Khiyaanada iyo Anshax-xumada

Khiyaanadu waa fal kasta ama ka-tagtida iyo qarinta xog si ula kac ah taas oo marin habaabisa UNHCR, hay’adaha la-hawlgala, iyo/ama qaxootiga taas oo uu hadaf-kaydu yahay in lagu helo faa’iido. Si kale haddii loo dhigo, waa ficilka ah inaadan runta sheegin (ama run buuxda) si aad u hesho wax ku beddelashada naftaada ama mida qof kale. Runta oo aan laga sheegin aqoonsigaaga waxay noqon kartaa khiyaamo.

Tusaalooyinka khiyaanada waxaa ka mid ah, laakiin aanan ku xaddidnayn:

• Bixinta macluumaad been ah oo ku saabsan adiga ama qof kale xaaladihiisa gaarka ah si aad uga faa’iidaysato gargaarka ama adeegga.
• Isticmaalka aqoonsiga qof kale si aad isaga diiwaan geliso UNHCR.
• Sheegashada beenta ah in aad matasho UNHCR ama hay’ado kale ama shaqsiyaadka xiriirka la leh UNHCR iyo/ama in aad lacag ku dalbato magangalyo-doon ama qaxoonti si ay uga faa’iideystaan gargaarka ama adeega ( tusaale diiwaan gelinta, dukumentiga, waraysiga qaxootinimada ee RSD, dib u dejinta).
• Isticmaalka dukumeenti been abuur ah ama dukumentiyo dhab ah si been abuur ah.

Soo jeedinta, bixinta, qaadashada ama ka dalaalaynta (si toos ah ama si dadban) shay kasta oo qiimo leh si loo saameeyo si aan habboonayn ficillada qolo kale.

Anshax-xumada waxaa loo arkaa u hogaansami la’aan kasta oo uu sameeyo xubin ka tirsan shaqaalaha UNHCR, hay’adaha la-hawlgala iyo/ama bixiyaha adeegga inuu u hoggaansamo xeerarka iyo shuruucda shaqaalaha ee la dejiyay iyo Xeerka Anshaxa ee UNHCR.

Anshax-xumada waxaa ka mid ah khiyaano, musuqmaasuq, dhiig-miirasho galmo, iyo xadgudub. Tusaalooyinka qaar ee anshax-xumada UNHCR ama shaqaalaha la-hawlgalayaasha ah waxaa ka mid ah:

• weydiinta lacag ama wax ku beddelashada adeeg kasta ama kaalmo (sida kaalmada maaliyadeed, taageerada caafimaadka);
• weydiinta lacag ama wax ku beddelashada adeegyada UNHCR sida diiwaangelinta, waraysiga qaxootinimada ee RSD ama dib u dejinta;
• been abuurka dukumeenti si aad u hesho faa’iido;
• ku samaynta nooc kasta oo xadgudub galmo ama dhiig-miirasho ka dhan ah magangalyo-doon ama qaxooti;
• jir ahaan u dhaawacid ama handadaad qof kale; ama
• la wadaagida macluumaadka shakhsiyeed adiga oo aan ogolaanshahaaga lala wadaagin qof ama urur dibadda ah.

Ka faa’iidaysiga galmadu waa mid kasta oo dhab ah ama la isku dayo ku takrifalid meel u nuglaansho, awood kala duwan, ama kalsooni, ujeeddooyin galmo, oo ay ku jiraan laakiin aan ahayn oo keliya, iyadoo la siinayo lacag ama faa’iidooyin bulsho, dhaqaale ama siyaasadeed kale. Waxaa ka mid ah ka-ganacsiga tahriibinta iyo dhilleysiga.

Xadgudub galmo waa fal galmo oo dhab ah ama hanjabaad oo lagu fuliyo xoog ama xaalado aan sinnayn ama qasab ah. Waxaa ka mid ah addoonsiga galmada, sawirada iyo aflaanta xun-xun, xadgudubka carruurta iyo xadgudubka galmada.

UNHCR waxay leedahay siyaasad aan loo dulqaadan karin oo ka dhan ah dhiig-miirashada iyo xadgudubka galmada. Waxaa loo arkaa dhaqan-xumo aad u daran, dhammaan shaqaalaha UNHCR-na si adag ayaa looga mamnuucay inay ku kacaan dhaqankaas.

Xusuusnow in dhammaan adeegyada iyo kaalmada ay bixiso UNHCR, iyo la-hawlgalayaasheeda ay had iyo jeer yihiin lacag la’aan. Ha aaminin cid ama hay’ad kasta oo ku waydiisa inaad lacag bixiso. Ma bixin kartid si aad adeegyo degdeg ah uga hesho UNHCR ama la-hawlgalayaasheeda.

Haddii lacag ama nooc kale oo adeeg ah, oo ay ku jirto galmo, lagaa codsado beddelka adeegyada UNHCR, ha rumaysan oo si degdeg ah ugu wargeli UNHCR.

Ha la wadaagin xogtaada shakhsi ahaaneed iyo dukumeentiyada, oo ay ku jiraan baasaboor, dukumentiyada aqoonsiga qaranka, ama dukumeentiyada kale ee aad ka hesho UNHCR cid aan ka ahayn UNHCR iyo la-hawlgalayaasheeda.

Kuwa dadka Khiyaama ayaa laga yaabaa inay kuu balan qaadaan inay ku siinayaan qaab aad ku hesho (ama degdeg ah) diiwaangelinta, waraygsiga qaxootinimada ee RSD, dib-u-dejin, dhaqaale ama nooc kale oo kaalmo ah, dukumeenti UNHCR ama sheegashooyin been abuur ah oo ay ku beddelanayaan lacag ama adeeg kale , oo ay ku jirto galmo. Haddii wax lacag ah ama adeeg ah lagu weyddiisto, tani waa khiyaano!

Soo jeedintan waxa lagugu samayn si karaa fool ka fool ahaan, telefoon ama baraha bulshada, oo ay ku jiraan Facebook, YouTube, ama WhatsApp.

Mararka qaarkood tuugadu waxay iska dhigaan inay matalaan UNHCR si ay kalsoonidaada u helaan. Waxa laga yaabaa inay ku tusaan macluumaadka si ay kaaga dhaadhiciyaan inay ku xidhan yihiin UNHCR.

Dadka kuu sheega beenta caynkaas ah waxay raadinayaan inay ka faa’iidaystaan xaaladdaada. Iska ilaali oo ha rumaysanina. Dadkaas waxa ay u socdaan lacagtaada. Digtoonow oo yaan lagu khiyaamayn.

Had iyo jeer xasuuso in dhammaan adeegyada iyo gargaarka ay bixiso UNHCR, iyo la-hawlgalayaasheeda ay yihiin lacag la’aan! Haddii wax lacag ah ama raalli ah la weyddiisto, tani waa khiyaano!

Si ula kac ah inaad u sheegto UNHCR xog khaldan ama ku guul daraysashada inaad saxdo macluumaadka khaldan marka aad ogaato inay been tahay, waxa loo qaadan karaa khiyaano. Waxaa waajib kugu ah inaad bixiso xog run ah oo dhamaystiran iyo inaad ka warbixiso isbedel kasta oo ku yimaada xaaladaada.

Haddii aad ku guul dareysato inaad bixiso macluumaad run ah, oo ay ku jiraan inaad si khaldan u gudbiso ama aad u qariso xaqiiqooyinka, si aad u marin habaabiso UNHCR ama la-hawlgalayaasheeda, markaas waxaad la kulmi kartaa cawaaqib xun ee soo socda:

• U qalmi la’aanta ilaalinta, gargaarka, faa’iidooyinka, ama adeegyada, oo ay ku jiraan kaalmada maaliyadeed iyo dib u dejinta;
• Diiwaangelinta eedeymaha khiyaanada ee galkaaga;
• Dib u dhac weyn oo ku yimid kiiskaaga kaasoo la hakin doono waqtiga baaritaanka eedeymaha musuqmaasuqa;
• La wadaagista khiyaamada la sheegay ama la xaqiijiyay oo la-la wadaagi doono wadamada dib u dejinta;
• U-gudbinta tuhmanaha ku lug fal-dambiyeedka oo loo gudbin doono mas’uuliyiinta qaranka ee awooda u leh.

Fadlan isla markiiba u soo dir iimaylka UNHCR [email protected]. Waxa kale oo aad la wadaagi kartaa tuhun kasta oo khiyaano ah inta lagu guda jiro wada-xaajoodyadaada UNHCR ama la-hawlgalayaasheeda, hadday tahay taleefoonnada, ballamaha la-talinta, ama xilliga waraysiyada.

Haddii aad hayso xog sheegaya in xubin ka tirsan shaqaalaha UNHCR, ama shaqaale ka tirsan hay’adda UNHCR la shaqeeya, uu ku lug leeyahay musuqmaasuq, khiyaano, ama nooc kasta oo anshax-xumo ah, oo ay ku jiraan dhiig-miirasho iyo xadgudub, fadlan si degdeg ah ugu wargeli Xafiiska Kormeeraha Guud ee UNHCR (IGO) xaruntiisa:

• Iimaylka: [email protected]  
• Foomka cabashada onlaynka ee Xafiiska Kormeeraha Guud (IGO)
• Boostada: UNHCR, 94 Rue de Montbrillant, 1202 Geneva, Switzerland

UNHCR waxay dacwooyinka oo dhan u qaadaa si dhab ah oo mid walba si gaar ah ula socotaa.

Fadlan ogow in dhammaan xiriirka UNHCR lala leeyahay uu yahay mid sir ah.

Xaraynta cabashada sinaba saamayn ugu yeelan mayso kiiskaaga UNHCR.

Cabashadaada, fadlan keen dhammaan xaqiiqooyinka iyo cadaymaha aad hayso.

Haddii aad bixiso faahfaahinta xidhiidhkaaga, waxaanu awood u yeelan doonaa inaanu kula socono cabashadaada. Cabashooyinka sidoo kale waxaa loo samayn karaa si qarsoodi ah.

Halkan ku dhufo si aad u ogaato macluumaad dheeraad ah oo ku saabsan waxa ku dhici doona kiis kasta oo loo gudbiyo IGO.