ئەڤە ژ کاتێ تە دەست ب کاری کری ل ئوسترالیا، ئەزمونا تە چاوابویە؟
کار زور یێ ب زەحمەتە و شیانێن فیزیکی زور دخوازیت. سیستەمێ کارکردنێ ب تمامی جودایە ژ وێ ئەوا من دکر ل کوردستانێ. هارڤی بیف کۆمپانیەکا مەزنە و هەڤکارێن زۆر هەنە. ئەز زوربەیا روژان زوو ژ خەو رادبم و دچمە کاری. کۆمپانی زور ژ مالا من یا نزیکە. لسەر مە هەمووان پێتڤییە جلوبەرگێن تایبەت لبەر خو بکەین. پێتڤییە ئەز پێلاڤێن خو بگوهرم و دەستێن خو بشوم، و پاشی جلوبەرگێن خو پاراستنێ بکەمێ. لڤێرێ زور گرنگیێ ب پاراستن و سلامەتیێ ددەن. سەلامەتی هەردەم پێش هەر تشتەکییە. پشتی ڤێ، بەرپرسێ من ئەرکێن من یێن وێ روژێ هەروەسا ئەو جهێن کو پێتڤییە کار لێ بکەم دەست نیشان دکەت.
وەک من ئاماژە پێ دای، کار زور یێ ب زەحمەتە، بەلێ د هەمان دەم دا زور لایەنێن ئەرێنی هەنە. هەمو روژێن چوارشەمبی ئەز پسوولەیا مووچێ خو وەردگرم. هەمی هویربینیێن دەم و پاداشتێن کارێ من د شروڤە کرینە. پارە ب شێوازەکێ ئۆتۆماتیکی دهێتە ڤەگوهاستن بو هەژمارا من یا بانکێ. چ جار د خەمێ دا نینم کا دێ موچێ خو وەرگرم یان نە. هەروەسا چونکە من گرێبەستەکا جێگیر یا هەی، ئەز هەست ب پاراستنێ دکەم د کارێ خودا. ئەڤ چەندە هاریکاریا من دکەت کو پاشەروژا خو و خوێزانا خو باشتر پلان بکەم.
تە چاوا ئەڤ کارە بدەست خوڤە ئینا ل ئوستڕالیا؟
چیرۆکا من ل سالا ٢٠٢١دەستیپێکرد دەمێ کۆمسیونا بلند یا پەنابەران لسەر نەتەوەیێن ئێکگرتی پەیوەندیا من کرد دەربارەی ڤێ دەرفەتێ. ڕێکخراوا بەهرەدارێن بێسنووری ژی دگەل من بون و پشتگیریا من کرد تا ئەز گەهشتمە ئوستڕالیا ل شوباتا ٢٠٢٤. وەك کەسەکێ بێ ڕەگەزنامە و بەڵگەنامێن فەرمی زور ئاستەنگ هاتنە د رێکا من دا. بەلێ ب هاریکاریا کۆمسیونا بلند یا پەنابەران لسەر نەتەوەیێن ئێکگرتی ئەز شیام خوو تومار بکەم ل کاتەلۆگا بەهەرەدارێن ڕێکخراوا بەهرەدارێن بێسنوور.
ب ڕاستی ڕێکخراوا بەهرەدارێن بێسنوور زۆر زەحمەت کێشا د هاریکاریا من و خێزانا من ژبۆ وێ چەندێ کو بشێم ب شێوەیەکێ یاسای سەفەرێ بکەم بۆ وڵاتەکێ دی و ڕازەمەندیا حکومەتا وی وڵاتی بدەست خوڤە ئینا. ئەوا وان بۆ مە کری ناهێتە باوەرکرن و ژبو من گەلەکا ب بها و گرنگە. ئەز چ جار نە د گەهشتمە ڤێرێ بێی پشتگیریا وان یا بەردەوام.
ب تەمامیا وەختێ پێشکەشکردنا داخوازیا من، ڕێکخراوا بەهرەدارێن بێسنوور پشتگیریا ماددی و مەعنەوی پێشکەشی مە کرد. ئەوان زور هاریکاریا من کرد دا لسەر زور ئاستەنگان دەرباز بم. چ جار دەست ژمن بەرنەدان. ئەوا وان بۆ مە کری ناهێتە باوەرکرن ل وی رادەی کو نەشێم پێناسە بکەم.
ئەڤ دەرفەتە چ واتایە ژبو پاشەروژا تە؟
ولات ئەو جهە یێ مروڤ لێ ژ دایک دبیت و مافێ هاولاتیبون و پاسپورتێ ب دەست خوڤە د ئینیت. وەک کەسەکێ بی رەگەزنامە من ئەو مافە نەبون. من مافێ خواندن و مولکیەتێ نەبو. دەمێ دەرفەتەکا هوسا بەر دەستێ من کەت، ژیانا من ب تمامی هاتە گوهارتن. خەونەک بو، خەونەک بو کو د خەیالێن من دا ژی یا ب زەحمەت بو، بەلێ بو راستی!
سوپاس ژبو خودای ب پشتگیریا کۆمسیونا بلند یا پەنابەران لسەر نەتەوەیێن ئێکگرتی و ڕێکخراوا بەهرەدارێن بێسنوور هەروەسا هارڤی بیف ئەڤ خەونە بو راستی. هەمویان پێکڤە کار کرد و پشتگیریا من کرد دا بگەهمە ڤێرێ. من د ژیانا خو دا باوەر نە دکر کو دێ گەهمە وەلاتەکێ دی و بمە هاولاتیێ وی ولاتی.
تە چ شیرەت هەیە ژبو وان پەنابەرێن ل عێراقێ کو حەز لسەر بدەستڤە ئینانا دەرفەتێن کاری هەیە ل دەرڤەی وەلات؟
هەر کەسەکێ حەز هەیە پێتڤیە د جهدا ناڤێ خو تومار بکەت دگەل رێکخراوەکا وەک ڕێکخراوا بەهرەدارێن بێسنوور.
شیرەتا من بو هەر کەسەکێ حەز دکەت ژیانا خو پێشڤە ببەت کار بکەت لسەر باشکردنا شیانێن خو یێن زمانێ ئینگلیزی. زمانێ ئینگلیزی زمانەکێ نیڤ دەولەتییە و ل هەمو جهەکی دهێتە بکار ئینان. شیانێن باش د زمانێ ئینگلیزی دا دێ دەرگەهان بوتە ڤەکەت ل هەر جهەکی و هەر پوستەکی دا. ژبەر ڤێ جەندێ، ئێکەم تشت تو بکەی لبەری تومارکردنا ناڤێ خو ب رێکا ڕێکخراوا بەهرەدارێن بێسنوور ئەوە کو تو کار بکەی لسەر پێشڤەبرنا شیانێن خو یێن زمانێ ئینگلیزی ب رێکا تەماشەکردنا فلمێن ئینگلیزی، زنجیرێن تەلەفزیونێ یێن ئینگلیزی، خواندنا پەرتوکێن ئینگلیزی، هەروەسا وەرگرتنا خولێن ئینگلیزی، یان هەر رێکەکا دی کو هاریکاریا تە بکەت ژبو پێشڤە برنا شیانێن تە یێن زمانێ ئینگلیزی. دەمێ تو حەز دکەی بچییە جهەکێ دی، هەول بدە زمانێ وێ فێر بی. پێتڤییە تو هاریکاریا خێزانا خو ژی بکەی کو فێر ببنە زمانێ ئینگلیزی دا کو بشێن ب ساناهی تێکەلی وی کومەلگەهی ببن.
خالا دوێ، لبەری تو سەفەرێ بکەی ژبو جهەکێ دی، دڤێت تو لسەر وی جهی و کەلتورێ وی لێکولینێ بکەی و لسەر بخوینی، و هەروەسا چاوانییا تێکەلبونێ دگەل خەلکێ وێ. فێر ببە چ تشت یێ گونجایە و چ نە گونجایە. تشتەک دبیت بو تە یێ ئاسایی بیت، بەلێ سوکاتییە لبەر دەم کەسەکێ دی. ئانکو دەمێ تو سەفەرێ دکەی ژبو جهەکێ دی، پێتڤییە یێ ئاگەهدار بی کا چ کەلتور و ئایینەک دهێنە پراکتیس کرن، و چاوا تێکەل بونێ دگەل ڤی کومەلگەهی.