ደረጃ 1 – ምብጻሕን ምዝገባን
- ኖርወይ ምስ ኣተኻ ዑቕባ ክትሓትት እንተደሊኻ ምስ ፖሊስ ክትራኸብ ኣለካ።
- ኩሉ ናብቲ ፖሊስ ሓለዋ ዝሓትት ሰብ ናብ ሃገራዊ ኣገልግሎት ኢሚግሬሽን ፖሊስ (NPIS) ይለኣኽ። እዚ ወይ ኣብ ኦስሎ ወይ ኣብ ሃገራዊ ማእከል ምምጻእ ኣብ Råde ክኸውን እዩ። NPIS ንመመልከቲ ዑቕባኻ ክምዝግቦ እዩ።
- ኣብ ሃገራዊ ማእከል ምምጻእ ምስ በጻሕካ መግብን መስተን ከምኡ’ውን ውሑስ መሕደሪን ድቃስን ክወሃበካ እዩ።
- ምስ NPIS ክትዘራረብን ከም ሓታቲ ዑቕባ ክትምዝገብን ኢኻ። ስእልኻን ኣሰር ኣጻብዕትኻን ክውሰድ እዩ። ፓስፖርትኻ ወይ ካልእ መንነት ሰነዳት እንተሃልዩካ ንፖሊስ ከተርእዮ ከድልየካ እዩ።
- ተርጓሚ እንተድኣ ኣድልዩካ ክህሉ እዩ።
- ዑቕባ ከም ዝሓተትካ ዘርኢ ካርድ ክትቅበል ኢኻ።
- ሓኪም ወይ ነርስ ንሕማም ዓሶ ክምርምረካ እዩ።
- ንሓተትቲ ዑቕባ ዝምልከት ብውልቁ ምስ ዝሰርሕ ትካል ክትዘራረብ ትኽእል ኢኻ። ትካል ኖርወይ ንሓተቲ ዑቕባ (NOAS) ተባሂሎም ይጽውዑ። NOAS ሓታቲ ዑቕባ እንታይ ማለት ምዃኑ ሓበሬታ ክህበካ እዩ። ናይ NOAS ርክብ ሓበሬታ ኣብዚ ይርከብ።
- ኩሎም እዞም ኣብ ላዕሊ ዝተጠቕሱ ስጉምትታት ንኽዛዘሙ ክሳብ 21 መዓልታት ክወስድ ይኽእል። ኣብዚ ግዜ እዚ፣ ኣብ’ቲ ሃገራዊ ማእከል መቐበሊ ኣጋይሽ ክትጸንሕ ኢኻ።
- እዚ መድረኽ መስርሕ ምዝገባ ምስተዛዘመ ጉዳይ ዑቕባኻ ብዳይረክቶሬት ኢሚግሬሽን ኖርወይ (UDI) እናተሰርሐ እንከሎ ናብ ካልእ መቐበሊ ዑቕባ ክትግዕዝ ኢኻ።
here.
ደረጃ 2 – ቃለ መሕትት
- ኣብ ማእከል መቐበሊ ዑቕባ ኣብ ዘለኻሉ እዋን ብዛዕባ ቃለ መሕትት ዑቕባኻ መዓስ ከም እትገብር ክሳብ ዝንገረካ ክትጽበ ኣለካ።
- ካብ ዳይረክቶሬት ኢሚግሬሽን ኖርወይ (UDI) ዝመጸ ሓላፊ ነቲ ቃለ መሕትት ክገብረካ እዩ።
- እቲ ናይ ዑቕባ ቃለ መሕትት ንምንታይ ካብ ዓድኻ ከም ዝወጻእካን ምስ ተመለስካ እንታይ ከጋጥመካ ከም ዝኽእልን ንምግላጽ ዘለካ ዕድል እዩ። እቲ ቃለ መሕትት ምስጢራዊ እዩ።
- ኣብ እዋን ቃለ መሕትት ዑቕባ ብቋንቋኻ ዝዛረብ ተርጓሚ ክህሉ እዩ።
- ኣብ ዓድኻ ንምንታይ ውሑስ ከምዘይኮነ ን UDI ክትነግሮ ኣለካ።
- ኩሉ ትዛረቦ ብፍልጠትካ፣ ሓቅን ቅኑዕን ክኸውን ኣለዎ።
- እቲ ናይ ዑቕባ ቃለ መሕትት ሓያሎ ሰዓታት ክወስድ ይኽእል እዩ እንተኾነ ግን ዕረፍቲ ወሲድካ መግብን መስተን ክትረክብ መሰል ኣሎካ።
- ድሕሪ ናይ ዑቕባ ቃለ መሕትትካ ብዛዕባ ጉዳይ ዑቕባኻ መልሲ ክትረክብ ክትጽበ ኣለካ። ነዊሕ ክትጽበ ትኽእል ኢኻ። ኣብዚ ሕዚ እዋን UDI ኣብ ጉዳያት ዑቕባ ውሳነታት ክንደይ ግዜ ክወስድ ከምዝኽእል ትኽክለኛ ናይ ግዜ ገደብ ክህብ ኣይኽእልን።