Nou fokis sou moun ke demandè dazil yo ak refijye yo gen menm dwa ak tout Brezilyen. Daprè atik 6 nan Konstitisyon Federal Brezilyen an, dwa sosyal sa yo garanti tankou: edikasyon, santé, manje, travay, lojman, transpò, lwazi, sekirite, previdans (pansyon) sosyal, proteksyon nan matènite (lè w’ fè timoun) ak nan anfans, ak asistans sosyal.
Asiste videyo ki pale sou tout dwa bazik pou demandè dazil ak refijye yo. Pou ou jwenn videyo a nan lang pòtigè rantre sou lyen sa a, klike la; pou legand an anglè ak espanyòl, klike sou lyen sa a; pou jwenn legand fransè ak arab, rantre sou lyen sa a klike la a.
Kwape-retounen (Non-Refoulement)
Damndè dazil yo ak refiye yo genyen pwoteksyon kont retou fòse nan peyi orijin yo ak dwe pa depòte oubyen ekspilse yo nan yon peyi kote vi yo, ou byen integrite fizik yo riske e vyole epi nan nenpòt sikonstans lan yo. Demand azil tou entèdi kelkeswa pwosesis ekstradisyon e li anpeche depòtasyon, eksepte pou rezon sekirite nasyonal ou byen lòd piblik. Dwa sa yo nan Konvansyon relatif ki nan Estati refijye yo ak nan Lei 9.474/97. Si lajistis pouswiv ou epi w’ap konfronte yon pwosè de ekstradisyon ou byen depòtasyon, ou gen dwa pou jwenn asistans jiridik gratis nan Biwo Defansè Piblik Inyon.
Ou pa dwe peye penalite pou antre iregilye
Kòm moun ki fè demand refijye si li nan analiz, moun sa yo pa gen dwa genyen pouswiv lajistis ou byn penalize yo menm si yo pa gen okenn dokiman nan tèritwa a.
San diskriminasyon
Dwa pèsòn pa dwe vyole pou kesyon koulè, sèks, laj, oryantasyon seksyèl, idantite de jan, sityasyon sosyal, kondisyon ekonomik ou byen relijyon. Rasis nan Brezil se yon krim li ye.
Pou plis enfòmasyon, konsilte sesyon sou Rasis ak chenefobi.
Regroupman Fanmi
Refijye ki deja rekonèt pa gouvènman Brezil la gen dwa fè regroupman fanmi. Sa sinifi ke, si ou gen manm nan fanmi ou ki deja ap viv nan peyi a e ki pa gen estati refijye yo rekonèt, yo ka fè demand regroupman familyal e y’ap resevwa estati refijye san yo pa bezwen fè entrevi. Sa a pèmèt paske nou se menm group fanmi e ki gentan gen estati yo aprouve. Sa a kapab pèmèt yo prolonje kondisyon refijye pou fanmiy yo.
Si manm fanmi ou yo pa nan Brezil, ou ka mande yon viza pou regroupman familyal atravè CONARE. Enstitisyon sa a ap analize demann ou, epi si yo apwouve li, y ap kolabore ak Ministè Zafè Etranjè Brezil (MRE) pou bay viza pou manm fanmi ou yo. Sepandan, Gouvènman brezilyen an pa genyen okenn program ki pou finanse vwayaj manm fanmi refijye yo pou vini Brezil.
Daprè Lwa Brezilyen an, fanmi yo ki gen dwa avèk regroupman familyal se:
- Konjwen, mari oswa madanm, ou byen patnè;
- Ascandan – Manman, papa, grann ak granpapa;
- Desandan – Pitit;
- Ou byen lòt group moun ki nan fanmiy lan ki depann ekonokiman de refijye a.
Pou plis enfòmasyon sou regroupman pou fanmiy ou rantre, sou lyen sa a.
Ou dwe konnen tout depans ki gen rapò avèk vwayaje tankou achte pasaj avyon se sou responsabilite ou. Gouvènman brezilyen an pa genyen okenn depans l’ap fè pou fanmi ou vini Brezil.
Proteksyon kont vyolans seksyèl ou kont fanm
Nan Brezil, gason tankou fanm yo genyen menm dwa. Sepandan, nenpòt vyolans kont fanmi baze sou sèks ou byen oryantasyon seksyèl se yon krim. Tout fanm ki viktim vyolans, yo gen dwa pou jwenn asistans e yo kapab denonse krim sa a nan nimewo 180, ou byen yo ka ale dirèkteman nan komisarya ki gen polis espesyalize pou konbat vyolans kont fanm.
Pou plis infòmasyon ale sou, lyen sa a.
Fleksibilite konsènan dokiman peyi orijinn ou
Selon atik 43 nan Lwa brezilyen an Pou Refijye, kondisyon atipik refijye yo dwe konsidere pa otorite yo e nan enstitisyon brezilyen yo nan moman ki nesesè pou prezante dokiman peyi orijin yo, oubyen emi pa reprezantan diplomatik ak konsilè yo.
Vwayaje nan lòt peyi
Si ou refijye ou demandè dazil, vle vwayaje nan lòt peyi, jwenn posibilite pou kominike oubyen fè demand otorizasyon nan CONARE, nan sesyon sa a viagem ao exterior.
Paspò brezilyen pou refijye ki deja rekonèt
Daprè Lwa brezilyen an, refijye ki deja rekonèt pa gouvènman Brezil kapab fè demand paspò brezilyen pou etranje.
Verifye si w’ap bezwen viza pou ou ka ale nan lòt peyi ou vle a, Menmsi ou ap vwayaje ak yon dokiman brezilyen, kesyon viza depann de nasyonalite ou.
Pou konnen plis, rantre sou lyen sa a.
Vwayje aletranje avèk timoun ki brezilyen
Timoun brezilyen, ki gen mwens ke 18 lane, ki vwayaje nan lòt peyi yo menm sèlman ou byen yo akonpanye yonn nan paran yo, dwe gen dokiman pou vwayaje (kat idantite* ou byen paspò). Yo dwe prezante yon otorizasyon vwayaj ki soti nan Tribinal Timoun ak Jèn (Vara da Infância e Juventude, an akò ak Resolução nº 131/11 do Conselho Nacional de Justiça.
Otorizasyon vwayaj la dwe prezante bay Polis Federal, menm si paran yo oswa responsab yo ap akonpaye timoun nan lè y ap fè chèk-an.
Otorizasyon vwayaj ki soti nan Tribinal Timoun ak Jèn pa nesesè si timoun nan oswa adolesan an ap vwayaje aletranje ak youn nan paran yo. Sepandan, li nesesè pou gen yon otorizasyon ekri nan men lòt paran an nan yon dokiman ki gen siyati rekonèt. Modèl otorizasyon pou vwayaj timoun ke Polis Federal rekòmande a disponib nan lyen “Viagem de Crianças e Adolescentes ao Exterior”. Avan ranpli, fè li Resolução nº 131/11 do Conselho Nacional de Justiça ak genyen konensans siyati yo nan kay notè (cartório) ki nan zòn kote w’ rete a.
* Kat idantite a gratis daprè (Lwa 12.687/12), pou plis enfòmasyon e oryantasyon jwenn Sekretè Sekirite Piblik ki nan zòn kote ou rete a.