ምሕታት ዑቕባ ኣብ እስራኤል

ብሰንኪ ምስዳድ ወይ ካልእ ከቢድ ሓደጋ ህይወትካ/ኪ ወይ ናጽነትካ/ኪ ካብ ዓድኻ/ኺ ምስ እትወጺ/ጽእ እሞ ናብ ሃገርካ/ኪ ክትምለሱ ምስ ዘይትኽእሉ ወይ ዘይትደልዩ ኣብ እስራኤል ዑቕባ ብምሕታት ኣህጉራዊ ጽላል ክትሓቱ ትኽእሉ ኢኹም።

መስርሕ ሕቶ ዑቕባ ብመኽንያት ስራሕ፡ ትምህርቲ፡ ሕክምናዊ ክንክን ወይ ካልእ ምስ ስደተኛታት ዘይኣሳሰሩ ጉዳያት ናብ እስራኤል ክመጹ ወይ ኣብ እስራኤል ጻንሒቶም ከናውሑ ዝደልዩ ሰባት፡ ዝዓለመ ኣይኮነን።

ዑቕባ ዘድልየኩም እንተኾይኑን ኣብ እስራኤል ዑቕባ እንተ ሓቲትኩምን ንሕቶ ዑቕባኹም መወዳእታ ውሳነ ክሳብ ትቕበሉ ካብ ምስጓግ ውሑሳት ትኾኑ። ሕቶ ዑቕባኹም ተቐባልነት እንተረኺቡ፡ ወይ ከም ስደተኛ ወግዓዊ ኣፍልጦ ዝህብ ወይ ሰብኣዊ ወረቐት ዝህብ ኣፍልጦ ደብዳበ ይመጸኩም።

ዑቕባ ንምሕታት ብቑዕ ምኽንያት ምስ ዝህልወኩም፡ ኣብ እስራኤል ምስ ኣተኹም ኣብ ዝሓጸረ ግዜ ምስ ኩሎም ኣባላት ስድራቤትኩም ሓቢርኩም ሕቶ ዑቕባ ክተቕርቡ ትኽእሉ።

ብዘይ ፍቓድ ወይ ዝኾነ መንግስታዊ ሰነድ ፍቓድ ናብ እስራኤል እንተ ኣቲኹም ብዘይ ወዓል ሕደር ናብ ባዓል መዚ ክትቀርቡ ኣለኩም። ድሮ ኣብ እስራኤል እንተ ሃሊኹም እሞ ብሰንኪ ካብ ሃገርኩም ድሕሪ ምውጻእኩም ብዘጋጠመ ፍጻሜታት ብሰላም ናብ ሃገርኩም ክትምለሱ እንተዘይክኢልኩም እውን ዑቕባ ክትሓትት ትኽእሉ ኢኹም።

ካብ ሰነ 2020 ጀሚሩ ሕቶ ዑቕባ ብኢንተርነት እዩ ዝቐርብ ።

• ቅጥዒ/ፎርም መሕተቲ ዑቕባ ስደተኛነት(RSD) ዝርከበሉ
• እቲ ዘድሊ ሓበሬታ ምልኡዎ (ግዴታዊ ዓውድታት ብ * ምልክት ተገይሩሎም ኣሎ) እሞ  SEND/ሰንድ ብምጽቃጥ ላኣኹዎ ።
• እቲ ናይ RSD ቅጥዒ ብእንግልሽ ዝተጻሕፈ እዩ። ነቲ ናይ RSD ቅጥዒ ብእንግልሽ፡ ብእብራይስት ወይ ብዓረብ ምምላእ ይካኣል።
• ሕቶ ዑቕባኹም ድሕሪ ብኢንተርነት ብኦንላይን ምእታውኩም፡ መስርሕ ሕቶ ዑቕባኹም ንምፍጻምን ንምምዝጋብን ብመገዲ ኢመይል ናብ ኢሚግረሽን ብኔብ ራክ እትቐርቡሉ ዕለትን ሳዓትን ዝሓዘ ናይ ቆጸራ መልእኽቲ ካብ ቤት ጽሕፈት ኢሚግረሽን ክላኣኸልኩም።
•  ንዝያዳ ሓበሬታ ኣብ መርበብ ሓበሬታ ኢሚግረሽን ምሕታት ዑቕባ ኣብ እስራኤል(www.gov.il) ምብጻሕ ይካኣል።

ኣብ ከም ጊቮን ወይ ያሃሎም ዝኣመሰለ ቤት ማእሰርቲ ኢሚግሬሽን እንተሃሊኹም፡ ነቲ ንወኪል ሚኒስትሪ ውሽጣዊ ጉዳያትሕቶ ዑቕባ ክትሓቱሉ እትኽእሉ ኣጋባብ ክፈጥርልኩምን ሕተቱዎም።.

ብኽብረትኩም ኣስተውዕሉ፥ ብመሰረት ደንቢ/ሕጊ ዑቕባ ናብ እስራኤል ካብ እትኣትዉ ኣብ ውሽጢ ሓደ ዓመት ዑቕባ ከተመልክቱ ኣለኩም።

ነዚ ክተማልኡ እንተ ዘይክኢልኩም፡ ሕቶ ዑቕባ ንምቕራብ ከድንጉየኩም ዝኻኣለ መኽንያት ብቑዕ መኽንያት ከተቕርቡ ክትግደዱ ኢኹም።

ብዛዕባ ምሕታት ዑቕባ ሕቶታት ምስ ዝህልወኩም ኮነ ኣብ ምምላሕ ቅጥዒ ሕቶ ዑቕባ ሓገዝ ምስ እትደልዩ ኣብ ሆት ላይን ንስደተኛታት ኣብ እዋን ሳዓታት ምቕባል ኣጋይሽ ብምብጻሕ ክትውከሱ ትኽእሉ።

እወ። ነፍሲ ወከፍ ልዕሊ 18 ዓመት ዝዕድሚኡ ሰብ ናይ ገዛእ ርእሱ ቅጥዒ ከቕርብ ኣለዎ። ኣዝዩ ኣገዳሲ እዩ!

ሕቶ ዑቕባ ንምሕታት ጠበቓ ኣየድልይን እዩ። ኣብ ኩሉ ደረጃታት መስርሕ ሕቶ ዑቕባ ግን ብናይ ገዛእ ርእስኹም  ወጻኢታት ዝመረጽኩሞ ጠበቓ  ናይ ምግባር ምሰልኩም እዩ።

ካብ መታለልቲ ተጠንቀቑ

ንሓተቲ ዑቕባ ብኣዝዩ ልዑል ክፍሊት ናይ ስደተኛ ወረቐት ነውህብ ኢና ካብ ዝብሉ ናይ ሕጊ ትካላትን  ናይ ሓሶት ጠበቓታትን  ተጠንቀቑ። ብተወሳኺ ብብዙሕ ገንዘብ ፡ ናብ ሃገራት ምዕራብ ኤውሮጳ፡ ካናዳ፡ ኣውስትራልያ፡ ኣመሪካን ካልእን  ናይ ስራሕ ዕድላትን ናይ ምስግጋር ዕድላትን ቃል ካብ ዝኣተዉ ገበነኛታት ትካላት ምጥንቃቕ ይግባእ።

• ህይወትኩም ኣብ ኢድ እዞም ጨካናት መታለልቲ ኣይተእቱዉ።.
• ኣይትእመንዎም።
• ግዳይ ምትላልታቶም ኣይትኹኑ።

ንሓተቲ ዑቕባ ነጻ ሕጋዊ ምኽርን ካልእ ዓይነት ሓገዛትን ደገፍን ብብዙሓት ዘይመንግስታውያን ትካላት ይወሃብ፣ እንተላይ ምስ UNHCR ብምትሕብባር ዝሰርሑን ካልኦት ሲቪላዊ ማሕበራት እስራኤልን።

ኣብ ተልኣቪቭ ወይ ኢየሩሳሌም እንተሃሊኹም፡ እዘን ዝስዕባ ትካላት ቅጥዒ RSD ክትመልኡ ክሕግዛኹም ይኽእላ እየን።
ኣብ ቴል ኣቪቭ: ሆት ላይን ንስደተኛታትን ሓተትቲ ዑቕባን

ኣብ እዮርሳሌም: ማእከል ማሕበረሰብ ኣፍሪቃ ኢየሩሳሌም

ፎርም RSD ምስ ኣእተኹም፡ መስርሕ ምዝገባ ንምፍጻም ኣብ ብነይ ብራክ ኣብ ዝርከብ ሚኒስትሪ ውሽጣዊ ጉዳያት ክትበጽሑ እትኽእሉሉ ዕለትን ሰዓትን ዝሓዘ ናይ ቆጸራ መልእኽቲ ክመጽኣኩም እዩ።

ድሕሪ ምምዝጋብኩም፡ ብድሕሪኡ ኣብ ሎድ ኣብ ዝርከብ ቤት ጽሕፈት ሚኒስትሪ ውሽጣዊ ጉዳያት RSD  ኣብ ሕቶ ዑቕባኹም ውሳኔ ንምቕባል ንቃለ መሕትት ቆጸራ ክትወሃቡ ኢኹም።

ብዛዕባ መስርሕ RSD ዝያዳ ሕቶታት ምስ ዝህልወኩም፡ ኣብ ሰዓታት ምቕባል ሆት ላይን ንስደተኛታትን ሓተትቲ ዑቕባን ኣጋይሽ  ተወከሱ።

ኣብ እዋን ቃለ መሕትት RSD ክትገብሩዎ ትጽቢት ዝግበረልኩም:

• ምሉእ ብምሉእ ምትሕብባር
• ብዝተኻእለኩም መጠን ሓቂ ምዝራብ
• ዝኾነ ይኹን ንጥርዓንኩም ዝድግፍ ክህልወኩም ዝኽእል ሰነዳት ኣቕርቡ።ኣብ እዋን ቃለ መሕትእትብሉዎ ዝኾነ ይኹን ነገር ጥቡቕ ምስጢራዊ እዩ። ስለዚ ንኹሎም ሕቶታት ብዝርዝር መልሲ ክትህቡን ኩሉ ኣገዳሲ ሓበሬታ ንጉዳይኩም ክተካፍሉን ትጽቢት ይግበር። መግለጺታትኩም ሓቅን ቅኑዕን ክኸውን ኣለዎ። ሓቂ ክትሓብኡ ወይ ናይ ሓሶት መግለጺታት ክትህቡ እንተፈቲንኩም ሕቶ ዑቕባኹም ክንጸግ ይኽእል እዩ።

ዝተወሰኑ ዘይትዝክሩዎም ነገራት እንተ ሃልዮም፡ ካብ ብግምት ትኽክለኛ ምንጋር ኣይዝክሮን እየ ምባል ይሓይሽ።

ኣብ እዋን ቃለ ምሕተትኩም ኣስተርጓሚ እንድሕር ደሊኹም ብዘይ ዝኾነ ክፍሊት ኣስተርጓሚ ክግበረልኩም ንባዓል መዚ ክትሓቱ ትኽእሉ ኢኹም። ነቲ ኣስተርጓሚ ምስ ዘይትርድኡዎ ብቕጽበት ነቲ ቃለ መሕተት ዝገብር ባዓል መዚ ክትሕብሩዎ ኣለኩም።

ጾታ ቃለ መሕተት ዝገብረልኩም ዘገድሰኩም እንተ ኾይኑ ማለት ወዲ ወይ ጓል ምስ እትመርጹ፡ ክትጠልቡ ትኽእሉ ኢኹም። RSD ፎርም ኣብ እትመልኡሉ እዋን እንታይ ዓይነት ጾታ ከም እትመርጹ ምልክት ምግባርኩም ኣረጋግጹ።

ኣብ ግዜ ቃለ መሕትት RSD ዝኾነ ዘይምቹኡነት ምስ ዝስማዓኩም ነቲ ሓታቲ ክትነግሩዎ ይግባእ። ኣብ መንጎ ቃለ መሕተት

ዕረፍቲ ምሕታት እውንይካኣል እዩ።

ኣብ RSD ፎርም ዘቐመጥኩሞ ዝኾነ ዓይነት ሓበሬታ ክትቅይሩ ምስ እትደልዩ፡ ንምኒስትሪ ውሽጣዊ ጉዳያት(ኢሚግረሽን) ምርካብ የድሊ።

ንሚኒስትሪ ውሽጣዊ ጉዳያት እዋናዊ ክትርከብሉ ትኽእሉ ሓበሬታኹም ምሕባር ኣዝዩ ኣገዳሲ እዩ።

በዚ ኢመይል እዚ መልእኽቲ ክትሰድሎም ትኽእሉ: [email protected]

ከም ስደተኛ ኣፍልጦ እንተረኺብኩም፡ ኣብ እስራኤል ግዝያዊ መንበሪ – A5 ቪዛ (ዓመታዊ ክሕደስ ኣለዎ)፡ ናይ ስራሕ ፍቓድን ከም ናይ ጥዕና መድሕንን ናይ ሰብኣዊ ድሕነት ደገፍን ዝኣመሰሉ ህዝባዊ ኣገልግሎታት ናይ ምርካብ መሰል ፡ መሰል ምጥርናፍ ስድራቤት ይወሃበኩም፡ ከምኡ’ውን ናይ እስራኤል ናይ ጉዕዞ ሰነድ(ትራቨል ዶኲመንት)።

ሕቶ ዑቕባኹም እንተ ተነጺጉ እሞ ምስ ውሳኔ ምንጻግ እንተ ዘይተሳማሚዕኩም፡ ማለት እንታይ መኽንያታዊ ኣይኮነን ኢልኩም እንተ ኣሚንኩም፡ ውሳኔ ካብ ዝተዋሃበሉ ግዜ ጀሚሩ ኣብ ውሽጢ 30 ማዓልታት ይግባይ ናይ ምባል መሰል ኣለኩም።

እቲ ይግባይ ብእብራይስት ክቐርብ ኣለዎ፣ ጠበቓ (ዓቕሚ እንተሃልዩካ) ወይ ድማ እብራይስት ዝዛረብ ወኪል ክትቆጽሩ ኣትሪሩ ይምከር።

ዝያዳ ሓገዝን ምኽርን ንምርካብ ናብ ቤት ጽሕፈት ሆት ላይን ንስደተኛታት ክትበጽሑ ትኽእሉ ኢኹም። ኩሉ ስዒቦም ከም ዘለዉ ሰነዳትኩም ሒዝኩም ቅረቡ:

• RSD ፎርም
• ናይ ርጀክት ደብዳቤ
• ናይ ቃለ መሕተት ጽሑፍ