سلاڤ، ناڤێ من ئەمیرە. ل بنەرتدا خەلکێ هەرێما ئازەربایجانا ڕۆژئاڤا ئیرانێ مە. من حەفت سالێن پری ئاستەنگی برنە سەری ل هەرێما کوردستانا عیراقێ بێی رەگەزنامە.
ژیانا من د گوهرینەکا چارەنڤیسی دا بوری دەمێ کۆمسیونا بلند یا پەنابەران لسەر نەتەوەیێن ئێکگرتی پروفایلێ من هنارتی بو رێکخراوا بەهرەدارێن بێسنوور، ئەڤ ڕێکخراوا کو پاڵپشتیا کەسانێن بەهرەمەندێن وەك من دکەت. ژبەر شارەزایا من د بوارێ پێشڤەچونا مالپەران دا، ئەز زور ب هیڤی بوم کو پلاتفورمەکێ ببینم کو د شیان دابم شارەزاییا خو بکار بینم.
دیتنا دەرفەتەکێ
دروستکردنا پڕۆفایلەکی لسەر ماڵپەرێ رێکخراوا بەهرەدارێن بێسنوور ئێکەم پێنگاڤ بوو، بەڵێ من دزانی لەوانەیە دیتنا کارەکێ گونجایی
زۆر وەخت پێدڤێت. ل وەختێ ئەز چاڤەڕێی دەرفەتان بوم ل رێکخراوا بەهرەدارێن بێسنوور، من ب شێوەکێ چالاکانە ل کارسازان دگەریا لسەر لینکیدئین . هەر ب رێکا ڤێ تۆڕێ بوو کو من پەیوەندی دگەڵ کومپانیەکا بەریتانیدا کر کو پرۆگرامێ سپۆنسەریا ڤیزێ پێشکەش دکەن و دلخۆش بون ژبو دامەزراندنا من.
دەربازکرنا ئاستەنگان
دسەر ڤێ چەندێ دا، ئاستەنگیەکا بێ هەمپا هەبوو د ڕێکا من دا، ل وەختێ ب دەستڤە ئینانا ئۆفەرێ کاری، من نە پاسەپۆرت و نە بەڵگەناما سەفەرێ هەبون، کو ئەو پێتڤیێن سەرەکیێن پێشکەشکردنا ڤیزا بەریتانیا بون. ئەڤ باردۆخە بو رێکخراوا بەهرەدارێن بێسنوور ژی کێشە بوو. دگەل تێگەهشتنا ئالۆزیا کەیسێ من، کارسازێ من تیمێ خو یێ یاسایی رێکخست تا دگەڵ رێکخراوا بەهرەدارێن بێسنوور و لدیڤدا دگەل وەزارەتا نافخۆیا بەریتانیا ب هەماهەنگی کار بکەن ژبو تەماشەکردنا کەیسێ من.
پشتی چەند هەیڤێن دانوستاندنێ دگەل وەزارەتا نافخۆ یا بەریتانیا و ڕاوێژکردنا دگەڵ پەرلەمانێ بەریتانیا گەهشتنە بڕیارەکا گرنگ و سەرەکە. ڕێک دا من کو داخوازیا ڤیزێ پێشکەش بکەم بێی پاسپۆرت. رێکخراوا بەهرەدارێن بێسنوور ڕێنمایێن زور بنرخ پێشکەشی من کرد، هەروەسا پەیوەندی دگەڵ پارێزەرێ کارسازێ من کر ژبۆ برێڤەبرنا پروسێسا داخوازییا من، هەروەسا کۆبۆنێەک پێشکەشی من کر ژبۆ ئەنجامدانا تاقیکردنا ت ئاستێ ئینگلیزی ب رێیا PTE (پیرسن)
سەرەرای ڤان ئاستەنگان، هەولێن مە بسەرکەتن، دەنگوباسەکێ زۆر خۆش گەهشتە من: ڤیزا من پەسەندکرا! ئەز ئێکەم کەس بۆم کو سەفەرێ بکەم بو بەریتانیا ب رێکا ڤیزا کاری بێی پاسپۆرت، و ڤیزا من لسەر بەڵگەناما سەفەرا ئێک رێ دەرچوو.
گەهشتنا بەریتانیا
پشتی گەهشتنا مە ل بەریتانیا، رێکخراوا بەهرەدارێن بێسنوور هەروەسا کارسازێ من رولەکێ گرنگ هەبو د هاریکاریا من و هەڤژینا من ژبو نیشتەجێبونێ، وەك پێشکەشکردنا پشتگیریێ ژبو دیتنا جهەکێ کاتی ژبو نیشتەجێبوونێ و هاریکاریا مە کر ل ئەرکێن سەرەکیێن ڤەگوهاستنێ.
پشتگیریا کەسانێن دی
لبەر ڤێ رێیا بێ هەمپا یا ئەز تێدا بوریم، من ب ئەرکێ خو دیت کو پشتگیریا کەسانێن دی بکەم. پشتی پێشکەشکردنا داخوازیا من ئەز هاتمە وەرگرتن وەک ئەندامەک د لیژنا بەشداربوێن بوری یێن رێکخراوا بەهرەدارێن بێسنوور، دگەل دا کو من سالەک تەرخان کر ژبو هاریکاریا پەنابەر و کەسانێن بێی رەگەزنامە ژبو دیتنا رێیێن نوی ب رێیا سود وەرگرتن ژ ئەزمونا من.