ስለ ሕገወጥ የሰዎች ዝውውር አደጋዎች ማስጠንቀቂያዎች

ሕገወጥ የሰዎች ዝውውር የሚከሰተው አንድ ሰው በማታለል፣ በማጥመድ ወይም በሌላ ሰው የግል ጥቅም ወይም ትርፍ እንዲበዘበዝ በሚገደድበት ጊዜ ነው።

ይህ ወንጀል ሲሆን የተለያዩ ቅርጾችን ሊይዝ ይችላል፣ ለምሳሌ፦

• ወሲባዊ ብዝበዛ
• የግዳጅ ሥራ
• የቤት ውስጥ በግዳጅ ሳይወጡ ጉልበት ሥራ ማሰራት
• ባርነት ወይም ተመሳሳይ ድርጊቶች
• በፆታ ላይ የተመሰረተ ጥቃት
• የግዳጅ ልመና ወይም ወንጀለኛነት

• ፓስፖርትዎን ወይም ሌላ የመታወቂያ ሰነዶችዎን ሲጠይቁዎ (ከመንግሥት ባለሥልጣናት በስተቀር ለምሳሌ በድንበር ፍተሻ ቦታዎች)፤
• ስልክዎን፣ ላፕቶፕዎን ወይም ሌላ የመገናኛ ዘዴዎችዎን ሲጠይቁዎት፤
• ከቤተሰብዎ ወይም አብረዋችሁ ከሚጓዙ ሌሎች ሰዎች ሊያርቁዎት ሲፈልግ፤
• እውነት የማይመስል ስራ እያቀረበልዎት ከሆነ፤
• ሥራ እንዲሰሩ፣ አገልግሎት እንዲሰጡ ወይም የፆታ ግንኙነት እንዲፈጽሙ ጫና ሲያሳድርብዎት (‹ዕዳዎች› መክፈልን ጨምሮ)፤
• የተወሰኑ ‘አገልግሎቶችን’ ካከናወኑ ብቻ – እንደ ምግብ ያሉ – እርዳታ እያቀረበልዎት ከሆነ፤
• እርስዎ እንዲመዘገቡ፣ ቦታ እንዲቀይሩ ወይም በሌላ አገር እንዲሰፍሩ ለመርዳት በክፍያ ቃል እየገባልዎት ከሆነ (ከተለመደው የትራንስፖርት ክፍያ በስተቀር)፤
• ስራ ላይ ቀጥሮዎት ከሆነ ነገር ግን እየከፈልዎት ካልሆነ፣ ወይም ቃል የተገባውን በከፊል ብቻ እየከፈለ ከሆነ፤
• ስራ ላይ ቀጥሮዎት ከሆነ፣ ነገር ግን ጥሩ የስራ ሁኔታዎችን ካልሰጥዎት ወይም እንቅስቃሴዎን አይገደበ ከሆነ፣ ለምሳሌ ሰነዶችዎን በመውሰድ ወይም በሩን በመቆለፍ።

• ንቁ ይሁኑ እና ስለማያውቋቸው ሰዎች የራስዎን ግንዛቤ ይከተሉ።
• ሁልጊዜ ሰነዶችዎን ይያዙ። ቅጂዎቻቸውን በስልክዎ ላይ ይውሰዱ እና ለሚያምኑት ሰው ይላኩ።
• ከቤተሰብዎ እና ከሚያምኗቸው ሌሎች ሰዎች ጋር ይገናኙ።
• መብቶችዎን እና የት እርዳታ ማግኘት እንደሚችሉ ይወቁ።
• ታማኝ መረጃዎችን ከታመኑ ምንጮች ይፈልጉ።

• ከተቻለ የታወቁ ድርጅቶች ያዘጋጁትን ማረፊያ ይጠቀሙ።
• የመቀበያ ማዕከል፣ ሆቴል፣ ሆስቴል (የጋራ ማሪፊያ) እና ማረፊያ የሚሰጡ መንግስታዊ ያልሆኑ ድርጅቶችን ይፈልጉ።
• የመስመር ላይ አገልግሎት አቅራቢን የሚጠቀሙ ከሆነ አዎንታዊ ደረጃ ያላቸው አስተናጋጆችን መምረጥዎን እና በገጹ ላይ ያሉትን ግምገማዎች መመልከትዎን ያረጋግጡ።
• ከግለሰቦች ጋር ከቆዩ በመጀመሪያ ስለ ግለሰቡ ለመጠየቅ ይሞክሩ። ከቤተሰብዎ ወይም አብረዎት ከደረሱት ሰዎች ጋር ለመለያየት ፈቃደኛ አይሁኑ፤ እንዲሁም ሰነዶችዎን ለሌላ ሰው አይስጡ። በምላሹ ከእርስዎ የሚጠበቅ ነገር ካለ ይጠይቁ እና ሁልጊዜ በዋጋ ላይ አስቀድመው ይስማሙ።

• በተቻለ መጠን በሚታወቁ አቅራቢዎች የተደራጀ መጓጓዣ ይጠቀሙ።
• በአውሮፓ የሚገኙ በርካታ ኩባንያዎች አሁን ለዩክሬናውያን ነፃ ጉዞ እያቀረቡ ነው። አማራጮችዎን ለማወቅ የአ.ኅ ለዩክሬን ያላቸውን ትብብር ድህረ ገጽ ይጎብኙ።
• ከቤተሰብዎ ወይም አብረዎት ከደረሱት ሰዎች ጋር ለመለያየት ፈቃደኛ አይሁኑ፤ እንዲሁም ሰነዶችዎን ለሌላ ሰው አይስጡ። ሁልጊዜ በዋጋ ላይ አስቀድመው ይስማሙ።