زاروک ( کور و کچێن د بن 18 سالیێ دا) د پێدڤی ب پشتەڤانیەکا تایبەتن ژ بوو بدەسڤەئینانا هندەک پێدڤیێن دەستنیشانکری و چارەسەرکرنا وان مەترسیێن تێدا دەرباز دبن ژ بەر ژیێ وانێ بچویک. پروگرامێن زاروکا پێدڤیە کاربکەن ژ بو ب دەستڤەئینانا باشترین خزمەتگوزاریان و پشتەڤانیا باشترین بەرژەوەندیێن زاروکا .
مەترسیێن ل سەر زاروکان
د بیت زاروک توشی مەترسیێن گرێدای ب ئێمناهی و تەندروستێ ویڤە ، وەک :
- نە بوونا بەلگەنامێن شارستانی.
- ڤەقەتیان ژ دەیک وباب و سەمیانێ خو بەری یان ل دەمێ کوچکرنێ یان ئاوارەکرنێ دا.
- توندوتیژیا سێکسی و خرابکاری ، پتریا جارا کچ توشی توندوتیژیا سێکسی دبن ، بەلێ پا دیر نینە کور ژی توشی توندوتیژیا سێکسی ببن و کارتێکرن لێ بهێنە کرن.
- نەخوشیێن دەرونی و ئاریشێن دەرونی و جڤاکی.
- سەربازیکرن ژ لالیێ هێزێن چەکدار ڤە یان گروپێن چەکدار.
- فروشتن و قەچاغکرن بزاروکا
- توندوتیژیا جەستەیێ (لەشی) و چالاکێن زیان بەخش ، د بیت د ناڤ مالدا رویبدەن.
- کارکرن ب زاروکان.
- دەستەسەرکرنا زاروکان.
خزمەتگوزاریێن ل بەردەست ژبو پشتەڤانیا زاروکان
کومسیونا بلندا نه‌ته‌وه‌يێن ئێکگرتی بو کاروبارێن پەنابەران UNHCR کاردکەت دگەل هەڤکارێن خو و کومەلگەهان و جهێن پەیوەندیدار ژ بو دابینکرنا باشترین رێڤەبرن بو هەر کەیسەکی و خزمەتگوزاریێن پشتەڤانیا دەرونی و جڤاکی بو زاروکان ، هەروەسا دانانا پروگرامێت گشتی بو پشتەڤانی و چارەسەرکرنا ئەوان ئەگەرێن کو زاروکا د ئێخنە دبن مەترسیێ دا.
چەند خزمەتگوزایێن ل بەردەست بو تە ل دیڤ دەڤەرا تە لێ ئاکنجی ، وەکی :
- دروستکرنا جهێن هەڤال بو زاروکی یان خزمەتگوزاریێن گەروک.
- یاسایی و برێڤەبرنا کەیسا ، وەک رەوانەکرنا کەیسان
- دابینکرنا چاڤدێریا بەروەخت بو وان زاروکێت پێدڤی.
- خزمەتگوزاریێن پشتەڤانیا دەرونی یا تایبەتمەند بو زاروکان و چاڤدەریا وان.
- پشتەڤانیا گشتی بو چارەسەرکرنا زیانێت ب زاروکا کەتین.
دێ چەوا راپورتکرنا ئاریشەکێ کەی
ئەگەر تو هزر دکەی زاروکەک یێ د بن مەترسیەکێ دا هەر ب چ شێوە بیت ، هیڤیە بێ دەنگ نەمینی راپورتبکە ب رێکا پەیوەندیێ ب:
هێلا گەرما رێڤەبەریا بەرهنگاریا توندوتیژیێ دژی ئافرەتان ل هەرێما کوردستانا عیراقێ – 119