ስለ ሕገወጥ የሰዎች ዝውውር አደጋዎች ማስጠንቀቂያዎች

• ፓስፖርትዎን ወይም ሌላ የመታወቂያ ሰነዶችዎን ሲጠይቁዎ (ከመንግሥት ባለሥልጣናት በስተቀር ለምሳሌ በድንበር ፍተሻ ቦታዎች)፤
• ስልክዎን፣ ላፕቶፕዎን ወይም ሌላ የመገናኛ ዘዴዎችዎን ሲጠይቁዎት፤
• ከቤተሰብዎ ወይም አብረዋችሁ ከሚጓዙ ሌሎች ሰዎች ሊያርቁዎት ሲፈልግ፤
• እውነት የማይመስል ስራ እያቀረበልዎት ከሆነ፤
• ሥራ እንዲሰሩ፣ አገልግሎት እንዲሰጡ ወይም የፆታ ግንኙነት እንዲፈጽሙ ጫና ሲያሳድርብዎት (‹ዕዳዎች› መክፈልን ጨምሮ)፤
• የተወሰኑ ‘አገልግሎቶችን’ ካከናወኑ ብቻ – እንደ ምግብ ያሉ – እርዳታ እያቀረበልዎት ከሆነ፤
• እርስዎ እንዲመዘገቡ፣ ቦታ እንዲቀይሩ ወይም በሌላ አገር እንዲሰፍሩ ለመርዳት በክፍያ ቃል እየገባልዎት ከሆነ (ከተለመደው የትራንስፖርት ክፍያ በስተቀር)፤
• ስራ ላይ ቀጥሮዎት ከሆነ ነገር ግን እየከፈልዎት ካልሆነ፣ ወይም ቃል የተገባውን በከፊል ብቻ እየከፈለ ከሆነ፤
• ስራ ላይ ቀጥሮዎት ከሆነ፣ ነገር ግን ጥሩ የስራ ሁኔታዎችን ካልሰጥዎት ወይም እንቅስቃሴዎን አይገደበ ከሆነ፣ ለምሳሌ ሰነዶችዎን በመውሰድ ወይም በሩን በመቆለፍ።

• ንቁ ይሁኑ እና ስለማያውቋቸው ሰዎች የራስዎን ግንዛቤ ይከተሉ።
• ሁልጊዜ ሰነዶችዎን ይያዙ። ቅጂዎቻቸውን በስልክዎ ላይ ይውሰዱ እና ለሚያምኑት ሰው ይላኩ።
• ከቤተሰብዎ እና ከሚያምኗቸው ሌሎች ሰዎች ጋር ይገናኙ።
• መብቶችዎን እና የት እርዳታ ማግኘት እንደሚችሉ ይወቁ።
• ታማኝ መረጃዎችን ከታመኑ ምንጮች ይፈልጉ።

• ከተቻለ የታወቁ ድርጅቶች ያዘጋጁትን ማረፊያ ይጠቀሙ።
• የመቀበያ ማዕከል፣ ሆቴል፣ ሆስቴል (የጋራ ማሪፊያ) እና ማረፊያ የሚሰጡ መንግስታዊ ያልሆኑ ድርጅቶችን ይፈልጉ።
• የመስመር ላይ አገልግሎት አቅራቢን የሚጠቀሙ ከሆነ አዎንታዊ ደረጃ ያላቸው አስተናጋጆችን መምረጥዎን እና በገጹ ላይ ያሉትን ግምገማዎች መመልከትዎን ያረጋግጡ።
• ከግለሰቦች ጋር ከቆዩ በመጀመሪያ ስለ ግለሰቡ ለመጠየቅ ይሞክሩ። ከቤተሰብዎ ወይም አብረዎት ከደረሱት ሰዎች ጋር ለመለያየት ፈቃደኛ አይሁኑ፤ እንዲሁም ሰነዶችዎን ለሌላ ሰው አይስጡ። በምላሹ ከእርስዎ የሚጠበቅ ነገር ካለ ይጠይቁ እና ሁልጊዜ በዋጋ ላይ አስቀድመው ይስማሙ።

• በተቻለ መጠን በሚታወቁ አቅራቢዎች የተደራጀ መጓጓዣ ይጠቀሙ።
• በአውሮፓ የሚገኙ በርካታ ኩባንያዎች አሁን ለዩክሬናውያን ነፃ ጉዞ እያቀረቡ ነው። አማራጮችዎን ለማወቅ የአ.ኅ ለዩክሬን ያላቸውን ትብብር ድህረ ገጽ ይጎብኙ።
• ከቤተሰብዎ ወይም አብረዎት ከደረሱት ሰዎች ጋር ለመለያየት ፈቃደኛ አይሁኑ፤ እንዲሁም ሰነዶችዎን ለሌላ ሰው አይስጡ። ሁልጊዜ በዋጋ ላይ አስቀድመው ይስማሙ።

አስቸኳይ እርዳታ ካስፈለገዎት ለፖሊስ በ 📞 112 ይደውሉ። አስቸኳይ ካልሆነ ወደ 📞 02800 ይደውሉ

በኖርዌይ ውስጥ ደህንነት/ጥበቃ የማግኘት መብት አለዎት። የሚከተሉት ሁኔታዎች ካሉዎት ነጻ እርዳታ ማግኘት ይችላሉ፦

• እርስዎ በሚኖሩበት ቦታ ደህንነት ማይሰማዎ ከሆነ እና አዲስ የመኖሪያ ቦታ ካስፈለግዎት
• አንድ ሰው እንደ ጉዞ ወይም መኖሪያ ቤት ያሉ እርስዎ የማይፈልጉትን ነገር እንዲያደርጉ ጫና ቢያሳድርብዎ
• አንድ ሰው ወሲባዊ ጥቃት ቢፈጽምብዎ ወይም ጫና ቢያሳድርብዎ
• አንድ ሰው ስራ እንዲሰሩ፣ አገልግሎቶችን እንዲሰጡ ወይም ወንጀል እንዲፈጽሙ ቢያስገድድዎ ወይም ጫና ቢያሳድርብዎ
• የዓመፅ ወይም የጥቃት ሰለባ ከሆኑ

እነዚህን ሊረዱዎት የሚችሉ ሰዎችን ማነጋገር ይችላሉ፦

• የጤና እንክብካቤ እና የህክምና ሰራተኞች
• የኖርዌይ ኢሚግሬሽን ዳይሬክቶሬት (UDI)
• ፖሊስ
• እርስዎ በሚያርፉበት የእንግዳ መቀበያ ማዕከል ሰራተኞች ወይም በጎ ፈቃደኞች
• እርስዎ በሚቆዩበት ከተማ ውስጥ የሚሰሩ የስደተኛ አገልግሎቶች ወይም ሌሎች

እነዚህ የእርዳታ መስመሮች ላይ በመደወል ከገለልተኛ ድርጅቶች ጋር መነጋገር ይችላሉ። ካልፈለጉ ማንነትዎን መግለጽ አያስፈልግዎትም።

• የካሪታስ የእርዳታ መስመር በዩክሬንኛ እና በሩሲያኛ በነፃ በWhatsApp በኩል ይገኛል። ከሰኞ እስከ ሐሙስ ከጠዋቱ 10፡00 እስከ ከሰዓት 16፡00 ድረስ ክፍት ነው። እባክዎን ወደ 📞 +47 31 40 23 00 ይደውሉ
• በኖርዌይኛ እና በእንግሊዘኛ የሕገወጥ የሰዎች ዝውውር መስመር የሆነ የROSA የእርዳታ መስመር አለ። ሁልጊዜ ክፍት ነው። በአስተርጓሚ ሊረዱ ይችላሉ። እባክዎን ይደውሉ፦ 📞 +47 22 33 11 60

በAlarmtelefonen (የአደጋ ጊዜ ስልክ) ለልጆች እና ወጣቶች በ 📞 116111 መደወል ይችላሉ። ይህ የድንገተኛ ጊዜ ስልክ በኖርዌይኛ እና በእንግሊዝኛ 24 ሰዓት የስልክ እና የውይይት አገልግሎት ነው። በአስተርጓሚ ሊረዱ ይችላሉ።