پەروەردە و فێرکرن

د بیت هندەک خزمەتگوزاری ب شێوەکێ بەروەخت د بەردەست نەبن ژبەر رێنمایێن ساخلەمیێ ژ ئەگەرێ کورونا ڤایروس (کوڤید-١٩)

خواندنا قوناغێن بنەرەتی و ناڤنجی

گوهورینێن هاتینە رویدان ژ بەر ڤایروسا کورونا (كوفيد-19)

زاروک ل هەرێما کوردستانا عیراقێ دشێن نوکە برێکا ڤی مالپەرێ فێربونا ئەلکترونی یێ نوی ئەڤێ هاتیە ئامادەکرن ژ لایێ وەزارەتا پەروەردێ و فێرکرنێ ڤە: https://www.ewane.krd/.

  • د ڤی مالپەریدا وانە ژ قوناغا ئێکێ تا دووازدێ د بەردەستن ب زراڤێ سورانی و بەهدینی و زمانێ عەرەبی بو زاروکێت ل ژیێ قوتابخانێ دا.
  • ئەڤ مالپەرە ڤیدیو یا و تێکستا بکار د ئێنت بو شلوڤەکرنا پێزانینێن نوی بو هەمی بابەتا.
  • زاروک دشێن سەرەدانا ڤی مەلپەری بکەن ئون لاین و بکارئینانا موبایل و تابلێتا یان کومپیوتەرێ.
  • کومپانیێت ئەڤێ خزمەتێ دابین دکەن:  Newroz وAsiacell وZain وKurdtel وTishnet وAlsard وNurtel وFastlink وTarinNet وIQ  کو تو دشێی سەرەدانا مالپەری بکەی بێ بەرامبەر.
  • وەزارەتا پەروەردێ و فێرکرنێ کاردکەت ژ بو پێشئێخستنا مالپەرەکی بو فێرکرنا قوتابییان بێی بکارئینانا ئەنترنێتێ.

زاروکێن پەنابەر و پەناخوازا یێن دەستیریا ئاکنجیبونێ (ئیقامە) هەین دشێن سەرەدانا وەزارەتا پەروەردێ بکەن ژ بو تومارکرنێ ل قوتابخانێت حکومی ل قوناغێن بنەرەتی و ناڤنجی بێ بەرامبەر.

  • قوتابێن پولا ئێکێ هەتا پولا سیێ: وەزارەتا پەروەردێ و فێرکرنێ دێ ئاستێ خواندنا زاروکی هەلسەنگینت ژ بو هەلبژارتنا پولا درست بو قوتابی.
  • قوتابیێن پولا چارێ تا پولا دووازدێ: پێدڤیە قوتابی بەلگەیەکێ ژ وەلاتێ خو بینت کو تێدا هاتبیتە دیارکرن ئاستێ قوتابی بو وەزارەتا پەروەردێ و فێرکرنێ ، دا قوتابی بهێتە دانان ل پولا درست.
  • بو قوتابیێن ل کەمپا بەردەرەش: ئاڤاهیێ قوتابخانێ دبن بیناسازیێ دایە، خواندنا بابەتێن بوری و پروگرامێن دی یێن نە فەرمی د بەردەستن ب رێکا هندەک رێخراوێن هەڤکار دگەل كومسيونا بلندا نه‌ته‌وه‌يێن ئێکگرتی بۆ كاروبارێن په‌نابه‌ران UNHCR

 زێدەباری ڤێ چەندێ ، چەندین پروگرامێن فێرکرنێ یێن نە فەرمی بو زاروکان و سنێلا کو پێک دئێن ژ :

  • خواندنا بەبەتێن بوری: هەڤپێچ دگەل پروگرامێن خواندنا فەرمی بو زاروکێن ژ دەرڤەی کەمپا.
  • خولێت فێرکرنا تەکنیکی و پیشەیی: کو سنێلێن ژ دەرڤەی قوتابخانا د کەتە ئارمانج بو ڤان جورە خولا.
  • پێشڤەبرنا چاڤدیریا زاروکێن بچویک: بو وان زاروکێن هێش دەست ب خاندێ ل قوتابخانێ نەکری.

خواندنا بلند

پەنابەرو پەناخوازێن عیراقێ د شێن بەردەوامیێ ب خواندنا خو یا بلند بدەن وەک قوتابیێن بیانی.

هەرێما کوردستانا عیراقێ: ل دیف رێنمایێن حکومی ، ئەو کەسێن دخوازن بهێنە تومارکرن ل ئێک ژ زانکویێن هەرێما کوردستانا عیراقێ پێدڤیە باوەرنامێن خو ئەڤێن وەرگرتین ژ قوتابخانێت وەلاتێ خو یێ رەسەن بهێنە (یەکسانکرن) ، ژبلی وان پەنابەر یان پەناخوازێن خواندنا ئامادەیی ل هەرێما کوردستانا عیراقێ ب دوماهی ئیناین . مەرجێن بەراوردکرنا باوەرنامێ (یەکسانکرنێ) :

  • ب دەستڤە ئینانا باوەرنامێت فەرمی یێن قوناغێن خاندنێ  9 و10 و11 و12 د موورکری بن ژ لایێ وەزارەتا پەروەردە و فێرکرنێ و وەزارەتا ژدەرڤە ل وەلاتێ خو و بالیوزخانا عیراقێ ل وەلاتێ وان یێ رەسەن.
  • هەمی بەلگەنامێن کو هاتینە موورکرن بهێنە پێشکێشکرن بو وەزارەتا پەروەردە و فێرکرنێ ، بەشێ ئەزمونا، ژ بو دیڤچونێ .

زێدەباری ڤێ چەندێ ،كومسيونا بلندا نه‌ته‌وه‌يێن ئێکگرتی بۆ كاروبارێن په‌نابه‌ران UNHCR پشتەڤانیا ژمارەیەکا  کێم یا قوتابیێن دافی دکەت، ب پشتگیریا حکومەتا ئەلمانی ، بو پتر پێزانینا لدور پروگرامێ دافی ڤێرێ کلیک بکە .

پارێزگەهێن ناڤەراست و باشورێ عیراقێ: تومارکرن ل خواندنا بلند پێدڤی ب یەکسانکرنا باوەرنامێ هەیە ئەگەر خواندنا ئامادەیی ژ دەرڤەی عیراقی بدوماهی ئینابیت. ئەو پەنابەرێن خواندنا ئامادەیی ل عیراقێ بدوماهی ئیناین دشێن بەردەوامیێ بخواندنا خو بدەن ل زانکویەکا حکومی.

بو پتر پێزانینا یان داخوازا هاریکاریێ:  پسیارا راوێژکاریێ بکە ژ كومسيونا بلندا نه‌ته‌وه‌يێن ئێکگرتی بۆ كاروبارێن په‌نابه‌ران UNHCR  یان هەڤکارێن وێ یێن نە حکومی لسەر خزمەتگوزاریێن ل بەر دەست یان پەیوەندیێ ب هێلا گەرم یا بێ بەرامبەر 80069999 بکە