چەوانیا داخازکرنا هاریکاریێ

 كومسيونا بلندا نه‌ته‌وه‌يێن ئێکگرتی بۆ كاروبارێن په‌نابه‌ران UNHCR ، کار دکەت ژبو پاراستنا ماف و ئەرکێن پەنابەرا  ل چارئالیێن جیهانێ ، مەرەما سەرەکی یا کومسیونا بلندا نه‌ته‌وه‌يێن ئێکگرتی بۆ كاروبارێن په‌نابه‌ران UNHCR ئەوە کو هەر کەسەک بشێت مافێ پەنابەریێ وەربگریت و یێ پاراستی بیت ژ جەنگ و ستەمکاریێ ، کومسیون مافێ کەسێن بێ وار د پارێزیت . د هەمی چالاکیان دا کومسیونا بلندا نه‌ته‌وه‌يێن ئێکگرتی بۆ كاروبارێن پەنابەران UNHCR  هەولددەت ژ بو دابینکرنا پێدڤیێت زاروکا و پێشئێخستنا مافێن وەک هەڤیێ یێن ئافرەت و کچان.

رێکخراوا UNHCR حەفت (7) بنگەهێن هەین ل سەرانسەری عیراقێ : ل بەغدا و هەولێر وبەصرا  ودهوک وکەرکوک وموصل وسلێمانیێ.

تو دشێی پەیوەندیێ ب كومسيونا بلندا نه‌ته‌وه‌يێن ئێکگرتی بۆ كاروبارێن په‌نابه‌ران UNHCR بکەی ژ بوو:

  • وەرگرتنا پێزانینا ل سەر چەوانیا داخازکرنا پەناخوازیێ ل عیراقێ و زانینا ماف و ئەرکێن خو وەک پەنابەر یان پەناخواز.
  • تومارکرنا ناڤێ خو د فورما پەناخوازیێدا ل بنگەهێن كومسيونا بلندا په‌نابه‌ران UNHCR ل عیراقێ و وەرگرتنا باوەرناما (شهادة) پەناخوازیێ.
  • پشتەڤانی ژ بو بدەست ڤەئینانا بەلگەنامێن شارستانی(مەدەنی) ل عیراقێ ، تومارکرن ل قوتابخانا و چاڤدێریا پزیشکی و خزمەتێن پەیوەندیدار.
  • دابیکرنا راوێژکاریا یاسایی و پاراستن ، پشتگیریا  کەیسێن تایبەت ژ هەر جورە زیانەکێ یان کارەکێ خراب.
  • ب دەستڤەئینانا  گەلەک شێوەیێن هاریکاریێ و خزمەتێن جێواز.
  • ب دەستڤەئینانا پێزانینا و راوێژکاریێ و هاریکاریێ ل دەمێ تە بڤێت ولدیف حەزا خو بزڤریە وەلاتێ خو ، بساناهیکرنا ڤەگەریانا تا بو ناڤ وەلاتێ تە ل دەمێ بارودوخێ ئێمناهیێ دەست بدەت.
  • راپورتکرن ژ بو هەر رویدانەکا سەختەکاریێ یان خاپاندنێ یان خراب بکارئینانێ.
  • ب دەسڤەئینانا پێزانینا و هاریکاریێ لسەر پروسەیا دوبارە ئێکگرتنا خێزانێ ب رێیا راستەوخو یا هێلا دەربازبونا سنوری ل پیشخابور.
  • ب دەسڤەئینانا پێزانینا و هاریکاریێ لسەر پروسەیا سەرەدانێت وەختی(مؤقت) ب رێیا هێلا دەربازبونا سنوری یا پیشخابور.
  • ب دەسڤەئینانا پێزانینا لسەر روژ و دەمژمێرێت کارێ فەرمی ل بنگەهێن هاریکاریێ ل دێرەبون، دەربازبونا سنوری، و روژێن بێهێنڤەدانێت فەرمی یێن هەردو لایەنا.

پەیوەندیێ ب کومسیونا بلندا پەنابەران  UNHCR بکە بو هاریکاریێ

بو پەیوەندیکرنێ دگەل هەر بنگەهەکێ كومسيونا بلندا نه‌ته‌وه‌يێن ئێکگرتی بۆ كاروبارێن په‌نابه‌ران UNHCR ل عیراقێ، ژبو هەر جورە پرسیارەکێ یان وەرگرتنا پێزانینان ل سەر خزمەتگوزاریا ، هیڤی دکەین پەیوەندیێ بمە بکەی ب رێیا :

سەرەدانا سەنتەرێن جڤاکی بکە

ل هەولێرێ: ب هەماهەنگی دگەل کومسیونا بلندا پەنابەران UNHCR هژمارەکا رێکخراوێن نە حکومی یێن باوەرپێکری (تير دی هوم ، المسلة) کاردکەن ژبو برێڤەبرنا سەنتەرێن جڤاکی یێن گەنجان ل هەولێرێ ل ڤان جهان : بەحرکێ ، دارەتو ، سوران ، كويا ، شاویس ، قوشتەپا ، كەسنەزان ، باسرما و بانیسلاوا.

 ل سلێمانیێ: تو دشێی بچیە بنگەهێ پێزانینا یێ کو دکەڤیتە (بەرامبەر رێڤەبەریا کەمپا عەربەت یا پەنابەران) ژبو وەرگرتنا هەر جوره پێزانینەکێ لسەر خزمەتگوزاریێن لبەر دەست لناف کەمپێ و ژ دەرڤەی کەمپێ ، هەروەسا تو دشێی سەرەدانا دەزگەهێ ژنان ل ناڤەندا جڤاکی دا (بەرامبەر قوتابخانا عامودە) ، هەروەسا تو دشێی پێزانینا وەرگری و پرسیاربکەی ژ خوبەخشێن جڤاکی یێن کو ل ناڤ پارێزگەها سلێمانیێ کاردکەن ، کو دێ ئەو شێن ڤان جورە پێزانینا گەهیننە تە.

ل دهوکێ: کومسیونا بلندا پەنابەران UNHCR ب هەماهەنگی دگەل رێکخراوا سویدو  کاردکەت و ژمارەیەکا سەنتەرێت جڤاکی هەنە ل ناڤ کەمپان دا و ژدەرڤەی کەمپا ل (دوميز1 و دوميز 2 و گەويلان و نێشتەجێیا ئاکرێ و بەردەرەش ل دەڤەرا حوسەینیە و دهوك و سێمێل و زاخو و باتیفا و قەسروك و دێرەلوك).

ل ڤێرێ ، تو دشێی پێزانینا وەرگری لسەر خزمەتگوزاریێن لبەردەست و پێشکێشکارێ خزمەتگوزاریان ، و بەشدار بی د کومبونێت جڤاکی دا و د ژمارەیەکا جێواز یا چالاکیان دا (بو نمونە: موزیکا سەردەم ، سەما ، دراما ، شانوگەری ،  گوتار گوتن ، کارێن دەستی ، نڤێسین ،…)، هەروەسا ژمارەیەکا خولێن جێواز وەکی(فێربونا زمانا، کومپیوتەری، کارێن دەستی ، سەرتراشین، شێوەکاری، جوانکاری… ).

رێکخراوێن هەڤکار دگەل کومسیونا بلندا پەنابەران UNHCR دێ ب شێوەیەکێ رێکخستی نڤێسینگەها هاریکاریێ (Help Desk) دابین دکەن ، کو لوێرێ تو دشێی گازندە و ئاریشێن خو بگەهینیە کارمەندێن وان.

ل پارێزگەهێن ناڤەراست و باشورێ عیراقێ: ب هەماهەنگی دگەل کومسیونا بلندا پەنابەران UNHCR ژمارەیەکا رێکخراوێن نەحکومی یێن باوەرپێکری (LCN, IRC, InterSOS)، یێن کو هەشت بنگەهێن پشتەڤانیا چڤاکی هەین کو دکەڤنە (بەغداد ، بەعقوبە ، بەصرا ، کەربەلا ، رومادی، عانە (پارێزگەها ئەنبار) ، کەرکوک ، صەلاحەدین ( تکریت).

هەمی هاریکاریێن مروڤایەتی د بێ بەرامبەرن