هاریکاریێن ئابوری

هاریکاریا دراڤی (کاش) یا فرە مەبەست بو پەنابەر و پەناخوازان د بیت بو مەبەستا بدەستڤە ئینانا هندەک پێداویستیێن سەرەکی یێن ژیانێ وەک دابینکرنا ئاڤێ و خارنێ و تەندروستی و جهێ ئاکنجیبونێ و دابینکرنا ژیارێ برێکا ڤەکرنا هندەک مارکێتێت خومالی .

د هندەک سالاندا ، ل دەمێ بەردەستبوونا  پارێ تەرخانکری ، کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR، هاریکاریا دراڤی  یا وەرزی دابین دکەت لسەر پەنابەر و پەناخوازان لهندەک دەمێن دەستنیشانکری د سالێ دا. هاریکاریێن دراڤی یێت وەرزی بتنێ ئێک جار د هێنە دابینکرن کو مەبەستا سەرەکی ژ هاریکاریێن وەرزی ئەوە کو پەنابەر و پەناخوازێت گەلەک زیان لێکەفتی هندەک پێتڤیێن بلەز وەرگرن ل دەمێ سەقایێ دنیایێ سار د بیت ، و هاریکاریێن وەرزی هەمی دەما ل بەر دەست نینن ،  کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR ، دێ هەوە ئاگەهدار کەت ئەگەر تو و خێزانا تە هاتبنە هەلبژارتن بو وەرگرتنا ڤێ جورێ هاریکاریێ .

• ل سالا ٢٠٢٠، هاریکاریا دراڤی یا تایبەت ب کوڤیدێ ڤە هاتنە دابینکرن وەک کریارەکا جیاواز ژبو  بەرسڤدانا بەلاڤبونا پەتایا کوڤید-١٩.  هاریکاریا دراڤی یا تایبەت ب کوڤیدێ ڤە  بتنێ ئێک جار هاتە دابینکرن کو مەبەستا سەرەکی ژ ئەڤی جورێ هاریکاریێ  ئەو بو کو پەنابەر و پەناخوازێت گەلەک زیان لێکەفتی هندەک پێتڤیێن بلەز وەرگرن وەک پەرسڤدانەک بو ئەوان ئاستەنگێن هاتینە سەپاندن ژ ئەگەرێ پەتایا کورونا.

ئەو پەنابەر و پەناخوازێن مافدار بو وەرگرتنا هاریکاریا دراڤی یا فرە مەبەست دێ کوژمەکێ پارەی بدینارێ عیراقی وەرگرن کو یەکسانی (٢٥٠) دولارێن ئەمریکی بن هەمی هەیڤا تا  ١٢ جارا ( ١٢ هەیڤا بزێدەهی) ژ جارا ئێکێ بو وەرگرتنا ئەڤی کوژمێ پارەی. کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR کوژمێ هاریکاریێن دراڤی یەکسان دکەت لدویڤ ئاستێ  گهورینا پارێ عیراقی بەرامبەری دولارێ ئەمریکی.

” لاوازی ژ لایێ ئابوریڤە” بشێوەکێ گشتی د هێتە نیاسین وەک نەشیانێن دابینکرنا پێدڤیێن سەرەکی یێن خێزانێ ژ ئەگەرێ لاوازیا ئابوریڤە (وەک دابینکرنا خارنێ ، چارەسەریا ساخلەمی ، کرێیا خانی ، و هندەکێت دی) ژ ئەگەرێ چەند هوکارێن جۆراوجۆر  ڤە کو دبیت نەخوشیێن دوم درێژ بخوڤە بگرن یان پەککەفتن ، مێژوویەکا بەرێ کو ئەو کەس تووشی توند و تیژیێ یان خرابکاری یان هندەک بارودوخێن دی ببیت.

ژ دەستپێکا ٢٠٢١ ، کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR یا شێوازەکێ نوی بکار دئینیت بو دەستنیشانکرنا کەسانێن مافدار: ژبەر هەبونا بوجەکا سنوردار  و دەستنیشانکرنا بارودوخێ ئابوریێن خراب یێن  گەلەک پەناخواز و پەنابەران. کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR سیستەمەکی بکار د ئینت کو گرنگیا دابینکرنا هاریکاریان  بدەتە ئەوان خێزانێت پتر د پێدڤی ب پشتگیریا دارایی ، دا کو بشێن قورتالی بارودوخێن خو یێن خراب ببن و دابینکرنا پێدڤیێن سەرەکی. ئەڤ سیستەمە د هێتە بەرهەڤ کرن لدویڤ وان پێزانینێن بشێوەکێ راستەخو د ئێنە وەرگرتن ژ  پەناخواز و پەنابەران بو کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR لدەمێ تومارکرنا وان دگەل کومسیونێ یان نویکرنا فورما وانا تومارێ. دەستنیشانکرنا کەسانێن د بارودوخێن لاواز دا د بیتە ئەگەرێ بەرزکرنا ژمارا ئەوان خێزانێن سودمەند دگەل گرنگیدانێ بوان کەسانێن پێتڤیەکا مەزن هەی.

پەناخواز و پەنابەر نەشێن خو و خێزانێت خو تومار بکەن ژبو وەرگرتنا هاریکاریێن دراڤی یان داخازیا سەرەدانا مالا وان بهێتە کرن ژبو دەستنیشانکرنا لاوازیا بارودوخی وانێ ئابوری. لشوینا ئەڤێ چەندێ توی پێتڤی ئاگەهدارکرنا کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR بکەی لناڤەندێن پێشوازیکرنێ و تومارکرنێ دەربارەی ئەو گهورینێن لسەر بارودوخێن خێزانا تەدا پەیدا بوین ، وەک ژمارێت تەلەفونا ، ناڤ و نێشانێن نیشتەجێبوونێ ل عیراقێ ، پێکهاتا خێزانێ (ژ دایکبوون ، پێکئینانا خێزانێ، وەغەرکرن، یان دەرکەتن ژ عیراقێ)، بارێ ساخلەمیێ ، و بارودوخێن ئابوری.

کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR دێ کورتە نامەیەکێ (SMS) یا هەیڤانە فرێکەت دا ئاگەهداریا ئەوان خێزانێت ژ نوی هاتینە دەستنیشانکرن  کەت کو دێ هاریکاریێ وەرگرن.  ئەو خێزانێت کو د مفادار نا بن ژی دێ ئێنە ئاگەهدارکرن کو ئەڤێ هاریکاریێ ڤێجا نا وەرگرن برێکا کورتە نامەکێ (SMS).

پێتڤیە ئەو پەنابەر و پەناخواز ئەڤێت هاتینە هەلبژارتن بو  وەرگرتنا هاریکاریا دراڤی:

• پشتراست بن کو وێنێ چاڤی هاتبیتە تومارکرن دگەل کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR و بدروستی کار دکەت و ٢ بەلگەنامێن کارپێکری لبەردەست بن (یا ئێکێ هەر بەلگەنامەکا کو هاتبیتە دەرئێخستن ژ لایێ ‌حکومەتا عیراقێ ڤە، و یا دووێ باوەرناما کومسیونا بلند یا کارپێکری).
• ئامادە ببیت ل تومارکرنا جزدانکا ئەلکترونی ئەڤا د هێتە گێران ژ لایێ کومپانیا زێن ڤە.
• کێشانا هاریکاریا دراڤی لوەختێ گونجای برێکا پارەدانێ بوێنێ چاڤی یان برێکا جزدانەکا ئەلکترونی.
• ئاگەهداریا کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR دوەختدا بکەت بو هەر گهورینەکا چێدبیت دەربارەی ژمارا تەلەفونێ ، ناڤ و نیشانێ نیشتەجێبوونێ، یان پێکهاتا خێزانێ.هیڤیە یێ هشیاربی! هاریکاریا تە دێ هێتە لادان ئەگەر هەر خراب بکارئینانەک رویدا وەکی نوینەراتیا نەیا دروست ، یان هەر کریارەکا خاپاندنێ ، وەک ئەڤێن لخارێ دیارکری:
  • فروتن یان دانا سیم کارتی/ جزدانکا ئەلکترونی وەک دیاری بو خێزانەکا دی یان کەسەکێ دی دا هاریکاریا دراڤی بشێوەکی نەیێ یاسایی بکێشیت.
  • نەهێلانا هندەک خێزانێن دیتر مفای ژ هاریکاریێن دراڤی وەرگرن.
  • دابینکرنا پێزانینێن خەلەت یان شاش دەربارەی خێزان و بارودوخێ خو بو کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR.

دێ تو هێیە تومارکرن ژ لایێ کومپانیا زێن ڤە بو دروستکرنا جزدانەکا ئەلکترونی و پارەدان برێکا وێنێ چاڤی، و بەرنامێ موبایلی کو تو بتنێ شێی بکاربینی برێکا وێنێ چاڤی تە. پێتڤیە هەر هاریکاریەکا دراڤی یا هەیڤانە بێتە كێشان د وەختێ خودا برێکا ئەڤان بەرناما.   ئەم دگەل هندێ نینین کو تو هاریکاریێن خو یێن دراڤی خرڤەکەی د جزدانکا خو یا ئەلکترونی دا.

هیڤیە یێ هشیاربی! چ پارێ خزمەتگوزاریێن زێدە نەدەی ، یان پارە ژتە بهێتە بڕین لدەمێ كێشانا پارێ خو ژلایێ کومپانیێڤە. هەمی هاریکاریێن مروڤایەتی د بێ بەرامبەرن و خزمەتگوزاری لبەردەستن لعیراقێ بێ بەرامبەر. هەر کەسەکێ داخازا عمولێ بکەت یان دەرمال یان هەر پارەکی بەرامبەری هاریکاریا دراڤی، پێتڤیە تو راپورت بکەی بو ناڤەندا پێزانینێن عیراقێ لسەر هێلا هاریکاریێ (80069999) یان هێلا هاریکاریێ یا بێ بەرامبەر ئەڤا د هێتە دابینکرن ژ لایێ کومپانیا زێن ڤە.

هاریکاریا دراڤی د هێتە دابینکرن لشوینا هەمی ئەندامێت خێزانێ. هەر ئەندامەکێ خێزانێ لسەر ژیێ ١٨سالی دا بیت و بەلگەنامە لبەردەستی / وێ بن یان وێنێ چاڤی د شێت  هاریکاریا دراڤی بکێشیت لشوینا سەروکێ خێزانێ یان هەر ئەندامەکێ دی. هەر کەسەکێ هاتیە دەرکرن یان نە د فورما کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR ، نە شێت پارا ڤەکێشیت یان وەرگریت.

کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR هاریکاریێن دراڤی (کاش) پێشكێشی هندەک خێزانێن پەنابەر و پەناخوازا یێن گەلەک زیان لێکەفتی ژ لایێ ئابوریڤە دکەت ل عیراقێ ژبو پاراستنێ و بدەستڤەئینانا خزمەتگوزاریان . لدویف ئەوێ پێداچونێ ئەڤا کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR کری لسالا ٢٠٢١ لسەر هەمی پەناخاز و پەنابەران ل عیراقێ دا ئەو کەسانێن مافدار دەستنیشان بکەت،    دبیت خێزانا تە نەهاتبیتە دیتن وەک مفادار بو ئەڤێ هاریکاریێ ئەڤ سالە. پێتڤی یە لسەرتە تو ئاگەهداریا کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR بکەی لناڤەندێن پێشوازیکرنێ دەربارەی ئەو گهورینێن لسەر بارودوخێن خێزانا تەدا پەیدا بوین ، وەک ژمارێت تەلەفونا ، ناڤ و نێشانێن نیشتەجێبوونێ ل عیراقێ ، پێکهاتا خێزانێ (ژ دایکبوون ، پێکئینانا خێزانێ، وەغەرکرن، یان دەرکەتن ژ عیراقێ)، بارێ ساخلەمیێ ، و بارودوخێن ئابوری.

نەخێر، وەرگرتنا هاریکاریێ یان دویرئێخستن ژ وەرگرتنا هاریکاریا دراڤی چ کارتێکرنێ لسەر تومارکرنا تە دگەل کومسیونا بلند یا نه‌ته‌وه‌يێن ئێکگرتی بو کاروبارێن پەنابەران UNHCR نا کەت یان هەر هاریکاریەکا دی یا مروڤایەتی.