٢٥ ی تشرینی دووەم بۆ ١٠ ی کانوونی یەکەمی ٢٠٢٢
١. جیهانێکی دوور لە توندوتیژی مومکینە و کاتی گۆڕانکاری ئێستایە.
٢. ژنان و کچان مافی پاراستنیان هەیە لە توندوتیژی.
٣. بە هەمان ڕێزەوە مامەڵە لەگەڵ ژنان و کچانی ناو خێزانەکانتان بکەن کە دەتانەوێت خەڵک نیشانتان بدەن
٤. بڵێی نەخێر بۆ هەموو جۆرە توندوتیژییەک لەوانە توندوتیژی جەستەیی، سۆزداری، دەروونی، سێکسی، یان ئابووری.
٥. پشتیوان بە: خۆت و خێزانەکەت و کۆمەڵگاکەت لە توندوتیژی بپارێزە –وەکو گاڵتەجاڕی سێکسی، سووکایەتیکردن، یان جۆرەکانی تری زیان گەیاندن کە لە کۆمەڵگادا جێگەیان نییە.
٦. بوەستە و بیربکەوە پێش ئەوەی ڕزگاربووانی توندوتیژی جێندەری تاوانبار بکەیت یان شەرمەزاریان بکەیت.
٧. هیچ بیانوویەک نیە بۆ توندوتیژی بەرامبەر ژنان و کچان – توندوتیژی ناتوانرێت هیچ پاساویکی هەبێت.
٨. خاوەن پێداویستیانی تایبەت مافی پاراستنیان هەیە لە هەموو جۆرەکانی توندوتیژی و بە یەکسانی دەستڕاگەیشتن بە خزمەتگوزاریەکان.
٩. توندوتیژی دەروونی و توندوتیژی ئابووری ڕاستەقینەن تەنانەت ئەگەر کاریگەرییەکانیان سەخت بێت بۆ بینین. کاریگەرییە نەرێنییەکان ئازاری تاکەکان و کۆمەڵگاکەمان دەدەن.
١٠.هاوسەرگیری زۆرەملێ جۆرێکە لە توندوتیژی و قبوڵکراو نیە.
١١.هاوسەرگیری زۆرەملێ و هاوسەرگیری منداڵ مەفەکانی هاوسەرگیری بە ئازادی هەڵبژاردن و مافی خوێندن پێشێل دەکەن.
١٢. هیچ شەرەفێک نیە لە “کوشتنی شەرەف”دا ، نامرۆڤانە و دڕندەیە، وە پێشێلکردنی مافی ژنان و کچانە بۆ ژیان و ئاسایش و ئازادی لە ئەشکەنجەدان.
١٣. توندوتیژی خێزانی کاریگەری لەسەر کۆمەڵگاکەماندا هەیە، نەک تەنها ژنان و کچان.
١٤. شەرم مەکە بۆ داوای پاڵپشتی ئەگەر ڕووبەڕووی توندوتیژی بوویتەوە یان مەترسیت لەسەرە.
١٥. ئەگەر تۆ یان کەسێک لە خێزانەکەت هەست بە هەڕەشە یان مەترسی دەکەیت ، ئەگەر لەڕووی جەستەیی، دەروونی، ئابوری، سێکسی زیانت پێگەیشت، مافی ئەوەت هەیە دەستبەجێ یارمەتی و پاڵپشتی وەربگریت.
١٦. پەیوەندی بکە بە هێڵی گەرمی 119 بۆهەرێمی کوردستان ١٣٩ لە بەشەکانی عێراقی فیدراڵ.
١٧. پشتگیری بەردەستە لەوانە پشتگیری تەندروستی، پشتگیری دەروونی-کۆمەڵایەتی، و یارمەتی یاسایی. تۆ مافی ئەوەت هەیە لەو سەرچاوانەی کە لەبەردەستتدایە تێبگەیت و دەتوانیت هەڵبژێریت کە دەتەوێت چ هەنگاوێک بنێیت.
١٨. لەبیرت بێت کە هەموو ئەو زانیاریانەی کە دەیدەیت نهێنی دەبن و بەبێ ڕەزامەندی تۆ لەگەڵ کەسدا هاوبەش ناکرێن.
١٩. ئەگەر تۆ یان کەسێک کە دەیناسیت ڕووبەڕووی کێشە بوونەتەوە و مەترسی توندوتیژییان لەسەرە بەهۆی کەمئەندامی جەستەیی یان دەروونی یان برینداربوونەوە، ئەوا یارمەتی بەردەستە.