تێبینیا نهێنیبوونێ یا خزمەتگوزاریێن من (My Services)
UNHCR کێ یە؟ UNHCR ئاژانسا پەنابەران یا نەتەوەیێن هەڤگرتی یە کو ئەرکدارە ب پاراستنا مافان و باشترکرنا خۆشگوزەرانیا پەنابەران، پەناخوازان، ئاوارەیێن ناڤخۆیی، ڤەگەڕایان و کەسێن بێ وەڵات. بۆ باشترکرنا خزمەتگوزاریێن خۆ، UNHCR پۆرتاڵا My Services (خزمەتگوزاریێن من) پێشخستیە، کو پلاتفۆرمەکا دیجیتاڵی یا ب ڕێیا خۆ-خزمەتکرنێ (self-service) یە و هاتیە دیزاینکرن داکو کۆنترۆڵەکا مەزنتر بدەتە بکارئینەران ل سەر داتایێن وان یێن کەسی. ئەڤ پلاتفۆرمە وەک دەرگەهەکێ یە بۆ پەنابەر، ئاوارە و کەسێن بێ وەڵات داکو راستەوخۆ پێزانینان ل گەل UNHCR ئالوگۆڕ بکەن و خزمەتگوزاریێن پاراستن و هاریکاریێ وەربگرن.
My Services شیانێ ددەتە تە کو:
- داخوازا تۆمارکرنێ ل گەل UNHCR بکەی
- ژمارا تەلەفۆنا خۆ نووی بکەی
- ئەندامێن نووی یێن خێزانێ زێدە بکەی
- داخوازکرن و بڕێڤەبرنا راندەڤوویان
- پڕکرنا پرسیارنامە / راپرسیان
- پەیوەندیێ ب UNHCR بکەی دەربارەی پرسیار، سکالا، و/یان پێشنیار و تێبینیێن خۆ.
ئەڤ تێبینیا نهێنیبوونێ شڕۆڤە دکەت کا ئەم چەوا و بۆچی داتایێن تە یێن کەسی ب ڕێیا دەرگەهێ دیجیتاڵی (Digital Gateway) کۆم دکەین، بکار دئینین، هەلدگرین، پارڤە دکەین و دپارێزین. ئەو ئارمانجان دیار دکەت یێن کو ئەم ژبەر وان داتایێن تە بکار دئینین، ئەم چەوا ئەولەهیا وان دپارێزین، و مافێن تە سەبارەت ب وێ پێزانینا ل جەم مە هەی. زێدەباری ڤێ یەکێ، ئەو هویرکاریێن پەیوەندیێ یێن “کۆنترۆڵکەرێ داتایێن کەسی” (Personal Data Controller) دابین دکەت هەگەر تە بڤێت هەر ئێک ژ مافێن خۆ بکار بینی. UNHCR داتایێن کەسی کۆم دکەت و بکار دئینیت ل گۆرەی “سیاسەتا گشتی ل سەر پاراستنا داتایێن کەسی و نهێنیبوونێ” و “سیاسەتا پاراستنا داتایێن کەسی یێن کەسێن جێیا گرنگیپێدانا UNHCR”.
داتایێن تە یێن کەسی چەوا ل سەر پۆرتاڵا My Services دهێنە کۆمکرن و بکارئینان؟ UNHCR داتایێن کەسی ب ڕێیا پۆرتاڵا My Services کۆم دکەت و پرۆسێس دکەت (processes) بۆ hێسانکرنا تۆمارکرنا بکارئینەران و پشتەڤانیکرنا دابینکرنا دەستێوەردانێن هاریکاری و پاراستنێ ل گۆرەی ئەرکێ UNHCR. داتایێن تە یێن کەسی دهێنە کۆمکرن و پرۆسێسکرن دەمێ تو سەرەدانا پلاتفۆرمێ دکەی یان کارلێکێ (interact) دگەل دکەی، ژ وان ژی:
- دروستکرنا حسابێ و تۆمارکرن: ئەڤە ل سەر تە جێبەجێ دبیت چ تو بۆ جارا ئێکێ خۆ تۆمار بکەی یان ژی بەری نوکە ل گەل UNHCR تۆمارکری بی و حسابەکێ ل سەر پۆرتاڵا My Services دروست بکەی، دەمێ تو هویرکاریێن خۆ یێن کەسی وەکی ناڤ، پێزانینێن پەیوەندیێ و ژمارا گرۆپێ تۆمارکرنا UNHCR پارڤە دکەی.
- بڕێڤەبرنا حسابێ: وەکی دەمێ تو هویرکاریێن پەیوەندیێن خۆ نووی دکەی.
- گرتنا راندەڤوویان ل گەل UNHCR.
- تەمامکرنا فۆڕم یان راپرسیان.
- پێشکێشکرنا داخوازان: وەکی تێبینی/پێشنیار، پرسیار و/یان سکالا.
ئەم چ جۆرە داتایێن کەسی پرۆسێس دکەین؟ هەگەر تو بۆ جارا ئێکێ ل گەل UNHCR خۆ تۆمار دکەی یان هەگەر تو پێزانینێن خۆ نووی دکەی، دڤێت ئەڤ داتایێن کەسی یێن ل خوارێ ژ لایێ تە ڤە دەربارەی خۆ و ئەندامێن خێزانا تە ب ڕێیا پۆرتاڵا My Services بهێنە پێشکێشکرن:
- پێزانینێن کەسی یێن سەرەکی (Basic bio-data): ناڤێ ئێکێ، ناڤێ بابێ، ناڤێ باپیرێ (یان نازناڤ)، ڕەگەز، ڕێکەفتا ژدایکبوونێ، وەڵاتێ ڕەسەن، بارێ کەسایەتی، ژمارا ناسناما نیشتیمانی (هەگەر هەبیت)، ئایین، نەتەوە، ڕێکەفتا گەهشتنێ.
- پێزانینێن خێزانێ: ناڤێن ئەندامێن خێزانێ، ژیێ وان، و پەیوەندیا وان ب تە ڤە.
- هویرکاریێن پەیوەندیێ: ئیمەیڵ و ژمارا تەلەفۆنێ.
- وێنە: وێنەکێ ب قەبارێ پاسپۆرتێ / سێڵفی.
- بارکرنا بەڵگەنامان: کارتا ناسنامێ، پاسپۆرت، بەڵگەنامێن خێزانێ.
- هویرکاریێن جهی: ناڤنیشان ب خۆڤەگرتنا باژێر، پارێزگە، و وەڵاتێ ڕەسەن و یێ پەنابەرێ.
- هویرکاریێن راندەڤویێ: جهـ، جۆرێ راندەڤویێ، و ناسنامەیا بکارئینەری.
- پێدڤیێن تایبەت (ل دەرێ هەی): نیگەرانیێن سەلامەتیێ، دوگیانی (حەملێ) پێشکەتی، کێم ئەندامی، ئاریشێن ساخلەمیێ یێن مەترسیدار.
- هویرکاریێن داخوازێن تایبەت (Ad Hoc): ناسنامەیا کەسی، هویرکاریێن داخوازێ، نویکرنێن رەوشێ.
- داتایێن سکالا/تێبینیان: هەر پێزانینەکا تو ب هەڵبژێری کو ب ڕێیا پۆرتاڵێ پێشکێش بکەی.
- پێزانینێن ئامووری (Device information): ئای پی ئەدرەس (IP address).
بنەمایێ یاسایی بۆ UNHCR بۆ پرۆسێسکرنا داتایێن تە یێن کەسی ئەوە کو ئەم ئەرکێ خۆ بجهـ بینین، ئانکو، پێدڤی یە داتایێن تە یێن کەسی بهێنە پرۆسێسکرن داکو پاراستنا نێڤدەولەتی و هاریکاری بۆ کەسێن ب زۆر ئاوارەبوو و بێ وەڵات بهێتە دابینکرن.
UNHCR دێ هەوڵ دەت خزمەتگوزاریێن پاراستن و هاریکاریێ یێن گونجای بۆ رەوشا تە پێشکێشی تە بکەت ل سەر بنەمایێ وان پێزانینێن تو دەدە UNHCR. لەوا، گرنگە کو داتایێن ڕاست و دروست (ل گۆرەی باشترین زانینا خۆ) پێشکێش بکەی، و وان نووی (updated) بهێلی. هەگەر تو پێزانینێن نەدروست یان شاش بدەی، رەنگە کارتێکرنەکا نەرێنی ل سەر شایستەبوونا تە بۆ خزمەتگوزاریێن پاراستن و هاریکاریێ هەبیت.
ئەم دێ هەتا کەنگی داتایێن تە یێن کەسی پارێزین (هەلگرین)؟ UNHCR دێ داتایێن تە د پۆرتاڵێ دا پارێزیت داکو د سیستەمێ بڕێڤەبرنا دۆسیێ یێ UNHCR (proGres) دا د دەمێ راندەڤویا تۆمارکرنا تە دا تە تۆمار بکەت. هەر دەمێ تۆمارکرنا تە ب دوماهیک هات، ئەم دێ بەردەوام بین ل سەر پاراستنا داتایێن تە د پۆرتاڵێ دا داکو تو بشێی وان داتایێن مە ل سەر ناڤێ تە هەلگرتین ببینی، و بۆ نویکرنا پێزانینێن پەیوەندیێن خۆ ب ڕێیا پۆرتاڵێ. بۆ پێزانینێن زێدەتر دەربارەی چەوانیا پرۆسێسکرنا داتایێن تە د proGres دا، هیڤیە تەماشەی “تێبینیا پێزانینان” (Information Notice) بکە ل سەر ڕووپەلا UNHCR Iraq Help کو ب ٦ زمانان بەردەستە.
هەگەر تو سەرەدانا UNHCR نەکەی بۆ هەڤپەیڤینا تۆمارکرنێ د ماوەیێ ١٢ مەهان دا پشتی دروستکرنا حسابێ د پۆرتاڵێ دا، حسابێ تە و داتایێن کەسی یێن گرێدای ب وی ڤە دێ ژ پۆرتاڵێ هێنە ژێبرن، مەگەر تە راندەڤویەکا هەڤپەیڤینا تۆمارکرنێ یا کارپێکری (valid) هەبیت.
هەروەسا حسابێ تە دێ هێتە ژێبرن هەگەر تو داخوازا هەڤپەیڤینا تۆمارکرنێ نەکەی د ماوەیێ شەش مەهان دا پشتی تە حسابێ خۆ دروستکری، یان هەگەر تو چ داتایێن کەسی نەخەیە د پۆرتاڵێ دا د ماوەیێ چوار حەفتیان دا پشتی دروستکرنا حسابێ.
کێ دێ دەستهەلاتا گەهشتن ب داتایێن تە یێن کەسی هەبیت؟ UNHCR سەرەدەریێ ب داتایێن تە یێن کەسی ل گەل نهێنیبوونێ (confidentiality) دکەت. ل ئەو جهێ پێدڤی، بۆ دابینکرنا پاراستنێ و هەماهەنگیکرنا خزمەتگوزاریێن هاریکاریێ، رەنگە داتایێن تە یێن کەسی بهێنە پارڤەکرن ل گەل:
- هەڤپشکێن UNHCR: بۆ دابینکرن و هەماهەنگیکرنا خزمەتگوزاریان، ژ وان ژی سەنتەرێ پەیوەندیان (call centre) و خزمەتگوزاریێن هاریکاریا یاسایی.
- پێشکێشکەرێن خزمەتگوزاریان یێن ڕێپێدای: ب خۆڤەگرتنا کارمەندێن سەنتەرێ پەیوەندیان و دابینکەرێن پشتەڤانیا تەکنیکی، چاککرنا سیستەمی، و نویکرنان.
مافێن تە چی نە وەکی خودانێ داتایان (data subject)؟ UNHCR دخوازی پشتڕاست بیت کو تو ب تەمامی یێ ئاگەهداری ل سەر ڤان مافێن ژێرین:
- تە مافێ هەیە دەست ب داتایێن خۆ یێن کەسی بگەهیت، هەروەسا پێزانین ل سەر چەوانیا کۆمکرن، پرۆسێسکرن و پاراستنا وان ژ لایێ UNHCR ڤە.
- تە مافێ هەیە داتایێن خۆ یێن کەسی یێن نەدروست یان نەتەمام ڕاستڤەکەی یان نووی بکەی.
- تە مافێ هەیە داخوازا ژێبرنا داتایێن خۆ یێن کەسی بکەی هەگەر پرۆسێسکرنا وان ئێدی نە یا پێدڤی بیت یان جهێ کو چ بنەمایێ یاسایی بۆ پرۆسێسکرنێ نەمابیت.
- تە مافێ هەیە نەڕازیبوونێ (object) دیار بکەی ل سەر بکارئینانا داتایێن خۆ یێن کەسی ژ بەر ئەگەرێن یاسایی، ژ وان ژی پارڤەکرن ل گەل هندەک لایەنێن سێیەم.
تو یان نوێنەرێ تە یێ هەڵبژارتی دکارن ڤان مافان بکار بینن ب ڕێیا پەیوەندیکرن ب مە ڤە د ڕێکێن ل خوارێ دیارکری دا. ئەڤ مافە نە ڕەهانە (not absolute) و رەنگە د هەموو ڕەوشان دا نەهێنە بجهـ ئینان. داخوازێن پەیوەندیدار ب بکارئینانا مافێن تە ڤە رەنگە بکەڤنە بەر پشتڕاستکرن و هەلسەنگاندنێ ژ لایێ UNHCR ڤە بۆ هەر دۆسیەیەکێ ب جودا.
هێڤیە ئاگەهدار بن کو داتایێن کەسی یێن پێدڤی نە بۆ UNHCR داکو پاراستنێ دابین بکەت و هاریکاریێ هەماهەنگی بکەت. لەوا، هەگەر تو داتایێن کەسی دابین نەکەی یان هەگەر تو نەڕازیبوونێ ل سەر بکارئینانا داتایێن کەسی دیار بکەی، رەنگە تو ژ خزمەتگوزاریێن پاراستن و هاریکاریێ مفادار نەبی.
تو چەوا دکاری پەیوەندیێ ب مە بکەی؟ هەگەر تە پرسیار یان نیگەرانی هەبن دەربارەی چەوانیا UNHCR داتایێن کەسی کۆم دکەت و پرۆسێس دکەت، یان هەگەر تە بڤێت داخوازەکێ بکەی یان سکالایەکێ تۆمار بکەی، تو دکاری وێ یەکێ ب ڕێیا ڤان خاڵان ئەنجام بدەی:
- سەرەدانکرنا ئۆفیسێن UNHCR.
- داخوازکرنا راندەڤویەکێ ب ناڤنیشانێ “نیگەرانی دەربارەی داتا و نهێنیبوونا من” (Concerns about My Data and Privacy) ل گەل UNHCR ب ڕێیا حسابێ My Services یێ خۆ.
هەگەر تە باوەری هەیە کو رەفتارەکا خەلەت ژ لایێ UNHCR ڤە هەبوویە دەربارەی پرۆسێسکرنا داتایێن کەسی، تو دکاری هەروەسا ئیمەیڵەکێ بۆ نڤیسینگەها پشکنەرێ گشتی یێ UNHCR (Inspector General’s Office) بنڤیسی.
هەموو سکالا ب نهێنیبوونا توند سەرەدەری ل گەل دهێتە کرن، ب وێ رامانێ کو هەموو داتا ب نهێنی دهێنە پاراستن، ب شێوەیەکێ ئەولە دهێنە هەلگرتن و تەنێ بۆ مەرەمێن دیارکری (پاراستن، پاراستنا مافان، دابینکرنا خزمەتگوزاریا هاریکاریێ) دهێنە بکارئینان. تەنێ کارمەندێن ڕێپێدای دێ دەستهەلاتا گەهشتن ب ڤان داتایان هەبیت بۆ مەرەمێن دیارکری.
کوکیز (Cookies) هەگەر تە دڤێت بزانی ئەم چەوا کوکیز (cookies) بکار دئینین، سەرەدانا ڤێ لینکێ بکە: https://learn.microsoft.com/en-us/power-pages/admin/cookies
گوهڕین بۆ ڤێ تێبینیا نهێنیبوونێ UNHCR تێبینیێن خۆ یێن نهێنیبوونێ دێخیتە بەر پێداچوونا بەردەوام و هەر نویکرنەکێ ددانیتە سەر ڕووپەلا خۆ یا فەرمی. ئەڤ تێبینیا نهێنیبوونێ دواهەمین جار هاتیە نویکرن ل ١١ کانوونا یەکەم ٢٠٢٦.