📚 (DAT LIMIT: 30/11/2026) UFAM Pwosesis Seleksyon Espesyal (PSERef 2027) pou Refijye, Demandè Azil ak Apatrid

Inivèsite Federal Amazonas (UFAM) ouvri 218 plas nan kad Pwosesis Seleksyon Espesyal (PSERef 2027) la, ki fèt pou refijye, demandè zil, apatrid, moun ki gen viza imanitè ak imigran ki nan sitiyasyon vilnerab. 

Gen 146 plas nan Manaus ak 72 plas ki distribye nan kanpis ki nan Benjamin Constant, Coari, Itacoatiara, Humaitá ak Parintins. 

🗓️ Peryòd enskripsyon: soti 12 novanm 2026 rive 30 novanm 2026 

💰 Enskripsyon yo konplètman gratis! 

📝 Egzamen an: 13 desanm 2026 

Pwogram sa a te kreye an 2024 epi elaji an jiyè 2025. Li montre angajman UFAM anvè dwa moun ak enklizyon sosyal. Pwosesis seleksyon an ap fèt an lang pòtigè epi li gen yon egzamen chwa miltip, ki sèvi pou elimine ak klase kandida yo. Moun ki admèt yo ap gen aksè ak Pwogram Pòtigè Enstrimantal la (Português Instrumental), ki enpòtan pou ede yo reyisi epi kontinye etid yo. 

Pou plis enfòmasyon sou pwosesis seleksyon an, vizite: https://compec.ufam.edu.br/refugiados.html