د ڤان دوماهیکا دا گەلەك کەسا هەول دایە عێراقێ بجهـ بهێلن ب رێکێن جودا، وەك ب رێکا وەلاتێ ئیرانێ و تورکی دا بگەهنە ئێکەتیا ئەوروپا و داخوازیا پەنابەریێ بکەن. پرانیا جاران ئەڤ گەشتێن پەنابەرا دهێنە هاندان ورێکخستن ژ لایێ قەچاخچیان و هندەك رێکخەرێن دی ڤە کو داخازا پارەکێ زوور دکەن ژبو ڤان گەشتا.
د سالێن بوری دا، ب هزاران خەلك دگەل خێزانێن وان ئاسێ ماینە و د کاودانێن گەلەك سەخت را د بوورن و ئاسێ بوینە ل وەلاتێن لسەر رێکێ دا دگەل نەبۆنا پەناگەهەکێ و نەبونا خارنێ و ئاڤێ وچاڤدێریا ساخلەمی یێ. پڕانیا وان کوچبەران هاتینە زڤراندن لسەر سنوران و کەتینە د کاودانێن سەختر ژ کاودانێن وان تێرا بورین بەریکا دەست ب گەشتا پەنابەریێ بکەن، پرانیا وان ماینە بێ پارە و بوینە خودانێن زوور دەینا و بێ خانی ماینە یانژی پەناگەهەکێ کو لێ بزڤرن. رێژەکا زوور کێم شیاینە بگەهنە ئێکەتیا ئەوروپا، وئەو کەسێن گەهشتین ژی وەسا باسکریە کو هەتا گەهشتینە ئێکەتیا ئەوروپی، وان و خێزان و زاروکێن وان گەلەك کاودانێن نەخوش و سەخت بوراندینە د رێکێدا.
مەترسیان تێبگەهە و بزانە
لدەمێ کو تە هەردەم مافێ هەی بو کوچکرنێ و داخازا پەنابەریێ ، یا گرنگە بزانی کو گەشتکرنا بێی ڤیزە یا پری مەترسی یە، سەرەرای داخازیا تە بو پەنابەریێ، بزانە کۆ ئەڤ جورە گەشتە زیانێن توند دکەهیننه تە و خێزانا تە ژ لایێ جەستەیی و مێشکی و دارایی ڤە.
ئەو قەچاخچی و ڕێکخەرێت ڤان گەشتان دبیت داخازا پارەی ژتە بکەن بەری گەشتێ، د وەختێ گەشتێ دا یان ژی پشتی گەشتێ، و ئەو نەشێن گەرەنتیێ بدەن بو گەهاندنا تە بو جهێ دەستنیشانکری. تو و خێزانا تە بەلکی ببنە قوربانیێن وان کەسان یێن حەزا وان فایدە و بدەسڤەئینانن، کو سوزێ ددەن کو تە بگەهیننه وەلاتەکێ دی ب شێوێ نە ئاسایی. پرانیا جاران حەز و ئرامیا تە نە خەمە بو وان کەسان. ئەو کەس سوودمەندیێ ژ رەوشا تە دبینن و راستیا وێ چەندێ کو تو نەشێی گەشتێ بکەی ب رێکێن ئاسایی. تو و خێزانا تە بەلکی ببنە قوربانیێن خاپاندنێ و ئێشانێ.
وەرگرتنا ڤیزا وەلاتەکێ سنوردار بو وەلاتێن ئێکەتیا ئەوروپی، وێ ڕامانێ نادەت کو یا گەرەنتی یە دێ شێی گەهیە د ناڤا ئێکەتیا ئەوروپی دا. چونا دناڤا وەلاتەکێ ئێکەتیا ئەوروپی دا تە پێتڤی بڤیزێن دەستنیشانکری هەیە . بێی هەبونا ڤیزا ئێکەتیا ئەوروپی، د بیت تو ئاسێ ببی د رێکێدا و بەرامبەری هندەك بڕیارێن نەچاری و نە هێمن ببی، هەروەسا دبیت بکەڤیە بەر مەترسیا گرتنێ و ڤەقەتیانێ ژ خێزانا خو و ڤەگەریانا راستەخو بو وەلاتێ تە یێ رەسەن.
بزانە بەرى بچى
ل دويڤ رێنمایێن لايەنێن پەيوەندیدار لپارێزگەها دهوكێ ، هەر كەسىێ بڤێت گەشتێ بكەت ژ هەرێما كوردستانێ برێكا ئاسمانی يان زەمينێ ، ئەو ئێدى نەشێت بگەهيتە خزمەتگوزاريێن توماركرنێ يێن كومسيونا بلندا نەتەوەیێن ئێکگرتی بۆ کاروبارێن پەنابەران (UNHCR) يان كارتا ئاكنجيبوونێ يا مروڤايەتى بدەست خوڤە بينيت ، تنێ دێ شێت گەهیتە ڤان خزمەتان ئەگەر دەستويريا گەشتکرنێ ژ رێڤەبەريا ئاكنجيبوونێ بدەست خوڤە ئينابيت بەرى گەشتكرنێ.
خو و خێزانا خو بپارێزە
هشیاربە ژ داخوازی و سوزێن نە راست و دروست یێن کو د بینی لسەر تورێن جڤاکیێن نە باوەرپێکری.
گەلەک کەس و مالپەر و پەیجێن سەختە هەنە لسەر تورێن جڤاکی کو سەختەکاریێ دکەن و داخازی و سوزێن درەو و نە راست ددەن، یانژی سەختەکاریێ دکەن بناڤێ كومسيونا بالا یا نه‌ته‌وه‌يێن ئێکگرتی بو كاروبارێن په‌نابه‌را UNHCRو نه‌ته‌وه‌يێن ئێکگرتی UN یان ژی بالیوزخانێن وەلاتێن بیانی داکو پارە و خزمەتگۆزاریان ژ خەلکی وەرگرن.
ئەگەر تە رێکخراوەك یان کەسەك دیت کو داخویانیێ دکەت کو دگەل كومسيونا بالا یا نه‌ته‌وه‌يێن ئێکگرتی بو كاروبارێن په‌نابه‌را UNHCR کاردکەت و داخویانیا هاریکاریێ دکەت بو گەشتێ بو دەرڤەی وەلاتی بەرامبەر کوژمەکێ پارەی، خو ژێ دویر بێخە و ئەڤێ چەندێ بگەهینە جهێن پەیوەندیدار.یا پێتڤیە لبیرا تە بیت کو هەمی خزمەتگوزاری یێن دهێنە دابینکرن ژ لایێ نه‌ته‌وه‌يێن ئێکگرتی UN و رێکخراوێن مروڤایەتی ڤە بێ بەرامبەرن.
پەیوەندییێ بکە
ئەگەر تە یان خێزانا تە پێتڤی ب شیرەتێ یان پشتگیرییێ هەبیت، یانژی راوێژکاریێ دەربارەی بارودوخێ تە ل عیراقێ، یانژی ئەگەر تە بڤێت کومببی دگەل خێزانا خو ل ئێکەتیا ئەوروپی یانژی بریتانیا، پەیوەندیێ بکە ب كومسيونا بالا یا نه‌ته‌وه‌يێن ئێکگرتی بو كاروبارێن په‌نابه‌را UNHCR یانژی رێکخراوێن هەڤکار دگەل دا بو وەرگرتنا پێزانینا.