ከመይ ጌርካ ዑቕባ ትሓትት

ናይ ዑቕባ መመልከቲ ኣብ ግዝኣት ሽወደን ክቐርብ ይከኣል። ናብ ሽወደን ብመእተዊ ወደብ (መዓርፎ ነፈርቲ፣ ናይ መሬት ዶብ መሳገሪ መፈተሺ ነቑጣ ወይ ወደብ ባሕሪ) ትኣቱ እንተኾይንካ፡ ንፖሊስ ዶብ ዑቕባ ክትሓትት ከም እትደሊ ንገሮ። እቲ ፖሊስ ዶብ ገለ ሕቶታት ክሓተካ እዩ ናብ ኤጀንሲ ስደተኛታት ሽወደን ክውከሰካን ኣብኡ ድማ መመልከቲኻ ከተረክብን ትኽእል ኢኻ።

ድሮ ኣብ ሽወደን ዘለኻን ዑቕባ ክትሓትት ምስ እትደሊን ኣብ ስቶክሆልም፣ Gothenburg (ጎተንበርግ) ከምኡ ውን Malmö (ማልሞ) ኣብ ዝርከብ ቤት ጽሕፈታቶም ናብ ኤጀንሲ ስደተኛታት ሽወደን ክትቀርብ ይግባእ። ኣብ መርበብ ሓበሬታ ኤጀንሲ ስደተኛታት ሽወደን ብዛዕባ ኣድራሻታትን ናይ ስራሕ ሰዓታትን ናይዘን ኣብያተ ጽሕፈት ዝያዳ ሓበሬታ ክትረኽብ ትኽእል ኢኻ (ኣብቲ መምረጺ ዝርዝር “Apply for asylum (ንዑቕባ ኣመልክት” ዝብል ምረጽ)። ዑቕባ ንምሕታት ቆጸራ ምሓዝ ኣየድልየካን እዩ።

ብተወሳኺ ብዛዕባ ኣብ ሽወደን ዑቕባ ብኸመይ ከም እትሓትት ዝያዳ ሓበሬታ ኣብ መርበብ ሓበሬታ ትካል ስደተኛታት ሽወደን ክትረክብ ትኽእል ኢኻ፣ እዚ ድማ ብቋንቋታት ኣምሓርኛ፣ ዓረብኛ፣ ዳሪ፣ ፋርሲ፣ ፈረንሳይኛ፣ እንግሊዝኛ፣ ኩርማንጂ፣ ፓሽቶ፣ ሩስያ፣ ሶማል፣ ሶራኒ፣ ስፓኒሽ፣ ሽወደንኛ፣ ትግርኛ ከምኡ እውን ቱርኪ ይርከብ።

ሰበ ስልጣን ሽወደን ንኹሉ ንዑቕባ ዝምልከት ኣገባብ ጉዳያት ብመሰረት ሃገራዊ ሕግታትን ስርዓታትን ከምኡ’ውን ምስ’ቶም ብፍላይ ኣብ ጉዳያት ዑቕባዝሰልጠኑን ብቑዓትን ሃገራዊ ሰበ ስልጣን ብሓባር ኮይኑ ይመርሑዎ።።

UNHCR ኣብ መስርሕ ሕቶታት ዑቕባ ኣብ ፊንላንድ ኣይሳተፍን እዩ።

---