چاڤدێریا پزیشکی
خزمەتگوزاریێن رێڤەبەریا تەندروستیا گشتی یا عیراقێ بو پەنابەر و پەناخوازا بێ بەرامبەر د هێنە دابین کرن دگەل خزمەتێن رەوشا تەنگاڤیا ، دبیت هندەک جارا پارەیەکێ کێم بهێتە وەرگرتن.
ژ بوو هندەک نەخوشیێن درێژخایەن (مزمنة) پێدڤی ب دەستیریا ئاکنجیبونێ (ئیقامێ) هەیە.
خزمەتگوزارێت تەندروستی یێن ل بەردەست پێک د ئێن ژ ، بەلێ پا نە ئەڤە بتنێ: راوێژکاری ، چاڤدێریا تەنگاڤیا ، دەرمان ، پشکنینێن تاقیگەها، پزیشکیا ددانا ، پشکنینێن گشتی ، نیشتەرگەری ، ڤاکسیندان ، چاڤدێریا ئافرەتێن دوو گیان و چاڤدێریا زاروکی و دەیکێ.
ڤاکسیندان و چاڤدێریا ئافرەتان بەری و پشتی زاروکبونێ ل بنگەهێن چاڤدێریا تەندروستی د بێ بەرامبەرن ، ئەگەر زاروکێ تە ژیێ وی ژ 5 سالا کێمتر بیت یان تو یا دووگیان بی ، پێدڤیە تو سەرەدانا نێزیکترن بنگەهێ تەندروستی ل دەڤەرا تو لێ ئاکنجی بکەی ، زاروکبون ل نەخوشخانێت زاروکبونێ ل بەردەستە بتنێ ژ بو رەوشێن تەنگاڤیا پارەکێ کێم دهێتە وەرگرتن.
نەخوشخانێت حکومی 24 دەمژمێرا د کاریدانە ، و بنگەهێن تەندروستی د کاریدانە ژ سپێدێ تا پشتی نیڤرو.
ژ نوکە وێڤە UNHCR نە شێت خزمەتگوزاریێن پشتەڤانیا ساخلەمیا دەروونی و دەروونی جڤاکی ب رێکا هەڤبەشێن خۆ ڕێکخراوێن نەحکومی پێشکێش بکەت.
چەندین سالە ڕێکخراوا UNHCR و هەڤبەشێن خۆ خزمەتگوزاریێن پشتەڤانیا ساخلەمیا دەروونی و دەروونی جڤاکی پێشکێش ب پەنابەر و پەناخوازان د کەن ل عێراقێ.
ڕێکخراوا UNHCR ل دەستپێکێ پلان دانابوو کۆ خزمەتگوزاریێن پاراستنێ بۆ پەنابەران و پەناخوازان د ماوەیێ چەند سالەکاندا ب شێوێ قۆناغ ب قۆناغ بدوماهیک بینیت، ب مەرەما دەستگەهشتن ب خزمەتگوزاریێن گشتی.
بەلێ ژبەر سنووردارکرنا نها یا دارایی کو کاریگەری هەیە لسەر UNHCR لسەر ئاستێ جیهانی هەروەسا لسەر ئاستێ عێراقێ ژی، UNHCR نەچارە هەتا دوماهیکا مەها حوزەیرانا 2025 بشێوەیەکێ بلەزتر خزمەتگوزاریێن پشتەڤانیا ساخلەمیا دەروونی و دەروونی جڤاکی بدوماهیک بینیت د ناڤ کەمپان دا و ژدەرڤەی کەمپان ژی، رێکا هەڤبەشێن خۆ ڕێکخراوێن نەحکومی پێشکێش دکرن.
ئەو زارۆک و خێزانێن کۆ نۆکە خزمەتگوزاریێن پشتەڤانیا تەندروستا دەروونی و دەروونی جڤاکی ب رێکا هەڤبەشێن UNHCR وەردگرن: هەمی خزمەتگوزاریێن پاراستنا زارۆکان کۆ ب رێکا هەڤبەشێن UNHCR دهاتنە پێشکێشکرن دێ ل 30ی حوزەیرانا 2025 بدوماهیک هێن..
پێنگاڤێن داهاتی
- حکومەت بەرپرسیارێتیا سەرەکی ژ بۆ سەلامەتی و پاراستنا هەوە هلدگریت، ئەم ژی دی د بەردەوام کارکەین دگەل دەستهەڵاتێن نیشتمانی و ناڤخویێن پەیوەندیدار بۆ هندێ کۆ پشتراستبین پەنابەر و پەناخواز دگەهنە خزمەتگوزاریێن بەردەست.
- عێراقێ ثشتەڤانیەکا بەرچاڤ دایە دیارکرن د مێڤانداریکرنا پەنابەران و پەناخوازان، ژ پێدان و گەهشتن ب ئەوان بەڵگەنامانەیێن کو ژلایێ دەسەڵاتێڤە دهێنە دان و گەهشتن ب خزمەتگوزاریێن تەندروستیێن گشتی و پەروەردەیا گشتی یا حکومی.
- UNHCR پابەندە ب داکۆکیکرن ژ پەنابەران و پەناخوازان بۆ هندێ کو بگەهنە هەمان ئاستێ خزمەتگوزاریێن پاراستنێ وەکی کۆمەڵگەها مێڤان.
دێ ل کیرێ هاریکاریێ وەرگری؟
- د دەمەکیدا خزمەتگوزاریێن راستەوخو یێن UNHCR برێکا هەڤپشکێن خۆ بدوماهیک دهێن، هاریکاری ب ڕیکا دەزگەهێن حکومەتێ د بەردەستن. هیڤیە پەیوەندیێ بەمب ڤان هێلێن گەرمێن ل خارێ بکەن:
- ل هەرێما کوردستانا عێراقێ: پەیوەندیێ ب ژمارە 122📞 (هێلا گەرما ساخلەمیا دەروونی) بکەن یان سەرەدانا نەخۆشخانێن حکومی و بنگەهێن تەندروستیا سەرەتایی ل دەڤەرا خۆ بکەن.
- ل باشوور و ناڤەراستا عێراقێ: پەیوەندیێ ب ژمارە 911📞 بکەن یان سەردانا نزیکترین بنگەهێ ساخلەمیا گشتی بکەن بۆ پشتەڤانیا سەخلەمیا دەروونی.
ئاگەهدار بن
- ئەم تێدگەهین کو پیزانینێن نە دروست ب ساناهی دهێنە بەلاڤکرن و دبنە ئەگەرێ دوودلی یێ. هیڤیە وان پێزانینین کو جهێ باوەریێ نە ژ سەرکردێن کومەلگەهێ وەربگرە هەروەساژ بؤ هەر پێزانینەکا پەیوەندیدار، سەرەدانا مالپەرێ UNHCR بکەن.
- ئەم پابەندین ب بەردەوامبوون د بەلاڤکرنا هەر پێزانینەکا کو جهێ مفای بیت بۆ هەوە.
- هیڤیە بەردەوام سەردانا ماڵپەڕێ هاریکاری یێ UNHCR بکەن یان کەنالێ مە یێ واتسئاپی فۆلۆ بکەن بۆ زانینا نیترین پێزانینان.
هیڤیە د هەڤکاربن بۆ هندێ ئەڤ پیزانینە بگەهنە هەمی کومەلگەها هەوە ژ بۆ هندێ پشتراستبین کو هەمی د ئاگەهدارن لسەر بدوماهیک هاتنا ل سەری دیارکرین و بزانن ل کیرێ دێ داخازا هاریکاریێ کەن.