ل پارێزگەهێن ناڤەراست و باشورێ عیراق:
پەنابەر و پەناخواز دشێن داخوازا دەستیریا کاری بکەن ژ وەزارەتا ناڤوخو و کارکرنێ یا عیراقێ و بشێوەیەکێ یاسایی کاربکەن ئەگەر ئەڤ مەرجێن ل خارێ لسەر بگونجن:
- ژیێ وی ژ 15 سالا کێمتر نەبیت.
- پەنابەر یان پەناخواز یێ نەچارە دەستیریا ئاکنجیبونێ (ئیقامە) هەبیت دگەل پشکنینا خوینێ و پەسەندا ئێمناهیێ (ئاسایش) .
ل دیڤ مادا 95 یا یاسایا کاری ل عیراقی نابیت سنێلە کاربکەن (ئەوێن ژیێ وان د ناڤبەرا 15 بو 18 سالیێ دا) ل دەمژمێرێن شەڤێ و ل جهێن کارێن لبن ئەردی و کارێن لسەر ئاڤێ و ل جهێن بلند یێن ترسناک و ل جهێن ڤەقەتیای . هەروەسا پێدڤیە شیانا لەشی یا سنێلەی یا باش بیت و بهێتە پەسەند کرن ژ لایێ پزیشکێ تایبەتمەند ڤە. ئەگەر تە دەستیریەکا کاری یا کارپێکری هەبیت دێ تە هەمان ماف هەبن ییت هاوەلاتیێن عیراقی ، دەرمالێن (مووچێ) کێم ژی بخوڤە د گرن .
کارکرن بشێوەیەکێ نە فەرمی ب نەبونا دەستیریا کاری ب تاوان دهێتە دیتن د یاسایا کارکرنێ ل عیراقێ . کارکرن ژ دەرڤەی سنورێن یاسایێ دا یان ب رێکەفتنەکا نە فەرمی د بیتە ئەگەرێ ژ دەستدانا مافێن تە و وەرگرتنا دەرمالێن کێم و دیسا دێ هێیە دەستەسەرکرن یان دەرئێخستن ژ عیراقێ .
بو پەنابەرێن فەلستینی:
- ئەگەر خێزانا تە گەهشتبیتە عیراقێ ل سالا 1948: دێ تە ماف هەبیت ل کەرتێ تایبەت و حکومی کاربکەی .
- ئەگەر خێزانا تە گەهشتبیتە عیراقێ ل سالا 1967 یان سالێت دیفدا: دێ تە ماف هەبیت بەس ل کەرتێ تایبەت کاربکەی
هەرێما کوردستانا عیراقێ:
- دەربازبونا بێ ڤیزە: پەنابەر و پەناخواز د دەستیرداینە ژ بو کارکرنێ د ناڤ هەرێمێ دا ب مەرجەکی کو پێدڤیە دەستیریا ئاکنجیبونێ (ئیقامە) هەبیت ژ لایێ رێڤەبەریا ئاکنجیبونێ ل هەرێما کوردستانێ ( دگەل پشکنینا خوینێ و پەسەندا ئێمناهیێ (ئاسایش)( و ئەگەر ژیێ تە ژ 15 سالا یان زێدەتر بیت . تو پێدڤی ب دەستیریەکا کارکرنێ یا تایبەت نینی.
- دەربازبونا ب ڤیزە : پێدڤیە خودانێ کاری دەستیریا کارکرنێ ژ وەزارەتا کاری و کاروبارێن جڤاکی وەربگریت. پێدڤیە دەستیریا ئاکنجیبونێ (ئیقامە) یا کارپێکری ژ هەرێما کوردستانا عیراقێ هەبیت بەری دەرئێخستنا دەستیریا کاری . هەروەسا خودانێ کاری تو تومارکر کربی وەک کارکەر ل رێڤەبەریا دلنیا جڤاکی دا (دائرة الضمان الاجتماعی).