ئێکگرتنا خێزانێ

ئێکگرتنا خێزانێ ئەندامێن خێزانێ یێن ل وەلاتێن جیاواز د ژین د گەهینتە ئێک. ئێکگرتنا خێزانا پەنابەر گەهشتنا خێزانێ یە دگەل هەڤ پشتی ژ ئێک ڤەقەتیاین، ب مەرج کو ئێک ژ ئەندامێن خێزانێ بێتە ناسکرن وەک پەنابەر، یان هەلگرێ/ا پاراستنا تمامکەر ژ لایێ ئەو وەلاتێ تێدا د ژیت. دویڤدا ئەو پەنابەرە دشیان دایە داخوازا خێزانا خو بکەت ژبو هندێ بگەهنە هەڤ ل وی وەلاتی.

هەر دەمێ کو ئەندامێ خێزانا تە ئەوێ ل وەلاتێ سیێ مافێ پەنابەری یان پاراستنا تمامکەر وەرگرت، وی دەمی دشێن داخوازا ئەندامێن خێزانا خو یێن گونجای بکەن کو بگەهنە هەڤ. پاشی ئەو دێ بیتە “سپونسەر” یان “داخوازکەر” بوتە ئەگەر تو ئەندامەکێ گونجای بی.

ئەندامێن خێزانێ یێن گونجای بو ئێکگرتنا خێزانێ گرێدایە ب وەلاتێ سپونسەر لێ د ژیت. زوربەیا یاسایێن نیشتیمانی رێ ددەنە هەڤژین، دایک و بابێن زاروکێن بچوک و زاروکێن گرێدایی ب وێ خێزانێڤە کو بگەهنە هەڤ دگەل سپونسەری. ل هندەک وەلاتان ئەندامێن دی یێن خێزانێ یێن گرێدایی ب خێزانێڤە دشیان دانە داخوازێ بکەن. زورجار ئەندامێن خێزانێ یێن گونجایی ب (داخوازکری) دهێنە ناڤکرن.

دگەل وەرگرتن و دەرئێخستنا ڤیزێن پەیوەندیدار، خێزان دشیان دانە گەشتێ بکەن و بگەهنە سپونسەری. پشتی گەهشتنا وان دێ مولەتا نیشتەجێبونێ وەرگرن (جورێ مولەتێ جیاوازە هەر وەلاتەک ژ وەلاتێ دیتر).

ئاگەهداربە کو دەمێن دیارکری و رێكێن تایبەت دهێنە جێبەجێکرن، لدویڤ وەلاتێ سپونسەر لێ دژیت.

کومسیونا بلند یا پەنابەران لسەر نەتەوەیێن ئێکگرتی (UNHCR) د شیان دا نینە ئێکگرتنا خێزانێ ب ناڤێ تە داخواز بکەت. پێتڤییە تو بخو داخوازێ پێشکەش بکەی. کومسیونا بلند یا پەنابەران لسەر نەتەوەیێن ئێکگرتی (UNHCR) دشیان دایە هاریکاریا تە بکەت بو وان ئاستەنگێن کو تو بتنێ نەشێی چارەسەر بکەی پشتی تە داخوازیا خۆ پێشکەش کری.

رێکێن تایبەت بو ئێکگرتنا خێزانێ ل زۆربەیا وەلاتان هەیە.

بو پتر پێزانینا لسەر پیڤەرێن تایبەت ب هەر وەلاتەکی و چاوانییا پێشکێشکرنا داخوازیا خو، هیڤییە سەرەدانا بەشێ ئێکگرتنا خێزانێ لسەر مالپەرێ هاریکاریێ یێ UNHCR (UNHCR help website) بکە بو وی وەلاتێ کو ئەندامێن خێزانا تە لێ د ژین.

ئەگەر تو ل پێزانینا دگەری لسەر بەرنامێ ئێکگرتنا خێزانێ ل وەلاتەکی کو لسەر مالپەرێ هاریکاریێ یێ UNHCR نینە، هیڤییە لسەر مالپەرێ ‌‌‌حکومەتا وەلاتێ پەیوەندیدار ل “ئێکگرتنا خێزانێ” بگەرە.

کومسیونا بلند یا پەنابەران لسەر نەتەوەیێن ئێکگرتی (UNHCR) د شیان دا نینە بێژیت کا هون مفادارن بو پێشکەشکرنا داخوازیا خو. پێتڤییە تو بخو وان زانیاریان بخوینی یێن لسەر مالپەرێ ‘هاریکاریێ’ یێ UNHCR و تو بخو ڤێ چەندێ دیاربکەی.

هەرچەندە داخوازکرنا ئێکگرتنا خێزانێ یا بێ بەرامبەرە، دبیت ژوە بهێتە داخوازکرن بەشداری تێچۆیێ دارایی ببن ل بەشەک ژ پروسێسێ. ئەڤە دبیت تێچویێ نویکرنا پاسپۆرتا و پشکنینێن پزیشکی و گەشتکرنێ بخوڤە بگریت.

کومسیونا بلند یا پەنابەران لسەر نەتەوەیێن ئێکگرتی (UNHCR) د شیان دا نینە پالپشتیا دارایی بکەت بو دابینکرنا ڤان خەرجیان، بەلێ ئەگەر تە شیان نینە بەردەوامیێ بدەی ژبەر کێشەیێن دارایی، کومسیونا بلند یا پەنابەران ئاگەهدار بکە چونکە دبیت هندەک رێکێن دی هەبن بو کێمکرن یان لابرنا ڤان خەرجیان.

نەخێر، کومسیونا بلند یا پەنابەران لسەر نەتەوەیێن ئێکگرتی (UNHCR) د شیان دا نینە ب شێوەکێ راستەوخو هاریکاریا تە بکەت بو بدەستڤە ئینانا بەلگەنامێن تە ژ وەلاتێ تە. پێتڤییە تو پشتراست بی کو تە هەمی بەلگەنامێن پێتڤی لبەر دەست هەنە لبەری تو داخوازیا خو پێشکەش بکەی.

ئەگەر تە شیان نینن بەلگەنامێن پێتڤی بدەست خوڤە بینی و ئەڤە دبیتە کێشە بوتە تو بەردەوامیێ بدەی لسەر ئێکگرتنا خێزانێ، کومسیونا بلند یا پەنابەران ئاگەهدار بکە. لەوانەیە هندەک رێکێن دی هەبن تو د شیان دای بکار بینی.

بەڵێ، ئەگەر ژوە هاتە داخوازکرن گەشتێ بکەن بو وەرگرتنا ژڤانەکی ل بالیۆزخانەکێ ل وەلاتەکێ جیران، بەلێ تە شیان نینە ب شێوەیەکێ یاسایی گەشتێ بکەی، هیڤییە کومسیونا بلند یا پەنابەران ئاگەهدار بکە. ئەڤە تشتەکە کو مە شیان هەنە هاریکاریا وە بکەین لسەر.