè nan enfòmasyon yo bay yo, men yo pral fè efò pou yo korije nenpòt erè ki rapòte. Yo bay enfómasyon nan on moman done kote yo baze sou enfòmasyon ki disponib ak san okenn enplikasyon oswa nenpòt garanti. SCNUR pa bay non plis okenn garanti sou enfòmasyon ak sèvis li bay yo atravè sèvis sa.
Lè yo bay sèvis sa a, ACNUR pa andose WhatsApp oswa nenpòt lòt aplikasyon pou mesaj. Itilizasyon sèvis la pa vle di ke itilizatè a gen aksè a garanti sou nenpòt enfòmasyon oswa sèvis espesifik.
Sèvi ak deziyasyon patikilye nan peyi oswa teritwa pa vle di okenn jijman bó kote ACNUR konsènan estati legal peyi sa yo oswa teritwa, otorite yo ak enstitisyon yo oswa sou limit fwontyè yo.
4. Enfòmasyon ekstèn ACNUR
Sèvis la ka endike ki kote pou jwenn enfòmasyon sou patnè ACNUR, enstitisyon ak/oswa òganizasyon imanitè k ap bay sèvis oswa ak on lòt pati; tankou enfòmasyon ke lòt kote ekstèn ak antite bay. Anplis de sa, lòt kote ka bay enfòmasyon sou ACNUR. ACNUR pa ka kontwole enfòmasyon ke ajan ekstèn yo ap bay yo. ACNUR pa kapab di si enfòmasyon ekstèn sa yo egzat ak/oswa vre, epi òganizasyon an pa konsidere li responsab de enfòmasyon an oswa rezilta yo lè w itilize oswa lè w swiv yo. ACNUR pa ofri okenn garanti epi li pa responsab pou okenn pèt oswa domaj pou si w ap itilize nenpòt nan sèvis yo oswa enfòmasyon.
5. Mezi sekirite
ACNUR pral pran mezi apwopriye pou asire ke enfòmasyon ou yo an sekirite epi pou lót ajan yo pa kapab voye oswa itilize yo san pèmisyon ou; men li pa ka garanti sa konplètman, pou tèt risk sekirite nannan itilizasyon materyèl dijital yo.
Itilizasyon WhatsApp vle di tou ke Facebook, ki se mèt WhatsApp ap pran kèk enfòmasyon, kèlkeswa itilizasyon sèvis WhatsApp ACNUR la. ACNUR pa pral responsab de okenn pwoblèm oswa lòt itilizasyon enfòmasyon ou pa lòt pati, ni lòt risk paske ou itilize lót aplikasyon mobil yo.
6. Chanjman nan sèvis WhatsApp ACNUR an
ACNUR pral evalye sèvis la regilyèman epi l’ap fè chanjman pou amelyore li si sa posib. Lè l itilize sèvis la, w ap bay ACNUR pèmisyon pou revize konvèsasyon ak entèraksyon ak moun de fason anonim pou wè ki chanjman ki nesesè. Si chanjman ki fèt yo afekte ou, enfòmasyon pèsonèl ou oswa nenpòt lòt bagay ki nan akò sa a, ACNUR pral enfòme ou sou chanjman sa yo. ACNUR ka bezwen adapte sèvis la depann de sous ki disponib oswa chanjman ekstèn san yo pa bezwen avize w an; men yo pral fè w konnen sa aprè.
7. Enfòmasyon kontak yo
Si w gen nenpòt kesyon oswa enkyetid konsènan akò itilizatè sa a, tanpri voye mesaj “AKÒ” nan sèvis la. Pou plis enfòmasyon kontak ak chanèl pou bay retwoalimantasyon oswa kòmantè sou sèvis la, vizite paj sa https://help.unhcr.org/mexico/.
8. Pwopriyete entèlektyèl
Tout dwa pwopriyete entèlektyèl ACNUR pataje yo ap rete pou ACNUR, sof si yo endike le kontrè. W’ap kapab wè, telechaje ak enprime ekstrè materyèl yo ak lòt enfòmasyon yo bay nan sèvis la pou itilizasyon pèsonèl, ki pa komèsyal sèlman, san okenn dwa pou vann oswa itilize nan nenpòt fason pou o fè benefis.
Nenpòt itilizasyon ki pa pou rezon pèsonèl, ki gen ladann repwodiksyon oswa tradiksyon materyèl ACNUR, ou dwe mande ACNUR on pèmisyon a lekri.
Anplis de sa, ACNUR rezève dwa li pou chèche tout sous ki disponib nan lalwa pou nenpòt vyolasyon règ ak kondisyon sa yo, ki gen ladann nenpòt vyolasyon dwa ACNUR sou non ak anblèm ACNUR ki gen pou wè ak enfòmasyon li yo, materyèl grafik, tèks, videyo, odyo, oswa imaj ki disponib. atravè aplikasyon an.
9. Non ak anblèm ACNUR
Non ak anblèm ACNUR se pwopriyete eksklizif ACNUR. Dwa entènasyonal pwoteje yo. Li entèdi pou ou itilize yo san otorizasyon. Yo pa ka kopye yo oswa repwodui nan okenn fason san on pèmisyon dabò a lekri ACNUR.
10. Notifikasyon chanjman
ACNUR chwazi kontni Sèvis WhatsApp ACNUR México epi nan nenpòt ki moman li ka chanje san yo pa avize w. ACNUR ka chanje oswa kanpe nenpòt ki lè nenpòt pati nan Sèvis WhatsApp ACNUR México; ak pami lòt règ ak kondisyon sa yo epi disponiblite li.
11. Privilèj ak iminite ACNUR
ACNUR gen yon kondisyon espesyal kòm yon òganizasyon Nasyonzini epi pou sa li resevwa pwoteksyon adisyonèl ki gen rapò ak endepandans ak netralite nan aktivite li yo, ki gen ladan li tou Sèvis WhatsApp ACNUR Meksik. Okenn nan Kondisyon Itilizasyon sa yo ou byen ki gen rapò ak sa, oswa Sèvis WhatsApp ACNUR Meksik la, pa dwe konsidere kòm yon dispans a okenn iminite ACNUR yo.
12. Rezolisyon diskisyon
Nenpòt diskisyon ki parèt anba Akò sa a ki pa ka rezoud nan yon fason amikal ant itilizatè yo ak UNHCR, pral rezoud konsa:
- Apre notifikasyon sou kominike a nan yon fason ki rezonab nan men youn ak lòt, yo pral soumèt diskisyon nan on pwosesis konsilyasyon ke Règleman Konsilyasyon Nasyonzini sou Lwa Komès Entènasyonal (“UNICTRAL”) ap dirije ou byen li ap administre pa on pwosesis alekri ant de pati yo kote yo mete yo dakò. Lang pwosesis la pral an angle sof si moun k’ap diskite yo dakò yon lòt lang.
- Si nenpòt nan diskisyon sa yo pa ta rezoud nan 60 jou apati notifikasyon yon aktè ak yon lòt sou kòmansman pwosesis la, nenpòt aktè pral refere diskisyon an nan yon pwosesis abitraj an akò ak règleman UNICTRAL aktyèl yo. Tribinal abitraj la dwe konpoze de yon sèl abit epi lang pwosesis la dwe Anglè sof si tou de pati yo te dakò sou yon lòt lang. Abitraj sa pral nan vil Jenèv kote biwo santral ACNUR la ye. Pwosesis la ka fèt adistans (pa egzanp sou videyo konferans) si sa posib.
13. Sispann sèvis la
ACNUR ka chanje oswa sispann sèvis WhatsApp sa a nenpòt ki lè san avètisman. ACNUR p ap responsab okenn efè negatif oswa lòt rezilta sou chanjman sa yo oswa entèripsyon sèvis yo.