د بېرته ستنېدونکو د زياتېدو له امله، د ۲۰ اګست ۲۰۲۵ نېټې څخه، هغه افغانان چې نيلی رنګ پې او آر کارتونه لري (چې د اپرېل ۲۰۲۱ په مياشت کې صادر شوي دي) او غواړي افغانستان ته ستانه شي، هغه کولی شي نېغ سرحد ته لاړ شي. په پاکستان کې د دوی د اوسېدو سيمې او په افغانستان کې د تګ ځای له مخې، دوی کولای شي د تورخم يا چمن/سپين بولدک له لارې سفر وکړي. کله چې دوی د افغانستان له اړخه سرحد ته ورسېږي، بايد خپل پې او آر يا يو اېن ايچ سي آر سلېپ، يا يو اېن ايچ سي آر د پناه غوښتنې سند، يا يو اېن ايچ سي آر د کډوال کارت (ريفيوجي کارډ) د افغانستان )ډي اېف اې( چارواکو او د يو اېن ايچ سي آر /شريک ادارو کارکوونکو ته وړاندې کړي.
مهرباني وکړئ يادونه وکړئ چې د داوطلبانه بېرته ستنېدنې مرکزونه (وي آر سيز) په کې پي (ازاخېل) او بلوچستان (بلېلي) کې لا هم پرانيستي دي، تر څو د بېرته ستنېدنې بهير اسانه کړي، او خلک کولای شي له دې اسانتياوو څخه ګټه پورته کړي.
کله چې افغانان افغانستان ته ورسېږي، نو دا مهمه نه ده چې دوی د یواینایچسیآر د داوطلبانه بېرته ستنېدنې فورمه (وي آر اېف) لري او که نه، هغوی ته به د افغانستان د کډوالو او بېرته ستنېدنې رياست (ډي او آر آر) له خوا د بېرته ستنېدنې سند ورکړل شي، مخکې له دې چې د سرحد په سيمه کې د یواینایچسیآر د شريک ادارې لخوا ورسره مرکه وشي. د مرکې وروسته، د یواینایچسیآر شريکه اداره به هغوی د نغدو مرستو مرکز (اېنکېشمنټ سنټر) ته وروليږي. په اېنکېشمنټ سنټر کې به هغوی د یواینایچسیآر له خوا ثبت شي او د مرستې او خدمتونو لاسرسی به ورکړل شي. مرستې پکې شاملې دي: د نغدو پيسو مرسته، د ساتنې اړوند خدمتونه، لومړنی روغتيايي پاملرنه، د ماینونو د خطر پوهاوی، او معلوماتي لارښوونې. په هغو سيمو کې چې خلک بېرته ستنېږي، هغه کسان چې له ستونزو سره مخ وي، کولی شي د یو اېن اېچ سي آر د ساتنې، استوګنې او عاید موندلو مرستې ترلاسه کړي. هغوی به د نورو ادارو او ملګرو ته هم د نورو مرستو لپاره ور وپېژندل شي.
د افغانستان د بېرته ستنېدنې بهير د چټکتيا لپاره، ټولو افغانانو ته مشوره ورکول کېږي چې د خپلو اسنادو اصلي بڼې يا نقلونه له ځان سره ولري )پې او آر کارت، اې سي سي، او د یواینایچسیآر سلېپ يا د پناه غوښتنې سندونه.( سپارښتنه کېږي چې د دغو اسنادو کاپۍ وساتئ او که امکان ولري، د موبايل په ټيليفون کې یې سکين او خوندي کړئ.
هغه افغانان چې لا هم غواړي د داوطلبانه بېرته ستنېدنې فورمه (وي آر اېف) ترلاسه کړي، کولای شي له داوطلبانه بېرته ستنېدنې مرکزونو (وي آر سيز) څخه ګټه پورته کړي. مهرباني وکړئ يادونه وکړئ چې د ۳۱ اګست ۲۰۲۵ وروسته د ملاقات لپاره مخکې وخت اخيستل ضروري نه دي.
مهرباني وکړئ يادونه وکړئ چې د یواینایچسیآر ټول خدمتونه په بشپړ ډول وړيا دي.هیڅ چاته پيسې، ډالۍ يا بله ګټه مه ورکوئ ترڅو د بېرته ستنېدنې بهير درته اسانه کړي.
لاندې پروسه لا هم د هغو راجستر شويو افغان کډوالو لپاره پلي کېږي چې غواړي د داوطلبانه بېرته ستنېدنې مرکز (وي آر سي) له لارې بېرته ولاړ شي، که دا په بالېلي، کويټه کې وي يا په ازاخېل، نوشهره کې.
په خپله خوښه بېرته ستنېدنه
مهم اعلان د افغان کډوالو (پياوآر کارت لرونکو) د بېرته ستنېدنې لپاره د وي آر سي بالېلي – کو يټه، بلوچستان له لارې
د ټولو داوطلبانه بېرته ستنېدنې پوښتنو او معلوماتو لپاره، مهرباني وکړئ د یواینایچسیآر فرعي دفتر، کو يټه سره اړيکه ونيسئ.
هيلپ لاين: 0800-86677 دوشنبه تر جمعې: ۸:۰۰ سهار – ۸:۰۰ ماښام (د جمعې د لمانځه وقفه: ۱۲:۳۰ – ۲:۰۰)
مهم اعلان د افغان کډوالو (پياوآر کارت لرونکو) د بېرته ستنېدنې لپاره د وي آر سي ازاخېل – نوشهره، خېبر پښتونخوا له لارې.
د ټولو داوطلبانه بېرته ستنېدنې اړونده پوښتنو لپاره، مهرباني وکړئ د یواینایچسیآر فرعي دفتر، پېښور سره اړيکه ونيسئ.
هيلپ لاين +92 300 8585600:
. 1 د ستنېدلو مشوره
یو اېن اېچ سي آر د هر انسان دا حق مني چې خپل اصلي هېواد ته بېرته ولاړ شي. هغه مرستې چې یو اېن اېچ سي آر د افغان کډوالو د بېرته ستنېدو لپاره برابروي، هدف یې دا دی چې هغو خلکو ته ملاتړ ورکړي چې د خپل اصلي ځای يا د خپلې خوښې بل ځای په اړه پوره معلومات لري او په خپله خوښه د بېرته ستنېدو پرېکړه کوي.
.2 رضاکارانه ستنېدنه
- ستاسو پرېکړه چې افغانستان ته بېرته ستنېږئ او که په اوسني ځای کې پاتې کېږئ، دا په بشپړه توګه ستاسو خپله خوښه او د معلوماتو پر بنسټ ده. د بېرته ستنېدو له پرېکړې مخکې، تاسو او ستاسو د کورنۍ غړي باید ډاډ ترلاسه کړئ چې د افغانستان په ټاکل شوي ځای کې د ژوند شرایط ښه پېژنئ. دا شرایط د امنیت او خوندیتوب، روغتیايي او تعلیمي خدمتونو، اقتصادي فرصتونو او نورو مهمو شیانو پورې اړه لري چې ستاسو د کورنۍ لپاره ارزښت لري، مخکې له دې چې وروستۍ پرېکړه وکړئ.
- تاسو او ستاسو د کورنۍ غړي باید د هېڅ فشار یا جبر له امله د بېرته ستنېدو احساس ونه کړئ، او نه هم دا ځکه چې تاسو د اوسني ځای پرېښودو ته اړ ایستل شوي یاست.
- که تاسو په پیل کې د بېرته ستنېدو اراده کړې وي، خو وروسته مو فکر وکړ چې بېرته ستنېدل ستاسو او ستاسو د کورنۍ په ګټه نه دي، نو کولی شئ خپله پرېکړه بدله کړئ. خو مهرباني وکړئ ډاډ ترلاسه کړئ چې خپله وروستۍ پرېکړه د کډوالۍ د ثبت کارت (پي او آر) د لغوه کېدو او د رضاکارانه بېرته ستنېدنې فورم (وي آر اېف) له صادرېدو مخکې د یو اېن اېچ سي آر له دفتر سره شریکه کړئ.
.3 د یو اېن اېچ سي آر د پروګرام لاندې د رضاکارانه بېرته ستنېدنې لپاره موجوده مرسته
.3.1 څوک د یو اېن اېچ سي آر د Volrep پروګرام له مخې د بېرته ستنېدو مرستې ترلاسه کولو لپاره وړ دي؟
- هغه ټول افغان کډوال چې په پاکستان کې اوسېږي او د حکومت له خوا ورکړل شوی د پي او آر کارت لري، د یو اېن اېچ سي آر د بېرته ستنېدنې مرستې ترلاسه کولای شي. هغه کډوال هم دا مرسته اخيستلی شي چې د یو اېن اېچ سي آر سره ثبت شوي وي. خو هغه افغانان چې د پي او آر کارت نه لري، دا مرسته نه شي ترلاسه کولای. همدارنګه، هغه کسان چې مخکې یې د بېرته ستنېدنې نغدي مرسته اخیستې وي، بیا دا مرسته نه شي ترلاسه کوي.
- هغه د ثبت شويو کورنيو غير ثبت شوي غړي (يو اېم آر اېف) چې د ډرايو له لارې ثبت شوي وي، هم د رضاکارانه بېرته ستنېدنې مرستې لپاره مستحق دي. د نغدو مرستو د ترلاسه کولو لپاره، د ثبت شويو کورنيو غير ثبت شوي غړي باید لږ تر لږه ۵ کاري ورځې مخکې له دې چې د بېرته ستنېدنې مرکز (وي آر سي) ته ورشي، د ثبت ثبوت کارت د بدلون له ۱۱ مرکزونو (پي سي اېم) څخه په يوه کې د تصديق پروسه بشپړه کړي.
- که د يو اېم آر اېف تصديق د وي آر سي ته له تګ مخکې نه وي بشپړ شوی، نو دغه غير ثبتشوي غړي کولای شي په وي آر سي کې د موجود پي سي اېم مرکز له لارې تصديق شي، خو ځنډ متوقع دی، چې ممکن د پروسې وخت اوږد کړي او کورنۍ ونهشي کولای هماغه ورځ بېرته ولاړه شي.
- سربېره پر دې، د يو اېم آر اېف غړی باید د خپلې کورنۍ له هغه غړي سره يوځای لاړ شي چې د پي او آر کارت لري. که يو د يو اېم آر اېف غړی يوازې وي او د کورنۍ د پي او آر لرونکي غړي پرته وي آر سي ته لاړ شي، نو هغه د نغدو مرستو مستحق نهدی.
- که د تصديق شوي يو اېم آر اېف لپاره د کورنۍ د معلوماتو سند جوړ شوی وي، نو دغه سند باید د بېرته تګ په ورځ وي آر سي ته راوړل شي.
- د مرستې د ترلاسه کولو لپاره، تاسو باید لومړی د یو اېن اېچ سي آر د رضاکارانه بېرته ستنېدنې مرکز )وي آر سي ( ته ورشئ، څو پروسه بشپړه او د رضاکارانه بېرته ستنېدنې فورم وي آر اېف درکړل شي.
3.2. څوک د یو اېن اېچ سي آر د VolRep پروګرام له مخې د بېرته ستنېدو مرستې ترلاسه کولو لپاره مستحق دي؟
- له ۲۰۲۵ د اکتوبر له ۲۷مې نېټې وروسته، هغه کسان چې افغانستان ته ستنیږي، به د رسېدو پر وخت یو ځل ورکېدونکې نغدي مرسته ترلاسه کړي. د مرستې اندازه به د کورنۍ د غړو شمېر پورې تړلې وي. دا مرسته به د نغدو مرستو د وېش له مرکزونو (اېنکېشمنټ سنټرونو) څخه ترلاسه کېږي، چې په ننګرهار او کندهار ولایتونو کې موقعیت لري. دغه مرسته به هغه وخت موجوده وي چې تاسو په کوربه هېواد کې خپله د رضاکارانه بېرته ستنېدنې فورمه ) وي آر اېف ( ترلاسه کړئ.
| د کورنۍ وېش | مقدار (افغانۍ) | مقدار (امریکایي ډالر) |
| د 1 غړي کورنۍ | 4,250 | 63 |
| د 2 غړو کورنۍ | 5,800 | 86 |
| د 3 غړو کورنۍ | 7,350 | 109 |
| د 4 غړو کورنۍ | 8,900 | 132 |
| د 5 يا زياتو غړو کورنۍ | 10,550 | 156 |
- له ۲۰۲۵ د اکتوبر له ۵مې نېټې وروسته، د ترانسپورټ مرستې ورکول بند شوي دي.
- هغه کډوال چې د یو اېن اېچ سي آر د رضاکارانه بېرته ستنېدو مرکز ) وي آر سي( څخه په ازاخېل، نوشهره، خېبر پښتونخوا کې وي آر اېف ترلاسه کړي وي او د تورخم د تېرېدلو له لارې بېرته ستنېږي، هغوی ته به نغدي مرسته او نور خدمتونه د یو اېن اېچ سي آر د بېرته ستنېدو د پروسس مرکز کې ورکړل شي، کوم چې د تورخم، ننګرهار ولايت د عمري د منلو مرکز کې موقعيت لري.
- هغه کډوال چې د یو اېن اېچ سي آر د رضاکارانه بېرته ستنېدو مرکز ) وي آر سي( څخه په بليلي، کوټه، بلوچستان کې وي آر اېف ترلاسه کړي وي او د سپين بولدک له لارې بېرته ستنېږي، هغوی ته به نغدي مرسته او نور خدمتونه د یو اېن اېچ سي آر د بېرته ستنېدو د پروسس مرکز کې ورکړل شي، کوم چې د تخت پول مرکز ، سپين بولدک، کندهار ولايت کې موقعيت لري.
- دا مرسته به د هغو مرکزونو له لارې د لاسرسي وړ وي، له هغې ورځې وروسته چې تاسو په پاکستان کې د وي آر سي له لارې خپله وي آر اېف ترلاسه کړئ.
- هغه کسان چې په تېرو کلونو کې د بېرته ستنېدو لپاره نغدي مرسته ترلاسه کړې وي، هغوی به بيا د مرستې مستحق نه وي او نه شي کولای چې د اضافي بېرته ستنېدو نغدي مرسته ترلاسه کړي.
- سربېره پر دې، بېرته ستنېدونکي کډوال به په اېنکېشمنټ سنټرونو کې روغتيايي خدمتونه او د شپې د پاتې کېدو ځای ترلاسه کړي. که اړتیا وي، نورې ادارې هم ورته نور خدمات ورکولی شي.
| فعالیت | د عمري مرکز | د تختاپول مرکز |
| د ماینونو پوهاوی | هو | هو |
| ښوونځي ته بیرته تګ کمپاین | نه | هو |
| د ماشومانو دوستانه ځای | هو | هو |
| بنسټیز روغتیایي خدمت | هو | هو |
| د کم خوړو معاینه | هو | هو |
| واکسین | هو | هو |
| شپه پاتې کیدل | هو | هو |
| قانوني مشوره | نه | هو |
| ګرمې خواړه | هو | هو |
| سیم کارت وېش | هو | هو |
| د وقار کټ او د صفايۍ توکي | هو | هو |
| رواني ملاتړ | هو | هو |
- برسېره پر دې، د رضاکارانه بېرته ستنېدو مرکزونه (وي آر سي) او د مرستې مرکزونه) اېن کېشمنټ سنټرونه (د کووېډ-19 د خپرېدو د مخنيوي لپاره اړين وسايل لري. ټولو بېرته ستنېدونکو ته ويل کېږي چې د کووېډ-19 د مخنيوي لارښوونې عملي کړي، لکه د لاسونه پاک ساتل، فاصله ساتل، او د کووېډ-19 واکسين اخيستل.
.4 کوم اسناد بايد افغان کډوال له ځان سره وي آر سي ته يوسي؟
د بېرته ستنېدو څخه مخکې، افغان کډوال بايد ډاډ ترلاسه کړي چې ټول هغه اسناد چې دوی ورته په افغانستان کې اړتيا لري، له ځان سره ولري او تازه شوي وي. پدې کې د ماشومانو د ښوونځي د داخلېدو اسناد (لکه د زده کړو تصديق او رېکارډونه) شامل دي. دغه اسناد بايد د افغان سفارت يا افغان قونسلګريو (په ايران يا پاکستان کې) له لوري لاسليک او تصديق شوي وي.
د اسانتياوو لرونکي د رضاکارانه بېرته ستنېدو پروسې لپاره د مستحق کسانو معيارونه:
لاندې ذکر شوي اړمن کسان د اسانتياوو لرونکي د رضاکارانه بېرته ستنېدو پروسې لپاره مستحق دي:
- هغه افغان تبعهګان چې د اعتبار وړ د راجسټري ثبوت )پي او آر ( کارتونه لري.
- هغه نهراجستر شوي د راجستر شويو کورنيو غړي )يو اېم آر اېف (چې د اعتبار تائيد يې شوی وي.
- هغه د یو اېن اېچ سي آر د صلاحيت لاندې راجستر شوي پناهاخيستونکي چې د انفرادي يا مشتقې بڼې پېژندنه لري او د اعتبار وړ د یو اېن اېچ سي آر د پناهاخيستنې کارت لري.
.5 د افغانستان اوسنی حالت:
- د افغانستان اوسنی ټولنیز او اقتصادي حالت لا هم بدلېدونکی دی. د خوندیتوب او امنیت وضعیت هم له یوه ځایه تر بل ځایه فرق لري.
- د ۲۰۲۲ کال د بشري مرستندویو ادارو راپورونه ښيي چې په افغانستان کې وچکالي ډېره شوې، خلک له سختې لوږې سره مخ دي، او د خوړو نشتوالی ورځ تر بلې زیاتېږي. همدارنګه، رسمي او غیررسمي اقتصادونه هم کمزوري شوي او په ټیټېدو دي.
.6 د یو اېن اېچ سي آر ملاتړ په اړه معلومات په افغانستان کې
- په افغانستان کې ۸۰ ولسوالۍ د بېرته ستنېدو او بېرته ځای پر ځای کېدو د لومړيتوب سيمې (پـي اي ار ار) ټاکل شوي دي. په دغو سيمو کې د خدمتونو او مرستو د زياتېدو لپاره مهم کارونه شوي دي. د پـي اي ار ار سيمو د موجودو خدمتونو معلومات به تاسو ته د رضا کارانه بېرته ستنېدنې مرکز (وي ار سي) کې درکړل شي.
.7څنګه کولی شم د خاورو پر ماینو / بې چاودېدونکو توکو په اړه معلومات تر لاسه کړم؟
- د افغانستان په اېن کېشمنټ مرکزونو کې به معلوماتي پاڼې موجودې وي، مهرباني وکړئ هغه وګورئ۔
.8څنګه کولی شم د استوګنې، ځمکې او ملکیت په اړه معلومات تر لاسه کړم؟
- تاسو به اړوند معلومات د افغانستان په اېن کېشمنټ سنټرونو کې ترلاسه کړئ.
.9 پوښتنې، شکایتونه او نظریات
- که تاسو د یو اېن اېچ سي آر د فعالیتونو یا د افغانستان ته د ستنېدو د اسانتیا په اړه کومې پوښتنې، نظریات یا شکایتونه لرئ، نو مهرباني وکړئ د لاندې لارو چارو له لارې له یو اېن اېچ سي آر سره اړیکه ونیسئ:
د یو اېن اېچ سي آر د پاکستان د اړیکو معلومات
- اسلاماباد: د عمومي مرستې شمېره: 0800-86677 )د دوشنبې څخه تر جمعې: 8:00 سهار – 8:00 ماښام، د جمعې د لمونځ وقفه: 12:30 – 2:00، د شنبې او یکشنبې په ورځو کې: 10:00 سهار – 5:00 ماښام(
- پيښور: د عمومي مرستې شمېره: +92 3000 858 5600) – پرانېستې: دوشنبه – پنجشنبه: 8:00 سهار – 4:30 ماښام، جمعه: 8:00 سهار – 1:00 غرمه(
- کوټه: د عمومي مرستې شمېره: 0800-86677 ) د دوشنبې څخه تر جمعې: 8:00 سهار – 8:00 ماښام، د جمعې د لمونځ وقفه: 12:30 – 2:00، د شنبې او یکشنبې په ورځو کې: 10:00 سهار – 5:00 ماښام(
- بریښنالیکونه:
- اسلاماباد [email protected]
- پيښور [email protected]
- کوټه [email protected]
- د درغلۍ راپور ورکولو لپاره:
- اسلاماباد [email protected]
- پيښور [email protected]
- کوټه [email protected]
د یو اېن اېچ سي آر د افغانستان د اړیکو معلومات
- عمري ریسپشن سنټر، تورخم، ننګرهار ولایت
پته: له تورخم صفر نقطې تر عمري ریسپشن سنټر پورې 5 کیلومتره، او له عمري ریسپشن سنټر تر جلالاباد پورې 67 کیلومتره.
وخت: هره ورځ (اتوار تر شنبې) د 8:00 سهار – 5:00 ماښام او 5:00 ماښام – 11:00 ماښام.
تلیفون: +93 (0) 781830404 یا +93 (0) 791990236 - تختهپول ریسپشن سنټر، سپین بولدک، کندهار ولایت
پته: د کندهار – سپین بولدک سړک، له سپین بولدک صفر نقطې شاوخوا 70 کیلومتره/ له تختاپول ولسوالۍ 6 کیلومتره لرې، انزرګی سیمه.
وخت: هره ورځ (اتوار تر شنبې) د 6:30 سهار – 9:00 ماښام.
تلیفون: +93 708081802 - د یو اېن اېچ سي آر مرکزي دفتر، کابل
پته :آيکن کمپاونډ، سوپريم سړک ، نهمه ناحیه، جلالاباد سړک، کابل، افغانستان.
د کار وخت: یکشنبه – پنجشنبه: 7:45 سهار – 4:15 ماښام.
د مرستې شمېرې: 0791990225، 0790691746، 0704996168 )د کار په ورځو کې فعالې(
د خوندیتوب ایمیل [email protected]
شکایت یا نظریاتو لپاره د لیکلي پیغام بکس د دفتر په دروازه کې موجود دی. - د اوااز له لارې:
تلیفون: 410 (وړیا، یوازې په افغانستان کې فعال) – اوه ورځې په اونۍ کې.
وېبپاڼه https://awaazaf.org/
اوااز یوه پټه مرستې کرښه ده چې د افغانستان هر اوسېدونکی د موبایل له لارې وړیا اړیکه نیولی شي ترڅو د بشري مرستو په اړه معلومات تر لاسه کړي یا خپل نظر شریک کړي. د ښځینه او نارینه استازي د پښتو، دري، اردو، انګلیسي او نورو ژبو خبرې کوي.
یادونه: ټول معلومات چې تاسو وړاندې کوئ (نوم، شمېره، پته، پوښتنې او نظریات) به په بشپړ ډول محرم وساتل شي.
.10پوښتنې، شکایتونه او نظریات
تاسو کولای شئ د درغلۍ او ناسم چلند راپور مستقیمآ د یو اېن اېچ سي آر د انسپکټر جنرل دفتر (آی جي او) ته ورکړئ، کوم چې د سویسرا د جنیوا په ښار کې د یو اېن اېچ سي آر د مرکزي دفتر برخه ده او د یو اېن اېچ سي آر او د هغې د شریکانو د ناسم چلند د پلټنې مسؤلیت لري [email protected]
ټوله مرسته چې د یو اېن اېچ سي آر لخوا یا د هغې د شریکانو له لارې برابریږي، د هر چا لپاره وړیا د ي.
یو اېن اېچ سي آر د جنسي ناوړه استفادې او ځورونې پر وړاندې د «صفر زغم» تګلاره لري.
که له تاسو څخه د مرستې، کار، معلوماتو یا بل هر څه په بدل کې د پیسو، احسان یا بلې ګټې غوښتنه وشي، یا که تاسو د یو اېن اېچ سي آر یا د هغې د شریکانو د کارکوونکو د درغلۍ یا ناسم چلند په اړه معلومات لرئ، مهرباني وکړئ دا پېښې د پورتنیو تماس لارو له لارې راپور کړئ.
د ستنېدونکو د زیاتوالي په نظر کې نیولو سره، د اګست ۲۰مه، ۲۰۲۵ کالنیټې څخه وروسته، هغه افغانان چې د آسماني رنګ پو آر (پی او آر) کارتونه لري (چې د اپرېل ۲۰۲۱ کال کې صادر شوي)، کولای شي د افغانستان پر لور مستقیم سرحد ته ولاړ شي.
دوی د پاکستان د اوسېدو سیمې او د افغانستان د تګ ځای له مخې کولای شي د تورخم یا چمن/سپین بولدک له لارې سفر وکړي. کله چې دوی د افغانستان لوري ته د سرحد له تېرېدو وروسته ورسیږي، باید خپل پی او آر یا د یو اېن اېچ سي آر سلپ، یا د یو اېن اېچ سي آر پناه سند، یا د یو اېن اېچ سي آر د کډوال کارت د افغانستان د فکتو ادارو )ډي ایف اې( او د یو اېن اېچ سي آر یا د هغې د شریکو ادارو کارکوونکو ته وړاندې کړي.
مهرباني وکړئ په پام کې ونیسئ چې د رضاکارانه ستنېدو مرکزونه (وي آر سيز) په خیبر پښتونخوا (ازاخېل) او بلوچستان (بالېلي) کې د بېرته ستنېدو د بهیر د اسانتیا لپاره پرانستي دي، او خلک کولای شي له دغو مرکزونو څخه استفاده وکړي. کله چې افغانان افغانستان ته ورسیږي، او دا چې هغوی د یو اېن اېچ سي آر د رضاکارانه ستنېدو فورمه (وي آر اېف) ولري یا نه، هغوی ته به د افغان د کډوالو او ستنېدونکو چارو ریاست (ډي او آر آر) له خوا د ستنېدو تصدیقپاڼه ورکړل شي، مخکې له دې چې د یو اېن اېچ سي آر د شریکې ادارې لخوا په پوله مرکه ورسره وشي. د مرکې وروسته، د یو اېن اېچ سي آر شریکه اداره به هغوی د نغدو مرستو مرکز (اېنکیشمنټ سنټر) ته راجع کړي. په دغه مرکز کې به هغوی د یو اېن اېچ سي آر لخوا ثبت شي او د مرستو او خدماتو ته به لاسرسی ترلاسه کړي. مرستو کې شامل دي: د نغدو پیسو مرسته، د ساتنې اړوند خدمات، ابتدایي روغتیایي پاملرنه، د ماینونو د خوندیتوب پوهاوی او اړونده معلومات. په ستنېدونکو سیمو کې، زیانمن ستنېدونکي کولای شي د یو اېن اېچ سي آر د ساتنې، استوګنې او د ژوند د وسایلو مرستو ته لاسرسی ومومي، او همدارنګه نورو مرستو او خدماتو ته چې د نورو ملګرو ملتونو ادارو او شریکانو لخوا وړاندې کېږي.
د افغانستان د بېرته ستنېدو د بهیر د چټکتیا لپاره، ټولو افغانانو ته مشوره ورکول کېږي چې د خپلو اسنادو اصلي کاپي یا نقلونه له ځان سره ولري (لکه د پي او آر کارت، اې سي سي، د یو اېن اېچ سي آر سلیپ او د پناه غوښتنې تصدیق). مشوره دا ده چې د دغو اسنادو نقلونه له ځان سره وساتئ او که ممکنه وي، د هغو سکین شوې کاپي په خپلو تلیفونونو کې ذخیره کړئ. هغه افغانان چې لا هم غواړي د رضاکارانه ستنېدو فورمه (وي آر اېف) ترلاسه کړي، کولای شي د رضاکارانه ستنېدو مرکزونو (وي آر سيز) ته ورشي، او اړتیا نشته چې د ازاخېل یا بالېلي په وي آر سي کې د رضاکارانه ستنېدو لپاره وخت ونیسي.
مهرباني وکړئ په پام کې ونیسئ چې ټول خدمات چې د یو اېن اېچ سي آر لهخوا وړاندې کېږي، په بشپړه توګه وړیا دي. هېڅکله چا ته د خپلې بېرته ستنېدنې د اسانتیا لپاره پیسې یا کومه بله ګټه مه ورکوئ.