رێکێن سپۆنسەریێ یێن تایبەت

نەخێر، کومسیونا بلند یا پەنابەران لسەر نەتەوەیێن ئێکگرتی (UNHCR) د شیان دا نینە کەسەکی دەستنیشان بکەت کو سپۆنسەریا تە بکەت. بۆ کەنەدا، تو دشیان دای ب شێوێ ئونلاین تەماشەی رێکخراوێن جوراوجور یێن رێکەفتنا سپۆنسەریێ (SAH) بکەی کو رەنگە ئامادەبن سپۆنسەریا تە بکەن. ب شێوەیەکێ دی، خێزان و هەڤالێن تە یێن ل وەلاتی سیێ د ژین د شیان دانە سپۆنسەریا تە بکەن.

زۆرجار بەرنامەیێن سپۆنسەریا تایبەت پێویست ب خەرجیێ هەیە. ئەڤە دبیت تێچویێ نویکرنا پاسپۆرتا و پشکنینێن پزیشکی و گەشتکرنێ  و چەندێن دی تر بخوڤە بگریت.

کومسیونا بلند یا پەنابەران لسەر نەتەوەیێن ئێکگرتی (UNHCR) د شیان دا نینە پالپشتیا دارایی بکەت بو دابینکرنا ڤان خەرجیان، بەلێ ئەگەر تە شیان نینن بەردەوامیێ بدەییە داخوازیا خو ژبەر کێشەیێن دارایی، کومسیونا بلند یا پەنابەران ئاگەهدار بکە چونکە دبیت هندەک رێکێن دی هەبن بو کێمکرن یان لابرنا ڤان خەرجیان.

نەخێر، کومسیونا بلند یا پەنابەران لسەر نەتەوەیێن ئێکگرتی (UNHCR) دشیان دا نینە ب شێوەکێ راستەوخو هاریکاریا تە بکەت بو بدەستڤە ئینانا بەلگەنامێن تە ژ وەلاتێ تە. پێتڤییە تو پشتراست بی کو تە هەمی بەلگەنامێن پێتڤی لبەر دەست هەنە لبەری تو داخوازیا خو پێشکەش بکەی.

ئەگەر تە شیان نینن بەلگەنامێن پێتڤی بدەست خوڤە بینی و ئەڤە دبیتە کێشە بوتە تو بەردەوامیێ بدەی لسەر داخوازیا تە یا سپۆنسەریا تایبەت، کومسیونا بلند یا پەنابەران ئاگەهدار بکە. چونکە دبیت هندەک رێکێن دی هەبن تو دشیان دای بکار بینی.

نەخێر، کومسیونا بلند یا پەنابەران لسەر نەتەوەیێن ئێکگرتی (UNHCR) د شیان دا نینە بارێ پەنابەری بەرچاڤ وەربگریت ب مەبەستا داخوازیا بەرنامێن سپۆنسەریا تایبەت.

بەڵێ، ئەگەر ژوە هاتە داخوازکرن گەشتێ بکەن بو وەرگرتنا ژڤانەکی ل بالیۆزخانەکێ ل وەلاتەکێ جیران، بەلێ تە شیان نینە ب شێوەیەکێ یاسایی گەشتێ بکەی، هیڤییە کومسیونا بلند یا پەنابەران ئاگەهدار بکە. ئەڤە تشتەکە کو مە شیان هەنە هاریکاریا وە بکەین لسەر.