رێکێن دەرفەتێن کاری، هەروەسا دهێتە ناڤکرن ب دەرفەتێن ڤەگوهاستنا کرێکاران، چەند رێکەکێن بسلامەت و رێکوپێکن کو رێکێ ددەنە پەنابەرێن ژێهاتی بچنە ناڤ یان بمینن ل وەلاتەکێ دی ترب مەبەستا کاری، کو مافێ نیشتەجێبونا بەردەوام یان یا کاتی ددەنێ. ژ ئەگەرێ ڤان رێکان، پەنابەر د شیان دانە ب سلامەتی بگەهنە وەلاتێ سیێ کو د پشتبەستن ب هەبونا دەلیڤەکا کاری یان کێمییا دەستێن کاری د بوارەکێ تایبەت دا ل وی وەلاتی، و د هەمان دەم دا پێداویستیێن پاراستنا وان لبەر چاڤ دهێنە وەرگرتن و مافێن وان د پاراستینە.
لەوانەیە بەرنامێن ڤەگوهاستنا کرێکاران بەشەکن ژ سیستەمێ کوچکرنێ کو ژ زووڤە هاتییە بکار ئینان بو ئاسانکرنا وەرگرتنا پەنابەران کو کومەلەک ژ شارەزاییێن پێویست هەیە د ئاستێن جوراوجور. هەروەسا لەوانەیە رێکێ بدەنە پەنابەران ب شێوەکێ کاتی یان بەردەوام بو هاتنا ژوور لسەر بنەمایێ شارەزایی بو پشتگیرکرنا پەنابەران. زۆر گرنگە بەلگەنامێن گەشتکرنێ ب شێوەیەکێ دروست د رێکخستی بن ژ بو چوونا ژور و مانا یاسایی ل وی وەلاتی مسوگەر ببیت، ژبو وێ چەندێ ئەڤ بەرنامەیە د بەردەوام بن. پارێزبەندیا پاراستنێن پەیوەندیدار ب درێژیی و لدویڤ دەستپێکرنا کاری ژبو پەنابەران و دابینکرنا زانیاریێن پێویست ژبو گەهەشتن ب چارەسەریێن دووم درێژ ب هەمان رەنگ د گرنگن.
ژبو پتر پێزانینا سەبارەت پروگرامێن ڤەگوهاستنا کرێکاران و پروسێسا پێشکەش کرنا داخوازیێ، هیڤییە سەرەدانا مالپەرێ ‘HELP’ یێ کومسیونا بلند یا پەنابەران لسەر نەتەوەیێن ئێکگرتی (UNHCR) بکەی ب رێکا ڤی لینکێ ل خوارێ:
کومسیونا بلند یا پەنابەران لسەر نەتەوەیێن ئێکگرتی (UNHCR) ل عیراقێ دگەل رێکخراوا بەهرەدارێن بێ سنوور (Talent Beyond Boundaries) کارکرییە، کو کاردکەت لسەر گرێدانا خودان کاران دگەل پەنابەران، ڤەکرنا رێکێن کوچکرنێ، هەروەسا پیڤانکرنا ڤەگوهاستنا بەهرێن پەنابەران. کومسیونا بلند یا پەنابەران لسەر نەتەوەیێن ئێکگرتی (UNHCR) نە د شیان دایە ب ناڤێ تە داخوازیێ بو دەرفەتەکا کاری پێشکەش بکەت، پێتڤییە تو بخو داخوازییا خو دەست پێبکەی ب ناڤ نڤیسینا خو دگەل ئێک ژ کەتەلوگێن بەهرەداران.
بو زانینا دەرفەتێن بەردەست، هیڤییە سەرەدانا مالپەرێ دەرفەتێن بەهرەدارێن بێ سنوور (Talent Beyond Boundaries) بکە. ژبو پێشکێشکرنێ بۆ دەرفەتەکێ، هیڤییە ناڤێ خو تومار بکە لسەر کەتەلۆگا بەهرەدارانTalent Catalogue و پاشان ڤەگەرە بو لاپەرێ دەرفەتان ژبو پێشکێشکرنێ بو دەرفەتەکا دیارکری.
ژبۆ پرسیارئن زۆرترین جارا د هئنە پرسیارکرن سەرەدانا مالپەرئ شیرەتئن کارى بۆ پەنابەران بکە
هەروەسا دەرفەتێن کاری لسەر کەتەلۆگا تالنت لیفت TalentLift د بەر دەستن.
تومارکرن لسەر مالپەرێ ئونلاین یێ بەهرەدارێن بێ سنوور هەروەسا خزمەتگۆزاریێن TBB هەمی د بێ بەرامبەرن بو کاندیدان.
هیڤییە ئاگەهداربن ژ وان کەسێن ب درەو بانگەشێ دکەن کۆ پەیوەندی دگەل کومسیونا بلند یا پەنابەران و/یان دگەل هەڤکارێن وێ هەیە، ژوان ژی ئەوێن ل دەرڤەی نڤیسینگەها کومسیونا بلند یا پەنابەران یان لسەر تورێن جڤاکی یێن جیاواز. هیڤییە باوەریا خو ب چ کەسان نە ئینە کو بانگەشێ دکەت ژبو پێشکێشکرنا هەر خزمەتگۆزاریەکێ بناڤێ کومسیونا بلند یا پەنابەران ژوان دوبارە نیشتەجێبون و رێکێن تمامکەر ب پارە یان هەر بەرژەوەندیەکێ.
ئەرێ کومسیونا بلند یا پەنابەران لسەر نەتەوەیێن ئێکگرتی (UNHCR) دشیان دایە هاریکاریا من بکەت بو بدەستڤە ئینانا بەلگەنامێن من ژ وەلاتێ من بو پشتگیریا داخوازیا من یا رێکێن ڤەگوهاستنا کرێکاران؟ ⬇
نەخێر، کومسیونا بلند یا پەنابەران لسەر نەتەوەیێن ئێکگرتی (UNHCR) دشیان دا نینە ب شێوەکێ راستەوخو هاریکاریا تە بکەت بو بدەستڤە ئینانا بەلگەنامێن تە ژ وەلاتێ تە. پێتڤییە تو پشتراست بی کو تە هەمی بەلگەنامێن پێتڤی لبەر دەست هەنە لبەری تە داخوازیا خو پێشکەش بکەی.
ئەگەر تە شیان نینن بەلگەنامێن پێتڤی بدەست خوڤە بینی و ئەڤە دبیتە کێشە بوتە تو بەردەوامیێ بدەی لسەر داخوازیا تە یا سپۆنسەریا تایبەت، کومسیونا بلند یا پەنابەران ئاگەهدار بکە. چونکە دبیت هندەک رێکێن دی هەبن تو د شیان دای بکار بینی.