پەنابەرو پەناخوازێن عیراقێ د شێن بەردەوامیێ ب خواندنا خو یا بلند بدەن وەک قوتابیێن بیانی.
هەرێما کوردستانا عیراقێ: ل دیف رێنمایێن حکومی ، ئەو کەسێن دخوازن بهێنە تومارکرن ل ئێک ژ زانکویێن هەرێما کوردستانا عیراقێ پێدڤیە باوەرنامێن خو ئەڤێن وەرگرتین ژ قوتابخانێت وەلاتێ خو یێ رەسەن بهێنە (یەکسانکرن) ، ژبلی وان پەنابەر یان پەناخوازێن خواندنا ئامادەیی ل هەرێما کوردستانا عیراقێ ب دوماهی ئیناین . مەرجێن بەراوردکرنا باوەرنامێ (یەکسانکرنێ) :
- ب دەستڤە ئینانا باوەرنامێت فەرمی یێن قوناغێن خاندنێ 9 و10 و11 و12 د موورکری بن ژ لایێ وەزارەتا پەروەردە و فێرکرنێ و وەزارەتا ژدەرڤە ل وەلاتێ خو و بالیوزخانا عیراقێ ل وەلاتێ وان یێ رەسەن.
- هەمی بەلگەنامێن کو هاتینە موورکرن بهێنە پێشکێشکرن بو وەزارەتا پەروەردە و فێرکرنێ ، بەشێ ئەزمونا، ژ بو دیڤچونێ .
زێدەباری ڤێ چەندێ ،كومسيونا بلندا نه‌ته‌وه‌يێن ئێکگرتی بۆ كاروبارێن په‌نابه‌ران UNHCR پشتەڤانیا ژمارەیەکا کێم یا قوتابیێن دافی دکەت، ب پشتگیریا حکومەتا ئەلمانی ، بو پتر پێزانینا لدور پروگرامێ دافی ڤێرێ کلیک بکە .
پارێزگەهێن ناڤەراست و باشورێ عیراقێ: تومارکرن ل خواندنا بلند پێدڤی ب یەکسانکرنا باوەرنامێ هەیە ئەگەر خواندنا ئامادەیی ژ دەرڤەی عیراقی بدوماهی ئینابیت. ئەو پەنابەرێن خواندنا ئامادەیی ل عیراقێ بدوماهی ئیناین دشێن بەردەوامیێ بخواندنا خو بدەن ل زانکویەکا حکومی.
بو پتر پێزانینا یان داخوازا هاریکاریێ: پسیارا راوێژکاریێ بکە ژ كومسيونا بلندا نه‌ته‌وه‌يێن ئێکگرتی بۆ كاروبارێن په‌نابه‌ران UNHCR یان هەڤکارێن وێ یێن نە حکومی لسەر خزمەتگوزاریێن ل بەر دەست
پروگرامێ دافی 2024-2023
پروگرامێ دافی چەند مەزاختیان بخۆڤە د گریت ، وەک دەرمالێن ژیارێ و دەرمالێن خواندنێ لزانکویان کۆ تا چوار سالێن خواندنێ بخۆڤە د گریت. هاندانا ئەوان کاندیدێن ئافرەت، و کەسانێن خودان شیانێن تایبەت و قوتابێین کۆ لبەرە خۆ تومار بکەن ل پروگرامێن خواندن وخولێن پێشەیی و تەکنیکی کۆ پێشکێشی ئەڤێ دەرفەتێ بکەن.
كومسيونا بلند یا نه‌ته‌وه‌يێن ئێکگرتی بۆ كاروبارێن په‌نابه‌ران UNHCRلعیراقێ پێخوشحالە ئاگەهداریا هەوە بکەت بۆ دەست پێكرنا پروگرامێ دافی ( دەستپێشخەریا ئەلبێرت ئاینشتاین یا ئەلمانی یا ئەکادیمی بۆ پەنابەران) پروگرامێ سالا ٢٠٢٣ – ٢٠٢٤. ئەڤ پروگرامە دێ پشتگیریا ئەوان پەنابەرێن خودان شیان کەت کۆ باوەرنامەیا کولیژێ بدەستخوڤە بینن لوەلاتێ پەنا لێ خواستی یان وەلاتێن وان.
ژێگرتنا پیڤەران:
دا کۆ تویێ مفادار بی بو پروگرامی دافی لعیراقێ ، پێدڤیە ئەڤ پیڤەرێن لخارێ دیارکری هەمی شتە بگرن:
- پێدڤیە تو پەنابەر یان پەناخواز بی لعیراقێ ( هەلگرێ باوەرناما كومسيونا بلند یا نه‌ته‌وه‌يێن ئێکگرتی بۆ كاروبارێن په‌نابه‌ران UNHCRبی)
- پێدڤیە تە دەستوریا ئاکنجیبونێ (ئیقامە) یا کارپێکری هەبیت.
- پێدڤیە ژیێ پێشکێشکەری دناڤبەرا ١٧ – ٢٨ سالی تا ٣١ هەیڤا کانوینا ئێکێ.
- خواندنا خو لعیراقێ تەمامکربیت.*
- دەرچویێ خواندنا ئامادەیی بیت بتێکرایێ کێمتر نە بیت ژ ٨٠ ٪.
- پێدڤیە چ خویشک و برا د مفادار نەبن ژ پروگرامێ دافی.
هەروەسا هاندانا ئەوان قوتابیێن زانکویێ ژی دکەین پێشکێشی ئەڤی پروگرامی بکەن کۆ خواندنا وان کێمتر نە مابیت ژ (٢) سالا . پروگرامێ دافی یێ خواندنێ ٢٠٢٣ تنێ ٤٠ دەرفەتێن خاندنێ یێن هەین بۆ عیراقێ .
فورمێن پێشکێشکرنێ دێ تنێ برێکا مالپەرێ نویێ ئونلاین بیت یێ تایبەت بپروگرامێ خواندنا بلند یێ كومسيونا بلند یا نه‌ته‌وه‌يێن ئێکگرتی بۆ كاروبارێن UNHCR Tertiary Scholarship Programme Online Platform (scholarshipsplatform.com) [https://unhcr-dafi-tertiary.scholarshipsplatform.com/] دناڤبەرا ١٧ ئەیلول تا ١ تشرینا ئێکێ ٢٠٢٣. پێشکێشکرنا تە نا هێتە هەژمارتن پشتی ئەڤی ماوێ دەسنیشانکری.
مالپەرێ نویێ ئونلاین تنێ فورمێن پێشکێشکرنێ یێن ئنگلیزی و عەرەبی وەردگریت.
* بو پێشکیشکارێن هەرێما کوردستانا عیراقێ پێدڤیە هەمی پولێن ژ ٩ -١٢ لعیراقێ تەمامکر بن.
* بو پێشکیشکارێن پارێزگەهێن ناڤەراست و باشورێ عیراقێ: پێدڤیە پولێن ژ ٣ ناڤەندی – ٦ ئامادەیی لعیراقێ تەمامکربن