نها تنێ هندەک کەتەگوریێن کەسان (سوری) ڤیزەیا ٣٠ ڕوژی بو هەرێما کوردستانێ ل ڕێکا خالا سنووریا فیشخابوور وەردگرن. ئەوژی ئەو کەسن کو داخازا ئێکگرتنێ دکەن دگەل ئەندامێن نێزیک یێن خێزانا خوو، بوکێن کو ب مەبەستا زەواج کرنێ تێن، ئەو کەسێن کو ڕەوشا تەندرووستیا وان گرانە، بازرگان، ئەو کەسێن کو وان چاڤپێکەفتن دگەل بالیوزخانا هەیەم هەروەسا ئەو کەسێن ب ڕێکا فروکەخانەیا هەولێر دەڕباز دبن.
ل دەما دەڕبازی هەرێما کوردستانێ دبن، و ل دەما کو هوون ل کوردستانێ دمینن، پێتڤیە هوون پشت ڕاست بن کو هەوە ڤیزەکا کارا و سەرڤەنەچووی ئانژی بارا ئاکنجیبوونێ هەیە بو ئەو دەما هاتیە دیاری کرن کو ل کوردستانێ دمینن. ئەگەر هوون دخازن کو ئەو دەما ل کوردستانا عراقێ نە داخازا پەنابەریێ بکەن، پێتڤیە هوون پشت ڕاست بن کو دوزا پەنابەریێ ژ کومسیونا بلندا نەتەوەیێن ئێکگرتی بو کارووبارێن پەنابەران ڕا دەست پێ بکن و داخازا موڵەتا ئاکنجییا مرویی بکن ل ئەو دەما کو هێشتا ڤیزا کارا بت و سەڤەنەچوبت. وەکی دن ئەگەر هەیە کو تووشی سەرپێچیێ بن ل گوڕی هەژمارا ئەو ڕوژێن کو ڤیزا هەوە سەرڤەچوویە. دبە کو ئاستەنگی چێ بت ل دەما دەرکەتنا هەوە ل کوردستانێ و نکارن دەرکەڤن ئەگەر هوون سزایێ نەدەن بەری دەرکەتنێ ل هەرێمێ.
وەکی پەناخازەک،هەبوونا ڤیزەیا ٣٠ ڕوژان و خو تومارکرن ل کومسیونا بلندا نەتەوەیێن ئێکگرتی بو کارووبارێن پەنابەران بتنێ وەکی ئاکنجیبوونا یاسایی ل هەرێما کوردستانێ ناهێتە هەژمار کرن، پێتڤیە کو موڵەتا ئاکنجیبوونا مرویی ل فەرمانگا ئاکنجیبوونێ ل ئەو جها کو هوون لێ دمینن، ئەگەر هاتوو هوون وەنەکەن ئەگەر هەیە کو توشی سزایێ ببن ژ بەر سەرڤەچوونا ڤیزەی.
بەرپسیارا هەوە یا سەرەکییە کو هوون پشت ڕاست ببن کو ڤیزا ئانژی هەوە دوخا ئاکنجیبوونێ هەیە ل وی دەما کو هوون دمیننە هەرێما کوردستانێ. کومسیونا بلندا نەتەوەیێن ئێکگرتی بو کارووبارێن پەنابەران داخازا لێخوشبوونا سزایا ناکەت، دەست وەردانا کومسیونا بلندا نەتەوەیێن ئێکگرتی بو کارووبارێن پەنابەران تنێ سەر بنەما پێتڤیا دبت.
بوو پتری پێزانینان لسەر مافا پەنابەری و ئاکنجیێ بوونێ ل عراقێ ل ڤێرە کلیک بکە
بو وان سوریێن کو دخازن ب داخازا خوە ڤەگەڕن سوریێ
ئەگەر هوون ب دلخوازی بریار بدەن کو ڤەگەرن سوریێ ل وی دەمی ڕەوشا کاتی یا پاراستنێ ل عراقێ تایبەت ب وە ب داوی دبە. ب ڤی شێوەی ئەگەر هەیە کو ڕووبەڕوویا ئاستەنگی ببن دەمێ هەوە بڕیار دا جارەکا دن ڤەگەڕن عراقێ.
تێبینی: تە مافا وەرگرتنا ڕاوێژکاریان هەیە لسەر مژارا ڤەگەڕاندن ئانژی نەڤەگەڕاندن. پێتڤییە کوو پشت ڕاست بی داخازا خو ژبوو کومسیونا بلندا نەتەوەیێن ئێکگرتی بو کارووبارێن پەنابەران دەسەلاتدارێن عراقێ ئاشکرا بکەن.
- ئەگەر هوون دخازن کو ڤەگەڕن سوریێ ب دلخوازی و باوەرناما کومسیونا بلندا نەتەوەیێن ئێکگرتی بو کارووبارێن پەنابەران ڕادەست بکن، پێتڤییە پەیوەندیێ ب ناڤەندا ڤەگەڕینا دێرەبۆن ل نێزیک خالا سنووریا فیشخابوور بکن بو پڕووسە کرن و گوتەبێژیێ.
- ئاگەهدار بن کومسیونا بلندا نەتەوەیێن ئێکگرتی بو کارووبارێن پەنابەران پەرە ب ڤەگەڕینێ نادەت بو سوریێ، و ئاسانکاریا ناکەت، هەمی ڕێکخستن ب شێوەیەکا خووبەخشی و خوەبخوویی هاتینە ڕێکخستن دگەل دەسەڵاتێن هەڕیما کوردستانێ.
- ئەگەر ڤیزا تە سەرڤەچوو و تە نکاری نوو بکەی، ئەگەر هەیە کوو ل دەما دەرکەتنا تە ل کوردستانێ بو سووریێ سزایان بدەی ژبوو ڕێڤەبەریا ئاکنجیبوونێ. سزاژی ٢٠ هزار دینارە بوو هەر ڕوژەک کو ڤیزا سەرڤەچووبت ژ ڕوژا سەرڤەچوونێدا.
- ئەگەر چوون دناڤا ١٠ ڕوژان دا پشتی سەرڤەچوونا ڤیزەی بوو، پێتڤییە ل خالا سنووری یا فیشخابوور سزایێ بدەن، بەلی ئەگەر هاتوو ل ١٠ ڕوژان زەدەتر بوو پێتڤییە پەیوەندیێ ب فەرمانگا ئاکنجیێ ل دهوکێ بکەن.
- ئەگەر هوون دبن ١٨ ساڵیێ دانە و بتنێ نە، پێتڤییە پەیوەندیێ ب کومسیونا بلندا نەتەوەیێن ئێکگرتی بو کارووبارێن پەنابەران بکەی ئانژی ئەکتەرێ پاراستنا زاروکان کو دکارن ڕاوێژکارییا هەوە بکەن. ئەگەر هوون نزانن کو پەیوەندیێ ب کودەرێ بکەن، هوون دکارن سەرەدانا نێزیکترین ناڤەندا جڤاکی سەر ب کومسیونا بلندا نەتەوەیێن ئێکگرتی بو کارووبارێن پەنابەران بکەن بو وەرگرتنا زانیاریان. دگەل چوونا تە ل هەرێما کوردستانێ دوزا داخازا مافا پەنابەری/پەنابەر دگەل کومسیونا بلندا نەتەوەیێن ئێکگرتی بو کارووبارێن پەنابەران ب داوی دێ.