Haddii Hay’adda Socdaalka Denmark ay diido kiiskaaga magangalyada, wuxuu kiisku islamarkiiba racfaan ahaan ugu tagayaa Guddiga Racfaanka Qoxootiga Denmark, taasoo micnaheedu yahay inaan lagaaga baahnayn inaad raacdo wax talaabooyin ah si aad racfaan uga qaadato go’aanka. Guddiga Racfaanka Denmark waa sida maxkamadii oo kale waana waax racfaanada qaabilsan.
Waxyaabaha ku saabsan nidaamka racfaanka iyo haddii aadan awoodin inaad iska bixiso lacagta qareenka, waxaad codsan karta qareen bilaash ah oo Qaranku ku siinayo.
Laba natiijo ayaa ka dhalan karta racfaanka:
- In Guddiga Racfaanka Qoxootiga Denmark uu go’aansado inuu magangalyo ku siiyo (aqoonsi sharci, aqoonsi magangalyo, ama aqoonsi magangalyo oo kumeelgaarka ah) gudaha Denmark.
- In Guddiga Racfaanka Qoxootiga Denmark oo ku raaco go’aankii Hay’adda Socdaalka Denmark kuugu diiday codsigaagii magangalyada. Go’aankaan racfaan lagama qaadan karo.
Waxada daawan kartaa muuqaalada uu diyaariyay Hay’adda Qoxootiga Denmark ee ku saabsan adeegyada talo bixinta ee loogu tala galay dadka codsigooda magangalyada ee Denmark laga diiday, kaasoo aad ku heli karto luuqadaha Carabi, Danish, Farsi/Dari, Ingiriisi, Faransiis, Pashto, Ruush iyo Spanish.
Waxaad sidoo kale eegi kartaa buugga macluumaadka ku saabsan nidaamka magangalyada Denmark, kaasoo laga heli karo websaytka Hay’adda Qoxootiga Denmark. Guudmarku wuxuu ku diyaarsan yahay luuqadaha Carabiga, Danish, Farsi/Dari, Ingiriisi, Faransiis, pashto, Ruush, Soomaali iyo Sorani. Haddii aad qabto su’aalo kale oo ku saabsan racfaan ka qaadashada go’aan lagu diiday codsigaaga magangalyada, fadlan bookho websaytka saraakiisha socdaalka Denmark, oo aad ku heli karto luuqadaha Ingiriisi iyo Danish.
