ڕێڕەوەکانی خوێندنی تەواوکاری بریتین لە دەرفەتی خوێندنی باڵا کە لە ڕێگەیەوە پەنابەران لە وڵاتی سێیەم وەردەگیرێن، واتە وڵاتێکی تر جگە لە وڵاتی ڕەسەنی خۆیان و وڵاتی یەکەمی پەناخوازی کە تێیدا داوای پاراستنیان کردووە.
بەدەستهێنانی ئەم دەرفەتانە لەلایەن پەنابەرانەوە دەوەستێتە سەر شارەزایی خوێندن و زمانیان نەوەک پێویستیەکانی لە بواری پاراستن.
ئەو دەرفەتانەی خوێندن کە لە ڕێگەی ئەم جۆرە ڕێڕەوانەوە پێشکەش دەکرێن، پێویستە ڕێگە بدەن بە چارەسەری درێژخایەن لە ڕێگەی سیستەمی کۆچبەری ئاسایی یان سیستەمی پەنابەری لە وڵاتی نوێدا لەبری پرۆگرامی خوێندنی کورتخایەن و زەمالەی خوێندن.
ئەم دەرفەتانە ڕۆڵیان دەبێت لە بەهێزکردنی پەنابەران لە ڕووی ئابوری و کۆمەڵایەتیەوە وەهەروەها دەبێتە هۆی بەرزکردنەوەی تواناکانیان و متمانە بەخۆبوون.
لە هەمان کاتدا، سوود بە کۆمەڵگا و دامەزراوە میواندارەکان دەگەیەنن لە ڕێگەی فەراهەمکردنی ژینگەیەکی ئەکادیمی گەشەسەندوو و پتەوکردنی یەکگرتوویی کۆمەڵایەتی لەگەڵ بەرەوە پێشبردنی ژێرخان و سەرچاوەی ئەکادیمی.
پڕۆگرامەکانی خوێندن لە وڵاتی سێیەم دەکرێت بەشێکبن لە سیستەمی کۆچکردنی کۆن بەڵام دەستکاریکراون بۆ ئاسانکاری وەرگرتنی پەنابەران کە کۆمەڵێک کارامەیی(شارەزایی) دواکراویان هەیە لە ئاستە جیاوازەکاندا.
بۆ ئەوەی پڕۆگرامەکانی لەم شێوەیە بەردەوامیان هەبێت، زۆر گرنگە بەڵگەنامەی گەشتکردن بە شێوەیەکی دروست و یاسایی بۆ چوونە ژوورەوە و ڕێکخستنی مانەوە مسۆگەر بکرێت. گەرەنتیکردنی پاراستنی پەیوەندار بە درێژایی و دوای ماوەی خوێندن وە دواتر دەستڕاگەیشتن بە زانیاری سەبارەت بە گەیشتن بە چارەسەرێکی هەمیشەیی بە هەمان شێوە گرنگن.

زۆربەی کات هەڵسەنگاندنی فەرمی توانستی زمانی ئینگلیزی پێویستە بۆ بە دەستهێنانی دەرفەتی کار و خوێندن لەدەرەوە. دەکرێت تاقیکردنەوەکان قوڕسبن و تێچویان زۆر بێت. دوۆلینگۆ ‘ڕاهێنان لەسەر تاقیکردنەوەکان’ بەخۆڕایی پێشکەش دەکات بۆ هەڵسەنگاندنی فەرمی زمانی ئینگلیزی. تاقیکردنەوەی ڕاهێنانی (مەشقکردن) بڕوانامەی فەرمیت پێنابەخشێت، بەڵام دەتوانێت ئاماژەیەکت پێبدات بۆ توانستی ئێستای زمانی ئینگلیزیت. هەروەها زۆر یارمەتیدەرە بۆ ڕاهێنان و شارەزابون لە شێوازی تاقیکردنەوە فەرمیەکان.
تاقیکردنەوەی جۆری ڕاهێنانی دوۆلینگۆ لە ڕێگەی ئەم لینکەی خوارەوە بەردەستە.
(https://englishtest.duolingo.com/applicants)
دەرفەتە بەردەستەکان لە سەرانسەری جیهاندا لە ماڵپەڕی دەرفەتەکانی زەمالەی خوێندنی کۆمسیاری باڵای پەنابەران (UNHCR) بۆ پەنابەران بەردەستن.
تکایە ئاگاداری ئەو کەسانە بە کە بەدرۆ بانگەشەی هەبوونی پەیوەندی لەگەڵ کۆمسیاری باڵای پەنابەران ( UNHCR) و هاوبەشەکانی دەکەن ، لەوانەش ئەوانەی لەدەرەوەی نوسینگەی کۆمسیاری پەنابەرانن یان لەسەر سەکۆ جیاوازەکانی تۆڕە کۆمەڵایەتیەکانن. تکایە متمانە بە هەموو کەسێک مەکە کە بانگەشەی پێشکەشکردنی خرمەتگوزاری دەکات بەناوی کۆمسیاری باڵای پەنابەرانەوە لە بواری دووبارە نیشتەجێبوون و ڕێڕەوەکانی تەواوکاری بەرامبەر بە پارە یان بەرژەوەندی.