Enstitisyon Piblik yo

➡️ Sèvis Enpòtan: 

• Demand azil (Dokiman Enskripsyon Migrasyon Nasyonal Pwovizwa (DPRNM));
• Emisyon dokiman pou sitwayen etranje (Kat Enskripsyon Migrasyon Nasyonal (CRNM));
• Natiralizasyon.

Klike la a epi jwenn sèvis ki disponib pou diferan nasyonalite yo.

➡️ Idantifye sitiyasyon w’ lan epi pran yon randevou nan Polis Federal: 

• Si ou se yon moun ki ap chèche azil:
  • Ou fenk rive Brezil epi ou bezwen aplike pou azil, tcheke pwosedi yo. 
  • Ou deja gen nimewo DPRNM la epi ou bezwen renouvle DPRNM ou a, pwograme vwayaj ou a nan Lapolis Federal la. Plis enfòmasyon yo bay isit la.
• Si CONARE te rekonèt demand azil ou a, epi ou bezwen aplike ak/oswa renouvle CRNM, tcheke pwosedi yo.

Klike la a epi chache katye jeneral Lapolis Federal ki pi pre w’ la a. 

CONARE se komite gouvènman an ki responsab pou revize ak deside tout demand azil nan Brezil. Se li menm tou ki genyen otorite pou defini politik refijye nan peyi a. 

Katye jeneral CONARE sitiye Brasília, nan Ministè Jistis ak Sekirite Piblik la, gen biwo São Paulo (SP), Campinas (SP) ak Rio de Janeiro (RJ): 

Brasília/Distrito(Distri) Federal
📍 Adrès: Esplanada dos Ministérios, Bloco T, Anexo II, térreo. CEP: 70064-900 – Brasília, DF.
⏱️ Sèvis: pagen sèvis prezansyèl.
📧 Email: [email protected] 

São Paulo/São Paulo
📍Adrès: Avenida Rio Branco, 285 – Térreo, Centro. CEP: 01205-902 – São Paulo – SP. Próximo às estações do metrô República (linhas vermelha e amarela) e Luz (linhas azul e amarela) / (Tou pre estasyon tren Repiblik la (liy wouj ak jòn) ak Limyè (liy ble ak jòn)).
⏱️ Sèvis: Soti lendi pou rive vandredi, 10h a 12h epi 14h às 15h30. Si ou vle akselere sèvis ou a, ranpli fòm lan, la a https://ee.humanitarianresponse.info/x/Hpo6xh3J.
📧 Email: [email protected] 

Campinas/São Paulo
📍 Adrès: Av. Francisco Glicério, 1269, 5º andar, Centro. CEP: 13025-004 – Campinas, SP.
⏱️ Sèvis: p’ap gen sèvis.
📧 Email: [email protected] 

Rio de Janeiro/Rio de Janeiro
📍 Adrès: Rua Uruguaiana, 174, 20º andar. Edifício Metropolitan Center, Centro. CEP: 20050-092 –  Rio de Janeiro-RJ.
⏱️ Sèvis: Sèlman chak vandredi, 10h a 16h. Klike la pou nou ka jwenn Kat ki pale de tout Sèvis yo.
📧 Email: [email protected] 

❗ Pou plis enfòmansyon sou reyinyon familyal, rantre an kontak avèk CONARE nan email [email protected] 

❗ Pou enfòmasyon sou otorizasyon vwayaj ak kominikasyon, tanpri kontakte CONARE nan email [email protected] 

❗ Pou jwenn enfòmasyon pou pran randevou pou fè yon entèvyou, kontakte CONARE nan email [email protected] 

❗ Pou jwenn enfòmasyon sou SISCONARE, kontakte CONARE nan email [email protected] 

❗ Pou jwenn enfòmasyon sou aksè ekstèn nan pwosesis la, kontakte CONARE nan email [email protected] 

Pou plis enfòmasyon, vizite sitwèb CONARE a nan. 

Nan Brezil, Biwo Defansè Piblik la responsab pou bay asistans legal/jiridik a moun ki pa gen mwayen pou peye depans pou sa. Refijye ak moun k’ap chèche azil yo gen dwa tou pou yo resevwa èd nan Biwo Defansè Piblik yo. Biwo Defansè Piblik la prezan nan tout eta brezilyen yo ak nan pifò gwo vil yo; Li divize an Biwo Defansè Piblik Eta ak Biwo Defansè Piblik Inyon, li varye an fonksyon sijè yo dwe trete a: 

• Biwo Defansè Piblik Federal (Inyon) / Defensoria Pública da União (DPU): pou mekontantman oswa kesyon konsènan aplikasyon w’ pou demand azil, dokiman, retrèt, dwa etranje nan Brezil oswa aksè a benefis sosyal, oubyen si ou se yon akize nan yon pwosedi kriminèl devan yon Tribinal Federal ki enplike, egzanp, fo paspò oswa dokiman idantifikasyon, oubyen nan pwosedi ekstradisyon oswa depòtasyon. 
  • Anvan ou ale nan yon inite DPU, tcheke ki jan yo bay sèvis la nan rejyon ou atravè sit entènèt sa a: https://www.dpu.def.br/contatos-dpu. 
• Biwo Defansè Piblik Eta / Defensoria Pública do Estado (DPE): pou mekontantman oswa kesyon konsènan akomodasyon, lwaye, divòs, pansyon alimantè, gad timoun ak adolesan, pwobasyon, patènite oswa pwoblèm konpansasyon oswa si ou se yon akize nan yon pwosedi kriminèl devan yon Tribinal Eta nan ka omisid, atak, vòl, fwod, vyòl., elatriye. 

Anplis Biwo Defansè Piblik la, nan kèk vil brezilyen gen sèvis asistans legal/jiridik ki espesyalize nan kesyon refijye ak moun ki ap chèche azil. La ou ap jwenn patnè UNHCR yo. 

Refijye yo ak demandè dazil yo ka jwenn aksè nan divès pwogram sosyal gouvènman brezilyen an. Anba a ou ap jwenn kèk egzanp nan asistans sosyal ki disponib nan Brezil. Pou plis enfòmasyon, konsilte ti liv SUAS la ak ti liv Asistans Sosyal la.

CRAS – Sant Referans Asistans Sosyal 

CRAS sipòte fanmi yo atravè sèvis sosyal, atelye ak aktivite kominotè. Li bay PAIF (Sèvis Entegral pou Pwoteksyon ak Asistans Fanmi) ak SCFV (Sèvis pou Ranfòsman ak Lyens Sosyal), epi li responsab pou anrejistre fanmi yo nan Cadstro Único (Rrjis Inifye pou Pwogram Sosyal gvènman federal.

Pou chèche CRAS ki pi pre w, vizite kat sant sosyal yo.

CREAS – Sant Referans Espesyalize pou Asistans Sosyal

CREAS resevwa epi voye moun yo bay lòt sèvis sosyal ak lòt sèvis piblik. Li ofri tou konsèy legal, sipò pou fanmi, nan mitan lòt moun.

Pou chèche CREAS ki pi pre w, vizite kat sant sosyal yo.

PWOGRAM SOSYAL YO  

Enskripsyon pou pwogram sa yo fèt nan CRAS ki pi pre w, eksepte nan ka espesifik ki endike yo. Si w bezwen asistans pou aplike pou pwogram sosyal, kontakte Liy Dirèk Sosyal 121, vizite CRAS ki pi pre w oswa chèche sipò nan òganizasyon patnè UNHCR yo.

• Bolsa Família (Alokasyon pou Fanmi)
Bolsa Família yon pwogram sosyal federal ki bay sipò finansye pouy fanmi ki gen revni fèb e ki anrejistre nan CadÚnico, nan objektif pou diminye povrete ak inegalite. Pou kalifye, revni pa moun nan fanmi an pa dwe depase R $ 218 pa mwa.

• Minha Casa, Minha Vida (Kay mwen, Lavi mwen)
Minha Casa, Minha Vida, yon pwogram sosyal federal ki bay lojman abòdab ak opsyon finansman pou fanmi ki gen revni fèb e ki anrejistre nan CadÚnico, nan zòn iben ak riral yo, tou selon kategori revni fanmi yo.

• Auxílio Gás (Èd gaz) 
Auxílio Gás, yon pwogram sosyal federal ki sipòte fanmi ki gen revni fèb e ki anrejistre nan CadÚnico pa diminye depans gaz pou kwit manje.

• Aluguel Sosyal (Lwe Sosyal)
Aluguel Sosyal, yon pwogram sosyal eta oswa minisipal ki ofri asistans finansye chak mwa pou peye lwaye pou fanmi ki gen revni fèb e ki anrejistre nan CadÚnico. Pwogram sa a ka pa disponib nan tout eta ak minisipalite yo.

• Tarifa Social de Energia Elétrica (Tarif Sosyal pou Elektrisite)
Tarifa Social de Energia Elétrica, yon pwogram sosyal federal ki bay rabè sou bòdwo elektrisite pou fanmi ki gen revni fèb oswa ak benefisyè BPC (Peman Benefis Kontinyèl) e ki anrejistre nan CadÚnico.

• Cartão do Idoso & Identidade Jovem (Kat Sitwayen Granmoun ak Kat Idantite Jèn)
Kat Sitwayen Granmoun Aje oswa Kat Idantite Jèn, yon pwogram sosyal federal ki bay transpò gratis ant eta gratis oswa a mwatye pri pou granmoun aje (60+ ane) ak jèn revni ki ba (15-29 ane) e ki tout anrejistre nan CadÚnico. Kat la jèn ofri tou rabè sou evènman kiltirèl ak espò.

• Benefício de Prestação Continuada (BPC) (Peman Benefis Kontinyèl)
Benefício de Prestação Continuada, yon pwogram sosyal federal ki bay yon salè minimòm chak mwa pou granmoun aje (65+ ane) oswa moun ki gen andikap tout ki anrejistre nan CadÚnico.

• Acredita no Primeiro Passo (Kwè nan premye etap la)
Acredita no Primeiro Passo, yon pwogram sosyal federal, sipòte fanmi ki gen revni fèb ki e anrejistre nan CadÚnico pou amelyor lavi yo atravè travay ak antreprenarya. Pwogram nan bay kou fòmasyon vokasyonèl, asistans pou moun k ap chèche travay ak opòtinite pou moun ki enterese nan kòmanse pwòp biznis yo, bay aksè a abòdab mikwokredi ak sèvis konsiltatif espesyalize.

• Pwogram Edikasyon

• Pé-de-Meia, yon pwogram sosyal federal, bay sipò finansye pou elèv lekòl segondè piblik anrejistre nan CadÚnico, pou ede yo rete lekòl. Pwosesis seleksyon an pou benefisyè nan pwogram sa a fèt otomatikman pa Ministè Edikasyon (MEC), ki baze sou done yo bay pa lekòl yo ak CadÚnico. Elèv yo pa bezwen aplike pou pwogram sa a.

• Fundo de Fianzamento Estudantil (FIES), yon pwogram sosyal federal, kouvri jiska 100% lajan pou etidyan ki pa fini etid siperyè epi ki pa benefisye finansman etidyan, dapre revni brit fanmi etidyan an chak mwa ak pwopòsyon revni sa a ki depanse pou peman lajan pou etid. Modalite FIES Sosyal la, nan pwogram FIES la, gen pou objaktif pou sipòte etidyan ki soti nan fanmi ki gen ti revni ki enskri nan CadÚnico, ansanm ak moun Nwa, Endijèn, Quilombola, ak moun ki gen andikap, pwopòsyonèlman ak popilasyon gwoup sa yo nan chak eta, dapre resansman IBGE a. Aplikasyon/enskripsyon pou pworam FIES ak FIES Sosyal yo dwe fèt sou Platfòm FIES la.

• Projovem, yon pwogram sosyal federal ki kreye nouvo opòtinite pou jèn (15-29 ane) ki anrejistre nan CadÚnico e ki gen difikilte pou jwenn aksè nan edikasyon ak travay. Pwogram li gen kat modalite; Projovem Adolescente, Projovem Urbano, Projovem Campo ak Projovem Trabalhador. Enskripsyon pou pwogram sa dwe fèt nan CRAS ki pi pre w.

Sitiyasyon sekirite piblik nan peyi Brezil pou evite viktim atak ak vòl, sitou nan pi gwo vil yo mande pou adopte kèk mezi sekiritè. Si ta w’ fè fas ak nenpòt risk, rele 190 (se yon nimewo gratis pou si ou gen ijans) oswa ou ka ale nan komisarya ki pi pre a. 

An jeneral, nou rekòmande pou ou toujou rete vijilan epi evite sitiyasyon ki riske. Si w’ viktim yon vòl, pa reziste kont agresè a epi toujou bay nenpòt bagay ke yo ta mande w’. 

Ki kote pou ale chèche sipò lapolis? 

Brezil gen diferan kalite inite/otorite lapolis. Li enpòtan pou w’ konnen chak inite/kalite yo pou w’ ka ale kote ou bezwen an si tout w’ ta bezwen èd. Ou dwe konnen ke pifò sèvis eta ak minisipal/kominal yo sèlman pale pòtigè. 

Komisarya Fanm yo / Delegacia da Mulher

Komisarya polis ki espesyalize nan anrejistreman ak envestigasyon krim vyolans sou fanm. Yo reailize tou egzamen legal. Gen kèk vil ki gen Sant Referans pou Fanm ki gen lojman, sipò sikolojik ak sosyal, ak konsèy legal/jiridik pou fanm ki nan sitiyasyon vyolans. Ou ka rele liy dirèk gratis 24h/24h (nan nº 180) pou asistans oswa konsilte lis enstitisyon enpòtan yo sou sitwèb Sekretarya Politik pou Fanm yo. 

Lapolis sivil

Li prensipalman envestige krim ki fèt nan yon eta. Pafwa, polisye sa yo konn pa mete/itilize inifòm. 

Sèvis enpòtan: 

• Yo fè yon Rapò Lapolis an pòtigè ki rele (Boletim de Ocorrência – BO) oswa yon Rapò Ensidan (Registro de Ocorrência – RO) si ou te viktim yon krim, oubyen yo te vòlè ou oswa ou te pèdi dokiman ou yo; 
• Se nan enstans sa a ou ka mande yon achiv kriminèl (kazye jidisyè) pou konnen sitiyasyon ou nan sistèm brezilyen jidisyè an. 

 Nan ka atak, vòl oswa pèt dokiman, ou kapab: 

• Ale sou sitwèb Lapolis Sivil nan eta w’ap viv la; 
• Ale nan Komisarya Polis Sivil ki pi pre ou a;
• Rele nan nimewo ijans Lapolis Militè a ki se (190);
• Chèche asistans nan men Gad Minisipal la. 

Polis Militè

Li gen devwa pou fè patwouy epi anpeche krim. Yo kapab tou arete moun epi kontwole trafik/sikilasyon/transpò. Yo itilize inifòm, selon eta kote yo ye a koulè ak fòm inifòm yo konn diferant. 

Sèvis Enpòtan: 

• Sant/Santral Ijans: rele 190 pou ijans ki gen rapò ak krim (vòl, atak, agresyon ak lòt tip vyolans). 

Gad Minisipal / Gad Sivil Metwopoliten

Otorite minisipal ki bay sekirite piblik nan vil la. Fonksyon prensipal li se pwoteje byen/machandiz, sèvis ak enstalasyon, sipòte lòt inite (kalite) polis. Yo itilize inifòm ki varye nan koulè ak fòm selon vil y’ap travay la. 

Sèvis Enpòtan: 

• Ou ka chèche èd nan men Gad Minisipal ki pre w’ la si ou ta nan yon sitiyasyon sekirite ijan epi ou bezwen èd.