خزمەتگوزاریێن تەندروستی

بو هەر تەنگاڤیەکێ پەیوەندیێ ب 122 بکە

د بیت هندەک خزمەتگوزاری ب شێوەکێ بەروەخت د بەردەست نەبن ژبەر رێنمایێن ساخلەمیێ ژ ئەگەرێ کورونا ڤایروس (کوڤید-١٩)

چاڤدێریا پزیشکی

خزمەتگوزاریێن رێڤەبەریا تەندروستیا گشتی یا عیراقێ بو پەنابەر و پەناخوازا بێ بەرامبەر د هێنە دابین کرن دگەل خزمەتێن رەوشا تەنگاڤیا ، دبیت هندەک جارا پارەیەکێ کێم بهێتە وەرگرتن.

ژ بوو هندەک نەخوشیێن درێژخایەن (مزمنة) پێدڤی ب دەستیریا ئاکنجیبونێ (ئیقامێ) هەیە.

خزمەتگوزارێت تەندروستی یێن ل بەردەست  پێک د ئێن ژ ، بەلێ پا نە ئەڤە بتنێ: راوێژکاری ، چاڤدێریا تەنگاڤیا ، دەرمان ، پشکنینێن تاقیگەها، پزیشکیا ددانا ، پشکنینێن گشتی ، نیشتەرگەری ، ڤاکسیندان ، چاڤدێریا ئافرەتێن دوو گیان و چاڤدێریا زاروکی و دەیکێ.

ڤاکسیندان و چاڤدێریا ئافرەتان بەری و پشتی زاروکبونێ ل بنگەهێن چاڤدێریا تەندروستی د بێ بەرامبەرن ،  ئەگەر زاروکێ تە ژیێ وی ژ 5 سالا کێمتر بیت یان تو یا دووگیان بی ، پێدڤیە تو سەرەدانا نێزیکترن بنگەهێ تەندروستی ل دەڤەرا تو لێ ئاکنجی بکەی ، زاروکبون ل نەخوشخانێت زاروکبونێ ل بەردەستە بتنێ ژ بو رەوشێن تەنگاڤیا پارەکێ کێم دهێتە وەرگرتن.

نەخوشخانێت حکومی 24 دەمژمێرا د کاریدانە ، و بنگەهێن تەندروستی د کاریدانە ژ سپێدێ تا پشتی نیڤرو.

تەندروستیا دەرونی و پشتگیریا جڤاکی و دەرونی

خزمەتگوزایێت د ناڤ کەمپێدا: خزمەتگوزاریێن دەرونی و پشتگیریا جڤاکی و دەرونی ل بەردەستن ژ بو پەنابەرێن د ناڤ کەمپان دا. ئەف خزمەتگوزاریە پێک دئێن ژ چالاکیێن سەرەدەریا دگەل زاروکا و سنێلا وگەنجا ، هەروەسا راوێژکاریا تاکە کەسی و پشتگیری ب رێکا چاڤدێری ژ لایێ دەرونناسا ڤە ، و چاڤدێریا ئێشێن دەرونی دگەل دابینکرنا دەرمانان وەک پێدڤی.

ژ دەرڤەی کەمپا: ئەو پەنابەرێن ل دەرڤەی کەمپا د ژین دشێن سەرەدانا نەخوشخانێت تایبەتمەند یان کلینیکێن پزیشکی بکەن یێن کو خزمەتگوزاریێن د ڤی بواریدا دابین دکەن. بەرێ خو بدە ئەڤ خشتێ ل خارێ بو پتر پيێزانینا ل سەر ئەو خزمەتگوزاریێن ل بەردەست ل وێ دەڤەرا تو لێ ئاکنجی.

بو پتر پێزانینا لسەر خزمەتگوزاریێن پارێزگەهێن نەڤەراست و باشورێ عیراقێ  یان بو داخازکرنا هاریکاریێ : پسیارا راوێژکاریێ بکە ژ كومسيونا بلندا نه‌ته‌وه‌يێن ئێکگرتی بۆ كاروبارێن په‌نابه‌ران UNHCR ڤە یان هەڤکارێن وێ یێن نە حکومی لسەر خزمەتگوزاریێن ل بەر دەست یان پەیوەندیێ ب هێلا گەرم یا بێ بەرامبەر 80069999 بکە