د بیت هندەک خزمەتگوزاری ب شێوەکێ بەروەخت د بەردەست نەبن ژبەر رێنمایێن ساخلەمیێ ژ ئەگەرێ کورونا ڤایروس (کوڤید-١٩)
پیدڤیە هەمی پەنابەر و پەناخواز بهێنە تومارکرن دگەل كومسيونا بلندا نه‌ته‌وه‌يێن ئێکگرتی بۆ كاروبارێن په‌نابه‌ران UNHCRو ببنە خودان باوەرناما كومسيونا بلندا په‌نابه‌ران UNHCR.
ب دەستڤە ئینانا باوەرناما کومسیونا بلندا پەنابەران UNHCR یا کارپێکری دیار دکەت تو وەک پەنابەرەک یان پەناخوازەک پێدڤی ب پاراستنا نیڤدەولەتی و هاریکاریێ هەی.
ئەو پەناخوازێن باوەرناما کومسیونا بلندا پەنابەران UNHCR یا کارپێکری نەبیت ، ل دیڤ یاسایا عیراقی یا کوچ و کوچبەران د بیت بهێنە دەرێخستن ژ عیراقێ بو وەلاتێ وان یێ رەسەن ، هەروەسا د بن مەترسیا ژ دەستدانا هاریکاریێ و خزمەتگوزاریێن پاراستنێ ئەوێن د هێنە دابینکرن ژلایێ کومسیونا بلند ڤە و رێکخراوێن دی یێن مروڤایەتی.
دێ چەوا خو و خێزانا خو وەک پەناخواز تومارکەی
- وەرگرتنا ژڤانەکی (موعد) برێکا پەیوەندیەکا تەلەفونی ب نێزیکترین سەنتەرێ پاراستنێ و تومارکرنێ یێ سەر ب کومسیونا بلندا پەنابەران UNHCR ڤە یان ئوفیسا PARC یان نێزیکترین سەنتەرێ خزمەتگوزاریێن جڤاکی ، کارمەندێن مە دێ پسیارا ناڤ و رەگەزنامە و ناڤونیشانێت نوکە تو لێ ئاکنجی ، و ژمارا تە یا تەلەفونێ کەن و دێ ژڤانەکی بو تە دەستنیشانکەن ،کو پێدڤیە سەرەدانا سەنتەرێ تومارکرنێ یێ کومسیونا بلندا پەنابەران UNHCR بکەی یان سەنتەرێ خزمەتگوزاریێن جڤاکی یان ئوفیسا PARC
- ل روژ و دەمێ سەرەدانا تە بو سەنتەرێ تومارکرنێ یێ کومسیونا بلندا پەنابەران UNHCR پێدڤیە هەمی ئەندامێت خێزانا تە د ئامادەبن
- پێدڤیە هەمی بەلگەنامێت تە و خێزانا تە یێن ل بەردەست د ئامادەبن.
- کارمەندێن تومارکرنێ ل کومسیونا بلندا پەنابەران UNHCR دێ وێنێن تە و هەمی ئەندامێت خێزانا تە گرن و وەرگرتنا پێزانینێن بایومەتری یێن چاڤێت تە و ئەندامێت خێزانا تە (وێنێن چاڤی) ، وەرگرتنا بایومەترییا چاڤی چ ئێش ئازار و زیانێت تەندروستی نینن.
- کارمەندێن تومارکرنێ دێ داخوازا رازامەندیا تە کەن بو بەشداریکرنا پێزانینێن تە ، و هەمی پێزانینێن تە دێ د نهێنی بن ژبلی ئەگەر تو رازامەندیا خو دیار کەی بو کومسیونا بلندا پەنابەران UNHCR کو بەشداریکرنا پێزانینێن تە دگەل رێکخراوێت دی یێن مروڤایەتی ژ بو مەرەما وەرگرتنا بەلگەناما و هاریکاریێ و خزمەتگوزاریان.
- باوەرناما تومارکرنێ ژ لایێ کومسیونا بلندا پەنابەران UNHCR دێ هێتە دروست کرن ، کو وێنێ تە و زانیاریێن تە و ژمارا باوەرنامێ تێدا دیار بن، پيدڤیە باوەرنامە بهێتە پاراستن ژ لایێ تەڤە و پێزانینێت لسەر ب شێوەکێ نهێنی د پاراستی بن و دا نە هێنە بکارئینان دژی یاسایێ .
ل پارێزگەها دهوکێ (کەمپا بەردەرەش): ئەو پەناخوازێن نووی هاتینە ناڤ کەمپێ دا پێدڤیە سەرەدانا نڤێسینگەها ئاسایشێ لناڤ کەمپێ بکەن ژ بو وەرگرتنا پەسەندا ئاسایشێ ، پاش سەرەدانا رێڤەبەریا کەمپێ بکە (بوردێ هاریکاریێ و کاروبارێن مروڤایەتی (BRHA)) ، پشتی وەرگرتنا پەسەندا ئاسایشی و تومارکرنێ دگەل (BRHA) دشێن پەیوەندیێ دگەل بەشێ تومارکرنێ یا کومسیونا بلندا پەنابەران UNHCR بکەن.
باوەرناما پەناخوازان یا كومسيونا بلندا نه‌ته‌وه‌يێن ئێکگرتی بۆ كاروبارێن په‌نابه‌ر و پەناخوازان UNHCRدێ یا کارپێکری بیت بو ١٢ هەیڤا. باوەرناما په‌نابه‌ران دێ یا کارپێکری بیت بو ٢٤ هەیڤا. هەردو باوەرنامە یا په‌نابه‌ر و پەناخوازان پێتڤیە بهێنە نویکرن دەمی ژ کار د کەڤن.
ژ بوو وەرگرتنا ژڤانەکی (موعد) پەیوەندیێ ب ژمارێن لخارێ دیارکری بکە:
- هەولێر: 80069999
- سلێمانیێ: 99 99 06 80.
- نينوى: 0783 576 8460 / 0780 921 7331
هەمی هاریکاریێن مروڤایەتی د بێ بەرامبەرن