زاروک ( کور و کچێن د بن 18 سالیێ دا) د پێدڤی ب پشتەڤانیەکا تایبەتن ژ بوو بدەسڤەئینانا هندەک پێدڤیێن دەستنیشانکری و چارەسەرکرنا وان مەترسیێن تێدا دەرباز دبن ژ بەر ژیێ وانێ بچویک. پروگرامێن زاروکا پێدڤیە کاربکەن ژ بو ب دەستڤەئینانا باشترین خزمەتگوزاریان و پشتەڤانیا باشترین بەرژەوەندیێن زاروکا .
مەترسیێن ل سەر زاروکان
د بیت زاروک توشی مەترسیێن گرێدای ب ئێمناهی و تەندروستێ ویڤە ، وەک :
- نە بوونا بەلگەنامێن شارستانی.
- ڤەقەتیان ژ دەیک وباب و سەمیانێ خو بەری یان ل دەمێ کوچکرنێ یان ئاوارەکرنێ دا.
- توندوتیژیا سێکسی و خرابکاری ، پتریا جارا کچ توشی توندوتیژیا سێکسی دبن ، بەلێ پا دیر نینە کور ژی توشی توندوتیژیا سێکسی ببن و کارتێکرن لێ بهێنە کرن.
- نەخوشیێن دەرونی و ئاریشێن دەرونی و جڤاکی.
- سەربازیکرن ژ لالیێ هێزێن چەکدار ڤە یان گروپێن چەکدار.
- فروشتن و قەچاغکرن بزاروکا
- توندوتیژیا جەستەیێ (لەشی) و چالاکێن زیان بەخش ، د بیت د ناڤ مالدا رویبدەن.
- کارکرن ب زاروکان.
- دەستەسەرکرنا زاروکان.
ژ نوکە وێڤە UNHCR نە شێت خزمەتگوزاریێن پاراستنا زارۆکان ب رێکا هەڤبەشێن خۆ ڕێکخراوێن نەحکومی پێشکێش بکەت.
چەندین سالە ڕێکخراوا UNHCR و هەڤبەشێن خۆ خزمەتگوزارێن تایبەتمەند یێن پاراستنا زارۆکان پێشکێش ب پەنابەر و پەناخوازان د کەن ل عێراقێ.
ڕێکخراوا UNHCR ل دەستپێکێ پلان دانابوو کۆ خزمەتگوزاریێن پاراستنێ بۆ پەنابەران و پەناخوازان د ماوەیێ چەند سالەکاندا ب شێوێ قۆناغ ب قۆناغ بدوماهیک بینیت، ب مەرەما دەستگەهشتن ب خزمەتگوزاریێن گشتی.
بەلێ ژبەر سنووردارکرنا نها یا دارایی کو کاریگەری هەیە لسەر UNHCR لسەر ئاستێ جیهانی هەروەسا لسەر ئاستێ عێراقێ ژی، UNHCR نەچارە هەتا دوماهیکا مەها حوزەیرانا 2025 بشێوەیەکێ بلەزتر خزمەتگوزاریێن پاراستنا زارۆکان بدوماهیک بینیت د ناڤ کەمپان دا و ژدەرڤەی کەمپان ژی، رێکا هەڤبەشێن خۆ ڕێکخراوێن نەحکومی پێشکێش دکرن.
ئەو زارۆک و خێزانێن کۆ نۆکە خزمەتگوزاریێن پاراستنا زارۆکان ب رێکا هەڤبەشێن UNHCR وەردگرن: هەمی خزمەتگوزاریێن پاراستنا زارۆکان کۆ ب رێکا هەڤبەشێن UNHCR دهاتنە پێشکێشکرن دێ ل 30ی حوزەیرانا 2025 بدوماهیک هێن..
پێنگاڤێن داهاتی
- حکومەت بەرپرسیارێتیا سەرەکی ژ بۆ سەلامەتی و پاراستنا هەوە هلدگریت، ئەم ژی دی د بەردەوام کارکەین دگەل دەستهەڵاتێن نیشتمانی و ناڤخویێن پەیوەندیدار بۆ هندێ کۆ پشتراستبین پەنابەر و پەناخواز دگەهنە خزمەتگوزاریێن بەردەست.
- عێراقێ ثشتەڤانیەکا بەرچاڤ دایە دیارکرن د مێڤانداریکرنا پەنابەران و پەناخوازان، ژ پێدان و گەهشتن ب ئەوان بەڵگەنامانەیێن کو ژلایێ دەسەڵاتێڤە دهێنە دان و گەهشتن ب خزمەتگوزاریێن تەندروستیێن گشتی و پەروەردەیا گشتی یا حکومی.
- UNHCR پابەندە ب داکۆکیکرن ژ پەنابەران و پەناخوازان بۆ هندێ کو بگەهنە هەمان ئاستێ خزمەتگوزاریێن پاراستنێ وەکی کۆمەڵگەها مێڤان.
دێ ل کیرێ هاریکاریێ وەرگری؟
- د دەمەکیدا خزمەتگوزاریێن راستەوخو یێن UNHCR برێکا هەڤپشکێن خۆ بدوماهیک دهێن، هاریکاری ب ڕیکا دەزگەهێن حکومەتێ د بەردەستن. هیڤیە پەیوەندیێ بەمب ڤان هێلێن گەرمێن ل خارێ بکەن ئەگەر هەوە هەر پرسیارەک هەبیت کو پەیوەندی ب پاراستنا زارۆکا ڤە هەبیت:
- ل هەرێما کوردستانا عێراقێ: پەیوەندیێ بکەن ب ژمارە 116📞 (هێلا گەرما پاراستنا زارۆکان) یان سەردانا ناڤەندێن پاراستنا زارۆکان یێن بسەر وەزارەتا کار و کاروبارێن کۆمەڵایەتی.
- ل باشوور و ناڤەڕاستا عێراقێ: پەیوەندیێ بکەن ب ژمارە 911📞.
ئاگەهدار بن
- ئەم تێدگەهین کو پیزانینێن نە دروست ب ساناهی دهێنە بەلاڤکرن و دبنە ئەگەرێ دوودلی یێ. هیڤیە وان پێزانینین کو جهێ باوەریێ نە ژ سەرکردێن کومەلگەهێ وەربگرە هەروەساژ بؤ هەر پێزانینەکا پەیوەندیدار، سەرەدانا مالپەرێ UNHCR بکەن.
- ئەم پابەندین ب بەردەوامبوون د بەلاڤکرنا هەر پێزانینەکا کو جهێ مفای بیت بۆ هەوە.
- هیڤیە بەردەوام سەردانا ماڵپەڕێ هاریکاری یێ UNHCR بکەن یان کەنالێ مە یێ واتسئاپی فۆلۆ بکەن بۆ زانینا نیترین پێزانینان.
هیڤیە د هەڤکاربن بۆ هندێ ئەڤ پیزانینە بگەهنە هەمی کومەلگەها هەوە ژ بۆ هندێ پشتراستبین کو هەمی د ئاگەهدارن لسەر بدوماهیک هاتنا ل سەری دیارکرین و بزانن ل کیرێ دێ داخازا هاریکاریێ کەن.