Tanpri sonje tout sèvis UNHCR yo gratis. Gen moun k ap montre nimewo telefòn UNHCR Kanada (613-232-0909) pou bay moun yo yon fo lide pou yo rete an echanj lajan. Moun sa yo se moun k ap fè fwòd epi yo pa reprezante UNHCR.
Kanada te fè kèk chanjman nan sistèm azil li a. Chanjman sa yo ka afekte fason y ap trete dosye w la si ou te fè demann azil ou a nan oswa apre 3 Jen 2025 epi:
– Ou te rive Kanada apre 24 Jen 2020 epi ou te fè reklamasyon w lan plis pase 1 an apre, oubyen
– Ou te travèse fwontyè Kanada-Etazini an yon fason iregilye epi ou te mande azil apre 14 jou.
Ou ka jwenn plis detay sou paj “kijan pou aplike pou azil ” la.
Sou sit entènèt sa a, w ap jwenn resous k ap ede w konprann sistèm azil Kanadyen an:
Si w ap kouri kite peyi w paske ou pè pèsikisyon oswa paske lavi w an danje, ou ka aplike pou azil o Kanada. Si yo ba w azil, ou ka resevwa estati kòm refijye ak dwa pou rete. Pou fè demann azil, ou dwe prezan fizikman o Kanada oswa w ap chèche antre nan peyi a nan yon pòs antre (ayewopò, fontyè tèrès oswa pò maritim).
Sou sit entènèt sa a, w ap jwenn resous k ap ede w konprann sistèm azil Kanadyen an:
Ou dwe itilize enfòmasyon sa yo tankou yon gid; yo pa konsèy legal. Si w gen kesyon, tanpri chèche asistans legal.
Èske ou deyò nan Kanada? Èske w ap chèche èd pou fanmi aletranje? Tanpri chwazi peyi a ou vle enfòmasyon sou paj dakèy HELP UNHCR a oswa kontakte biwo ki pi pre peyi UNHCR ou.