محفوظ طریقے سےسماجی ذرائع ابلاغ (سوشل میڈیا) پر جانا: پناہ کے متلاشیوں اور پناہ گزینوں کے لیے 5 تجاویز
ہم اس بات کو یقینی بنانا چاہتے ہیں کہ سماجی ذرائع ابلاغ سے جڑی دنیا سے ہر کوئی ان اجتماعی مقام رسائی (پلیٹ فارمز )کو محفوظ طریقے سے استعمال کر سکے۔ سیاسی پناہ کے متلاشیوں اور پناہ گزینوں کے لیےمجازی/ ڈیجیٹل جگہ کو محفوظ طریقے سے براؤز (کمپیوٹر کا وہ نظام جس کے تحت انٹر نیٹ میں کوئی تحریر پڑھنا آسان ہو جاتا ہے ) کرنے کے لیے یہاں 5 تجاویز ہیں:
1 ۔ رازداری کی ترتیبات خاص ہیں : اس کو جاننے کے لیے کہ آپ کی معلومات کو کون دیکھتا ہے اپنی رازداری کی ترتیبات کی ترتیب کریں۔ یہ ضروری ہے کہ جن سے آپ مطمئن ہیں صرف ان چیزوں کا اشتراک کریں۔
2 ۔ اپنے مواد کے مقام سے محتاط رہیں: حقیقی وقت میں اپنے درست مقام کا اشتراک کرنے سے گریز کریں۔ سماجی ذرائع ابلاغ کی تطبیقات (ایپس )کے لیے مقام کی خدمات ( لوکیشن سروسز )کو بند کر دیں یا اس بارے میں انتخاب کریں کہ آپ کب اور کہاں دخول (لاگ ان) کرتے ہیں۔ اپنے مقام کی حفاظت کرنا آپ کو بحفاظت اور محفوظ رکھنے میں مدد کرتا ہے۔
3 ۔ اعتماد کرنے سے پہلے تصدیق کریں: دوستی کی درخواستیں قبول کرتے وقت یا نامعلوم کھاتوں (اکاؤنٹس) سے جڑتے وقت محتاط رہیں۔ ذاتی معلومات کا اشتراک کرنے سے پہلے پروفائلز کی تصدیق کریں۔
4 ۔ اپنے آپ کو باخبر رکھیں: آن لائن حفاظتی طریقوں سے آگاہ رہیں۔ سماجی ذرائع ابلاغ کے اجتماعی مقام رسائی (سوشل میڈیا پلیٹ فارمز )کے آلات اور خصوصیات کو سمجھیں۔ بہت سے اجتماعی مقام رسائی (پلیٹ فارمز) کے پاس آن لائن محفوظ رہنے کے بارے میں ہدایات اور راہنما اصول موجود ہیں – ان سے فائدہ اٹھائیں!
5 ۔ . اپنے پیاروں کی حفاظت کریں: اپنے خاندان کے افراد کی رضامندی کے بغیر تصاویر یا معلومات کا اشتراک کرنے سے گریز کریں۔ ان کی آنلائن موجودگی کا احترام کرتے ہوئے ان کی رازداری کی حفاظت کرتے ہوئےآپ اپنی حفاظت کرتے ہیں۔
ایتھنز اور تھیسالونیکی کے لیے 2024 کے شہری راہنما (گائیڈز)
دلچسپ / مفید خبر ! اب پناہ کے متلاشیوں، پناہ گزینوں اور بے وطن افراد کو ان شہروں میں ضروری خدمات (ادارے) تلاش کرنے میں مدد کے لیے ایتھنز اور تھیسالونیکی کے لیے 2024 کی شہری راہنما (سٹی گائیڈز) دستیاب ہیں۔
شہری راہنما (سٹی گائیڈز) کے 2024 یونان میں اقوام متحدہ کے ہائی کمیشن برائے مہاجرین (UNHCR ) ، ایتھنز کے انتظامی مرکز برائے مہاجرین (ACCMR) اور یونان کے درمیان تعاون سے شہری راہنما (سٹی گائیڈز) کے 2024 نسخہ/مجلہ کی اشاعت تھی۔
9 زبانوں میں دستیاب راہنما میں صحت، تعلیم، قانونی خدمات اور مزید دوسری معلومات شامل ہیں۔ ہر فہرست میں رابطے کی معلومات اور ایک QR کوڈ شامل ہوتا ہے جو Refugee.Info کی ویب گاہ پر مزید معلومات سے منسلک ہوتا ہے۔
UNHCR اقوام متحدہ کے ہائی کمیشن برائے مہاجرین یونان کی مددگار ویب گاہ پر یہ شہری راہنماتلاش کریں: https://shorturl.at/izX47
ہنگامی صورتحال کے نمبر
ہنگامی صورتحال میں، یہ وہ خاص نمبر ہیں جن کا جاننا ضروری ہے :
یورپی ہنگامی صورتحال کی خدمات : 112
پولیس: 100
آگ بجھانے کا ادارہ (فائر سروس ) : 199
میڈیکل ایمرجنسی (ایمبولینس) : 166
(سمندری/ساحلی محافظ): 108
مزید معلومات اور فون لائنز کے لیے ہمارا صفحہ دیکھیں: https://help.unhcr.org/greece/seek-help/emergency-services/
صنفی / جنسی بنیاد پر تشدد
صنفی بنیاد پر تشدد (gender-based violence, GBV) ایک سنگین مسئلہ ہے جو بہت سے لوگوں کو متاثر کرتا ہے۔ GBV کو روکنے میں مدد کے لیے چار تجاویز ہیں:
1. GBV اور اس کی مختلف شکلوں کے بارے میں جانیں۔
2. صنفی دقیانوسی تصورات کو نظر انداز کرتے ہوے اور مساوات کو فروغ دے کر دوسروں کو بااختیار بنائیں۔
3. معاون نیٹ ورکس سے جڑیں اور دستیاب خدمات (اداروں) تک رسائی حاصل کریں۔
4. ایک حفاظتی منصوبہ تیار کریں، یہ جانتے ہوئے کہ مدد کہاں تلاش کرنی ہے۔
ہماری ویب گاہ پر مزید معلومات حاصل کریں: https://help.unhcr.org/greece/seek-help/gbv-english/
دھوکہ دہی کی وارننگ!
UNHCR اقوام متحدہ کے ہائی کمیشن برائے مہاجرین سے متعلق ہونے کا دعویٰ کرنے والی آنلائن گردش کرنے والی جعلی اسکیموں سے ہوشیار رہیں۔ ان چکموںمیں اکثر ملازمت کی جعلی پیشکشیں یا شراکت داری، ادائیگی کا مطالبہ یا ذاتی معلومات جمع کرنا شامل ہوتا ہے۔ براہ کرم درج ذیل احتیاط کریں:
1. UNHCR اقوام متحدہ کا ہائی کمیشن برائے مہاجرین کبھی بھی بھرتی یا اندراج کے عمل کے دوران فیس نہیں لیتا ہے۔
2. UNHCR اقوام متحدہ کا ہائی کمیشن برائے مہاجرین کبھی بھی آپ کا صارفی نام یا پاس ورڈ نہیں مانگتا ہے۔
3. UNHCR اقوام متحدہ کا ہائی کمیشن برائے مہاجرین کبھی بھی منسلک (اشتراک) نہیں بھیجتا جس کی آپ نے ای میل میں درخواست نہ کی ہو۔
4. UNHCR اقوام متحدہ کا ہائی کمیشن برائے مہاجرین کبھی بھی کسی کانفرنس کے لیے اندراج یا ہوٹل بک کروانے کے لیے پیسے نہیں لیتا۔
براہ کرم محتاط رہیں اور کسی بھی مشکوک سرگرمی کی اطلاع یہاں دیں: https://bit.ly/3IGRWjH
HELIOS ہیلیوس پروگرام کے لیے معلومات
HELIOS ہیلیوس پروگرام کو 30 جون 2024 تک بڑھا دیا گیا ہے۔ HELIOS پروگرام کی خدمات بتدریج دوبارہ شروع ہو جائیں گی اور HELIOS ہیلیوس پروگرام کے تمام مستفیدین کو اس کے مطابق مطلع کیا جائے گا۔ پروگرام کے لیے نئے اندراج / رجسٹریشن اورتنخواہ کے نئے معایدے قبول کی جائیں گی۔
مزید معلومات یہاں مل سکتی ہیں: https://greece.iom.int/helios-announcement-english
تیسری دنیا کے ممالک کے یا بے وطن جو یونان میں ایک غیر ہمراہی بچے کے طور پر آیا ہو اور اس نے 23 سال کی عمر مکمل ہونے سے پہلے کامیابی سے کم از کم ثانوی تعلیم کے تین درجات یونانی اسکول میں مکمل کر لیے ہوں ، ان کے لیے امور خارجہ اور مہاجرت و پناہ کی وزارتوں نے 10 سال کا رہائشی اجازت نامہ حاصل کرنے کا امکان متعارف کرایا، ۔
یہاں وہ باتیں ہیں جن کا جاننا آپ کے لیے ضروری ہے:
اس خصوصی رہائشی اجازت نامے کے لیے درخواست دینے کے لیے، آپ کو کچھ بنیادی دستاویزات کی ضرورت ہوگی۔
- سرکاری حکام کی طرف سے جاری کردہ ایک دستاویز جس سے پتہ چلتا ہے کہ فائدہ اٹھانے والا یونان میں ایک نابالغ کے طور پر داخل ہوا تھا۔ یہ دستاویز لازمی طور پر ان میں سے کسی ایک ادارے سے جاری کی گئی ہو:
الف) پناہ کے ادارہ کیطرف سے یا
ب) شناخت و استقبالیہ کے ادارہ کیطرف سے یا
ج) وزارت مہاجرت و پناہ کے کمزور/ حساس شہریوں اور ادارہ جاتی تحفظ کے جنرل سیکرٹریٹ کی طرف سے،یا
د) یونانی پولیس کیطرف سے،
- فرد کی طرف سے یہ بیان کہ وہ ملک میں بغیر کسی وقفہ کے لگاتار دو (2) سال سے زیادہ عرصے سے رہ رہا ہے۔
- تئیسویں (23) سال کی عمر تک پہنچنے سے پہلے یونان کے ایک یونانی اسکول میں ثانوی تعلیم کے کم از کم تین (3) درجات کی کامیابی سے تکمیل کا سرٹیفکیٹ۔
10 سالہ رہائشی اجازت نامہ کے اجراء کے بارے میں وزارت خارجہ اور مہاجرت و پناہ کے نئے اعلان کو ملاحظہ فرمائیں ۔
ایتھنز کی بلدیہ (میونسپلٹی) : زیادہ درجہ حرارت کے حالات کا سامنا
- شہریوں کے تحفظ کے لیے سات (7) ایئر کنڈیشنڈ ہال (بڑے کمرے)۔
ایئر کنڈیشنڈ جگہیں، جو صبح 8.00 بجے سے رات 08.00 بجے تک کام کریں گی ، درج ذیل ہیں:
- کوکاکی کا دوستی کلب، گلی دراکو 26-28، رابطہ فون نمبر 2109232044
- بڑی طاقت (پروردگار) کا دوستی کلب نیوس کوسموس ، گلی ہیلدرایح 15، رابطہ فون نمبر 2109240403
- وتانیکوس کا دوستی کلب، گلی کوزانیس 4، رابطہ فون نمبر 2103423716
- کولوکینتھوس کا دوستی کلب، گلی ایمونوس 9 اور آستروس ، رابطہ فون نمبر 2105140877
- آیوس ایلفتیریوس کا دوستی کلب سڑک آخرنون 372 رابطہ فون نمبر 2102012334
- کیپسیلی کا دوستی کلب گلی قفقاسو اور سکیرو، رابطہ فون نمبر 2108815877
- آبیلوکیپی کا دوستی کلب، گلی پانورمو اور واتھیوس، رابطہ فون نمبر 2106459890
ان جگہوں میں کووڈ – 19 کے لیے عوامی صحت کے ادارے(EODY) کی ہدایات کے تحت فراہم کیے گئے تمام حفظان صحت اور حفاظتی اصولوں پر سختی سے عمل کیا جائے گا۔ شہریوں کا ان جگہ میں قیام کے دوران ماسک کا استعمال لازمی ہو گا، جبکہ شہریوں کی مزید حفاظت کے لیے وافر صاف ہوا اور جراثیم کش محلول موجود ہو گا ۔
- نیز، بلدیہ ایتھنز (K.Y.A.D.A.) کے استقبالیہ اور یکجہتی مرکز کی اسٹریٹ ورک ٹیمیں گرمی کی لہر کے دوران اپنا کام جاری رکھیں گی، جس سے شہر کی بے گھر آبادی کو گرمی سے بچانے کے لیے ضروری ہدایات دی جائیں گی۔ ساتھ ہی، وہ انہیں ٹھنڈا پانی ، بنیادی ضروریات اور ابتدائی طبی امداد فراہم کریں گی، مزید وہ بلدیہ کی طرف سے فراہم کردہ ایئرکنڈیشنڈ جگہوں کے کام کے بارے میں بھی آگاہ کریں گی۔
- بہترین سروس کے لیے، ضرورت مند افراد کو براہ راست اس دوستی کلب جس میں وہ دلچسپی رکھتے ہیں، یا سرکاری خدمت نمبر (ہیلپ لائن) 1595، یا ٹیلی فون مرکز 2105277000 سے رابطہ کریں۔
- ساتھ ساتھ ایتھنز کے بلدیاتی مرکز صحت کےذریعے ایک «ہیلپ لائن» چلائی گئی ہے، جس کے ذریعے شہر کے رہائشیوں کی مدد کے لیے معلومات فراہم کی جاتی ہیں (2103638049 وقت : 8:30 -19:30)۔
قسم 2 (منگل 07/26 اور بدھ 07/27)
انتہائی زیادہ درجہ حرارت۔ صحت کا خطرہ۔ احتیاطی تدابیر اختیار کریں۔ کمزور لوگوں کی مدد کے لیے تیار رہیں۔
- ہدایات اور معلومات کے لیے، بلدیہ ایتھنز کے 2103638043 پر کال کریں۔
- گرمی سے بچنے کے لیے بلدیہ ایتھنز کی ویب سائٹ «ایتھنز کی گرمی کی لہر» ملاحظہ کریں ۔
- ذاتی معلومات اور نقشوں کے لیے اسمارٹ فون کی ایپ «ایکسٹریما گلوبل» ڈاؤن لوڈ کریں۔
- اگر آپ گھر میں گرمی سے بچاؤ (ٹھنڈ) نہیں کر سکتے تو دوستی کلب میں جائیں۔
- 65 سال سے زیادہ عمر والے ، چھوٹے بچے ، دودھ پلانے والی اور حاملہ خواتین ، مخصوص طبی حالات والے افراد اور باہر کام کرنے والے سب سے زیادہ خطرے میں ہیں ان کا خیال رکھیں !
- پانی پیتے رہیں سایہ اور ٹھنڈک تلاش کریں۔
* کافی ، شراب اورمشروبات سے پرہیز کریں۔
* دن میں کم از کم 2-3 گھنٹے ایئر کنڈیشنڈ جگہ میں پناہ لیں۔
* دن میں وقفے وقفے سے ٹھنڈی پانی سے نہائیں
- اگر ممکن ہو تو گھر پر رہیں اور دن کے گرم اوقات میں باہر نہ نکلیں: صبح 11.00 سے شام 6.00 بجے تک۔
- بزرگ پڑوسیوں کو دیکھتے رہیں جو اکثر اکیلے رہتے ہیں (دن میں کم از کم 2-3 بار)
دھوکہ دہی کا انتباہ / کی اطلاع
مئی 2022/2/6
شاید آپ کو مندرجہ ذیل دعوت نامہ ٹیلی گرام کے ذریعے ملا ہو ؟
غور سے دیکھیں ، اگر ہاں ، تو شاید یہ دھوکہ ہو ۔ اگر نہیں ، تو ملنے کی صورت میں محتاط رہیں ۔
پناہ کے درخواست گزاروں اور مہاجرین نےذکر کیا ہے کہ انھیں ایک ٹیلی گرام کے چینل کو سبسکرائب کرنے / رجسٹر ہونے کے لیے دعوت دی گئی ہے ، جوکہ اقوام متحدہ کے ہائی کمیشن برائے مہاجرین کے لیے کام کرتا ہے اوراس کا لوگو استعمال کرتا ہے ۔
ممکن ہےدھوکہ ہو اور اس کا اقوام متحدہ کے ہائی کمیشن برائے مہاجرین سے کوئی تعلق نہیں
یونان میں اقوام متحدہ کے رابطے کے چینل / ذرائع مندرجہ ذیل ہیں ۔
- https://help.unhcr.org/greece/,
- اقوام متحدہ کا ٹیلی فون (2162007800) ۔
- اقوام متحدہ کی ای میل([email protected]).
اقوام متحدہ کی تمام خدمات اور کارروائیاں مفت ہیں ۔ اقوام متحدہ یا اس کے ساتھ کام کرنے والی کسی بھی تنظیم کا کوئی بھی ملازم پیش کی جانے والی کسی بھی خدمت کی اجرت نہیں مانگے گا ۔ جو کہتے ہیں کہ اجرت کے ذریعےرجسٹر ہونے یا دوسری خدمات باہم پنچانےکے لیے مدد کریں گے ، ان کا یقین مت کریں ۔
یاد رکھیں : پولیس سے نمبر 100 کے ذریعے یا جرائم کی اطلاع کے مواصلاتی نمبر11188 اور 2144027860 پررابطہ کر سکتے ہیں ۔
