መጠንቀቕታታት ብዛዕባ ሓደጋታት ዘይሕጋዊ ምስግጋር ደቂ ሰባት

• ፓስፖርትኻ ወይ ካልእ መለለዪ ሰነዳትካ እንተሓቲትካ (ብዘይካ መንግስታዊ ሰበ ስልጣን ንኣብነት ኣብ ዶብ መፈተሺ ነጥብታት)፡
• ስልክኻ፣ ላፕቶፕካ ወይ ካልእ ናይ ርክብ መተሓላለፊኻ እንተሓቲትካ፡
• ካብ ስድራኻ ወይ ካልኦት ምሳኻ ዝተጓዓዙ ሰባት ክፈልየካ እንተደልዩ፡
• ኣዝዩ ጽቡቕ ዝመስል ስራሕ የቕርበልካ እንተሃልዩ፡
• ስራሕ፣ ኣገልግሎት ወይ ጾታዊ ርክብ ክትፍጽም ጸቕጢ ይገብረካ እንተሃልዩ (‘ዕዳታት’ ንምምላስ ሓዊሱ)፡
• ሓገዝ ይህበካ እንተሃልዩ –ከም መግቢ – እዚ ከኣ ዝተወሰኑ ‘ኣገልግሎታት’ ምስ እትፍጽም ጥራይ እንተኾይኑ፡
• ብዘይ ክፍሊት (ብዘይካ ስሩዕ ክፍሊት መጓዓዝያ) ናብ ካልእ ሃገር ክትምዝገብ፣ ክትግዕዝ ወይ ክትጣየሽ ክሕግዘካ ቃል ይኣቱ እንተሃልዩ፡
• ስራሕ ቆጺሩካ እንተብቅዕ ግን ድማ ዘይኸፍለካ እንተኾይኑ ወይ ድማ ካብቲ ቃል ዝተኣተወልካ ዝተወሰነ ክፋሉ ጥራይ ይኸፍለካ እንተሃልዩ፡
• ስራሕ ቆጺሩካ ግን ከኣ ምቹእ ናይ ስራሕ ኩነታት ዘይህበካ ወይ ምንቅስቓስካ ዝድርቶ እንተኾይኑ፡ ንኣብነት ሰነዳትካ ብምውሳድ ወይ ማዕጾ ብምዕጻው።

• ንቑሕ ኩን ብዛዕባ ዘይትፈልጦም ሰባት ናይ ገዛእ ርእስኻ ስነ-ኣእምሮኣዊ ምልከታ ሰዓብ።
• ኩሉ ግዜ ሰነዳትካ ሒዝካ ጽናሕ። ካብ ቴለፎንካ ቅዳሓት ወሲድካ ናብ እትኣምኖ ሰብ ስደድ።
• ምስ ስድራኻን ካልኦት እትኣምኖም ሰባትን ርክብ ግበር።
• መሰልካን ኣበይ ሓገዝ ክትረክብ ከም እትኽእልን ፍለጥ።
• ካብ እሙናት ምንጭታት ዘተኣማምን ሓበሬታ ድለ።

• እንተ ተኻኢሉ ብዝፍለጡ ትካላት ዝተወደበ መንበሪ ኣባይቲ ተጠቐም።
• ማእከል መቐበሊ ኣጋይሽ፣ ሆቴል፣ ሆስቴልን መንበሪ ዝህቡ ዘይመንግስታዊ ትካላትን ድለ።
• ናይ ኦንላይን ኣገልግሎት ወሃቢ ትጥቀም እንተኾንካ ኣወንታዊ ደረጃ ዘለዎም ኣአንገድቲ ምምራጽካን ኣብቲ ገጽ ዘሎ ግምገማት ምርኣይካን ኣረጋግጽ።
• ምስ ናይ ብሕቲ ሰባት እንተጸኒሕካ፡ መጀመርታ ብዛዕባ እቲ ሰብ ኣብቲ ከባቢ ክትሓትት ፈትን። ካብ ስድራኻ ወይ ምሳኻ ዝመጹ ሰባት ክትእለ ኣይትፍቀድ፣ ሰነዳትካ ድማ ኣይትሃብ። ኣብ ክንዲ እቲ ውዕለታ ካባኻ ዝጽበዮ ነገር እንተሃልዩ ሕተት ከምኡ ውን ኩሉ ግዜ ኣቐዲምካ ኣብ ዋጋ ተሰማማዕ።

• ዝከኣል ክሳዕ ዝኾነ፣ ብዝፍለጡ ወሃብቲ ኣገልግሎት ዝተወደበ ግልጋሎት መጓዓዝያ ተጠቐም።
• ኣብዚ እዋን እዚ ብዙሓት ኩባንያታት ኣውሮጳ ንዩክሬናውያን ብነጻ መጓዓዝያ ይህባ ኣለዋ። ኣማራጺታትካ ንምርካብ ኣብ ናይ ሕብረት ኣውሮጳ ምስ ዩክሬን ዘሎ ምሕዝነት ዝገልጽ መርበብ ሓበሬታ ተወከስ።
• ካብ ስድራኻ ወይ ምሳኻ ዝመጹ ሰባት ክትእለ ኣይትፍቀድ፣ ሰነዳትካ ድማ ኣይትሃብ። ኩሉ ግዜ ኣቐዲምካ ኣብ ሓደ ዋጋ ተሰማማዕ።

ቅልጡፍ ሓገዝ ምስ እትደልይ ናብ ፖሊስ ብ  112 ደውል። ህጹጽነት እንተዘይሃልዩ ናብ 📞 02800 ደውል

ኣብ ኖርወይ ውሕስነት/ሓለዋ ክስምዓካ መሰል ኣሎካ። ነጻ ሓገዝ ክትረክብ ትኽእል ኢኻ እንተድኣ፦

• ኣብቲ ትነብረሉ ቦታ ውሕስነት ዘይብልካ ኮይኑ ተሰሚዕካ ከምኡ ውን ንኽትነብረሉ ሓድሽ ቦታ የድልየካ ኮይኑ
• ሓደ ሰብ ንመገሻ ወይ መንበሪ ገዛ ዝገበረልካ ውዕለታ ንምምላስ ዘይትደልዮ ነገር ክትገብር ጸቕጢ ይገብረካ ኣሎ ኮይኑ
• ሓደ ሰብ ይምዝምዘካ ወይ ብጾታዊ ርክብ ጸቕጢ ይገብረልካ ኣሎ ኮይኑ
• ሓደ ሰብ ክትሰርሕ፣ ኣገልግሎት ክትህብ ወይ ገበን ክትሰርሕ የገድደካ ወይ ጸቕጢ ይገብረካ ኣሎ ኮይኑ
• ግዳይ ዓመጽ ወይ ግህሰት ኮይንካ

ምስዞም ዝስዕቡ ክሕግዙኻ ዝኽእሉ ሰባት ክትዘራረብ ትኽእል ኢኻ፦

• ሰራሕተኛታት ክንክን ጥዕናን ሕክምናን
• ዳይሬክቶሬት ኢሚግሬሽን ኖርወይ (UDI)
• እቲ ፖሊስ
• ኣብቲ እትሓድረሉ ማእከል መቐበሊ ኣጋይሽ ዘለው ሰራሕተኛታት ወይ ወለንተኛታት
• ናይ ስደተኛታት ኣገልግሎት ወይ ካልኦት ኣብቲ ትጸንሓሉ ዘለኻ ምምሕዳር ከተማ ዝሰርሑ

ነዞም ናይ ሓገዝ መስመራት ደዊልካ ምስ ነጻ ትካላት ክትዘራረብ ትኽእል ኢኻ። እንተ ዘይደሊኻ እውን መን ምዃንካ ክትዛረብ ኣየድልየካን እዩ።

• Caritas helpline (ካሪታስ ናይ ሓገዝ መስመር) ብቋንቋታት ዩክሬንን ሩስያን ካብ ክፍሊት ናጻ ብመንገዲ WhatsApp ምርካብ ይከኣል። ካብ ሰኑይ-ሓሙስ ካብ ሰዓት 10፡00 ቅ.ቀ ክሳብ 16፡00 ድ.ቀ ክፉት እዩ። ብኽብረትካ ናብ 📞 +47 31 40 23 00 ደውል
• ROSA helpline (ሮዛ ናይ ሓገዝ መስመር) ብዛዕባ ዘይሕጋዊ ምስግጋር ደቂ ሰባት ብቋንቋ ኖርወይን እንግሊዝኛን ምርካብ ይከኣል። ኩሉ ግዜ ክፉት እዩ። ምስ ተርጓሚ ክሕግዙ ይኽእሉ። በዚ ዝስዕብ ቴሌፎን ደውል፦ 📞 +47 22 33 11 60

በቲ ናይ ህጻናትን መንእሰያትንAlarmtelefonen (ናይ ህጹጽ እዋን ቴለፎን) ብ 📞116111 ክትድውል ትኽእል ኢኻ። እዚ ህጹጽ ቴሌፎን ብቋንቋ ኖርወይን እንግሊዝኛን ን 24-ሰዓታት ዝሰርሕ ናይ ቴሌፎንን ናይ ጽሑፍ መልእኽቲ ኣገልግሎትን ዝህብ እዩ። ምስ ተርጓሚ ክሕግዙ ይኽእሉ።