رێکێن خواندنێ یێن تمامکەر پێکهاتینە ژ دەرفەتێن خواندنا بالا کو ب رێکا وێ پەنابەر دهێنە وەرگرتن ل وەلاتێ سیێ، ئانکو وەلاتەکێ دی ژبلی وەلاتێ خو یێ رەسەن و وەلاتێ ئێکێ یێ پەناخواز لێ و تێدا داخوازیا پاراستنێ کری. بدەستڤەئێنانا پەنابەری بو ڤان دەرفەتان راوەستیایە لسەر شارەزایا خواندن و زمانی نەک لسەر پێداویستیێن پاراستنێ. ئەڤ دەرفەتێن خواندنێ کو بڤان جورێ رێکان دهێنە پێشکەش کرن، پێتڤییە رێکێ بدەن بو چارەسەریێن دوم درێژ لسەر رێکێن کوچبەرییا ئاسایی یان سیستەمێ پەنابەری د وەلاتێ نو دا نەک پروگرامێن خواندنا کورت یان خواندنا زەمالەت.
رولێ ڤان دەرفەتان بهێزکرنا روییێ ئابوری و کومەلایەتی یێ پەنابەرانە هەروەسا بەرزکرنا شیان و باوەری بخوبونە بو وان.
د هەمان دەم دا، مفای دگەهینە کومەل و دامەزراوێن مێهڤاندار ب رێکا ئاڤاکرنا ژینگەهەکا ئەکادیمی یا دەولەمەند و زێدەکرنا هەڤگرتنا جڤاکی، هەروەسا باشکرنا بینەسازی و چاڤکانیێن ئەکادیمی.
لەوانەیە بەرنامێن خواندنێ ل وەلاتێ سیێ بەشەکن ژ سیستەمێ کوچکرنێ کو ژ زووڤە هاتییە بکار ئینان بو ئاسانکرنا وەرگرتنا پەنابەران کو کومەلەک ژ شارەزاییێن پێویست هەیە د ئاستێن جوراوجور. ، ژبو وێ چەندێ ئەڤ بەرنامەیە د بەردەوام بن، زۆر گرنگە بەلگەنامێن گەشتکرنێ ب شێوەیەکێ دروست د رێکخستی بن ژ بو چوونا ژور و مانا یاسایی ل وی وەلاتی مسوگەر ببیت. پارێزبەندیا پاراستنێن پەیوەندیدار ب درێژیی و لدەمێ خواندنێ و دابینکرنا زانیاریێن پێویست ژبو گەهەشتن ب چارەسەریێن دووم درێژ ب هەمان رەنگ د گرنگن.
دەرفەتێن بەردەست ل سەرانسەرێ جیهانێ ل مالپەرێ کومسیونا بلند یا پەنابەران لسەر نەتەوەیێن ئێکگرتی (UNHCR) بو دەرفەتێن خواندنا زەمالەت د بەردەستن.
هیڤییە ئاگەهداربن ژ وان کەسێن ب درەو بانگەشێ دکەن کۆ پەیوەندی دگەل کومسیونا بلند یا پەنابەران و/یان دگەل هەڤکارێن وێ هەیە، ژوان ژی ئەوێن ل دەرڤەی نڤیسینگەها کومسیونا بلند یا پەنابەران یان لسەر تورێن جڤاکی یێن جیاواز. هیڤییە باوەریا خو ب چ کەسان نە ئینە کو بانگەشێ دکەت ژبو پێشکێشکرنا هەر خزمەتگۆزاریەکێ بناڤێ کومسیونا بلند یا پەنابەران ژوان دوبارە نیشتەجێبون و رێکێن تمامکەر ب پارە یان هەر بەرژەوەندیەکێ.
ئەرێ کومسیونا بلند یا پەنابەران لسەر نەتەوەیێن ئێکگرتی (UNHCR) دشیان دایە هاریکاریا من بکەت بو بدەستڤە ئینانا دەرفەتەکا خواندنێ ل وەلاتەکێ دی و ژبو من پێشکەش بکەت؟⬇
نەخێر، پێتڤییە تو بخو پێشکەش بکەی بو دەرفەتان. دەرفەتێن بەردەست مالپەرێ کومسیونا بلند یا پەنابەران لسەر نەتەوەیێن ئێکگرتی (UNHCR) بو دەرفەتێن خواندنا زەمالەت دبەردەستن. پێتڤییە تو بخو پروسێسا پێشکەش کرنێ دەست پێبکەی.
جاران، لەوانەیە کومسیونا بلند یا پەنابەران لسەر نەتەوەیێن ئێکگرتی (UNHCR) زانیاریان لسەر پروگرامێن خواندنێ بەلاڤ بکەت یێن کو ب تایبەت ل کاندیدا دگەرن ل عیراقێ. ئەڤ جورە زانیاریێن لسەر ڤان پروگرامان دێ ل مالپەرێ ‘هاریکاری’ یێ کومسیونا بلند یا پەنابەران لسەر نەتەوەیێن ئێکگرتی (UNHCR) بدەست خوڤە ئینی.
ئەرێ کومسیونا بلند یا پەنابەران لسەر نەتەوەیێن ئێکگرتی (UNHCR) دشیان دایە هاریکاریا من بکەت بو بدەستڤە ئینانا بەلگەنامێن من ژ وەلاتێ من بو پشتگیریا داخوازیا من یا خواندنێ ل وەلاتێ سیێ؟ ⬇
نەخێر، کومسیونا بلند یا پەنابەران لسەر نەتەوەیێن ئێکگرتی (UNHCR) د شیان دا نینە ب شێوەکێ راستەوخو هاریکاریا تە بکەت بو بدەستڤە ئینانا بەلگەنامێن تە ژ وەلاتێ تە. پێتڤییە تو پشتراست بی کو تە هەمی بەلگەنامێن پێتڤی لبەر دەست هەنە لبەری تە داخوازیا خو پێشکەش بکەی.
ئەگەر تە شیان نینە بەلگەنامێن پێتڤی بدەست خوڤە بینی و ئەڤە دبیتە کێشە بوتە تو بەردەوامیێ بدەی لسەر داخوازیا تە یا خواندنێ ل وەلاتێ سیێ، کومسیونا بلند یا پەنابەران ئاگەهدار بکە. چونکە دبیت هندەک رێکێن دی هەبن تو دشیان دای بکار بینی.
من شیان نینە تێچۆیێ خەرجیێن خواندنێ ل وەلاتێ سیێ بدەم، ئەرێ کومسیونا بلند یا پەنابەران لسەر نەتەوەیێن ئێکگرتی (UNHCR) دشیان دایە بدەت؟⬇
کومسیونا بلند یا پەنابەران لسەر نەتەوەیێن ئێکگرتی (UNHCR) دشیان دا نینە پالپشتیا دارایی بکەت بو دابینکرنا ڤان خەرجیان، بەلێ ئەگەر تە شیان نینە بەردەوامیێ بدەییە داخوازیا خو ژبەر کێشەیێن دارایی، کومسیونا بلند یا پەنابەران ئاگەهدار بکە چونکە دبیت هندەک رێکێن دی هەبن بو کێمکرن یان لابرنا ڤان خەرجیان.
لدەمێ ل دەرفەتێن خواندنێ ل وەلاتێ سیێ د گەری پێتڤییە وان پروگرامان بەرچاڤ وەرگری کو هاریکاریا دارایی پێشکەش دکەن بو پالپشتیا خەرجیێن خواندن ژیانێ ل وی وەلاتی. دەرفەتێن بەردەست ل سەرانسەرێ جیهانێ ل مالپەرێ کومسیونا بلند یا پەنابەران لسەر نەتەوەیێن ئێکگرتی (UNHCR) بو دەرفەتێن خواندنا زەمالەت د بەردەستن.
پێتڤییە گەشتێ بکەم بو بالیوزخانەکێ بو ب دوماهی ئینانا داخوازیا خو/ ئەنجامدانا جاڤ پێکەفتنەکێ، بەلێ من پاسپۆرت نینە. ئەرێ کومسیونا بلند یا پەنابەران لسەر نەتەوەیێن ئێکگرتی (UNHCR) دشیان دایە هاریکاریا من بکەت بو گەشتکرنێ بو بالیوزخانەکێ ل ئوردن/ئێران/تورکیا/لوبنان؟⬇
بەڵێ، ئەگەر ژوە هاتە داخوازکرن گەشتێ بکەن بو وەرگرتنا ژڤانەکی ل بالیۆزخانەکێ ل وەلاتەکێ جیران، بەلێ تو نەشێی ب شێوەیەکێ یاسایی گەشتێ بکەی، هیڤییە کومسیونا بلند یا پەنابەران ئاگەهدار بکە. ئەڤە تشتەکە کو مە شیان هەنە هاریکاریا وە بکەین لسەر.